علمتني الغربه اشياء كثيره فماذا علمتك انت ... شارك برأيك

الله يوفقك ويرجعك لاهلك بالسلامه الغربه في البدايه حلوه وفي النهايه مره لكن تبقئ انها محسوبه علئ الشخص كسنوات من عمر المغترب

جزاك الله خير

لكل شئ حسنات
لولا الغربه لما تعلمنا الصبر والجلد والاعتماد على الذات وتغيير التفكير بشكل ايجابي احيانا وسلبي احيانا اخرى
لكنها تفتح العقل اجبارا لانه لا احد هناك سوى انت وانت وحدك.من يتخذ القرار
لربما في وقته يعتبر من المساوئ لكن مع الزمن يعتبر من افضل الايجابيات

اعانك الله واعادك.سالما لارض الوطن

اشكرك

مسكين علمتك الغربه حنا علمنا وطنا كل ماذكرت وازود تاؤمن بالله قسم بالله كانا غرب في وطنا من ابسط حقوقنا محرومين او تبي الصراحه قسم بالله الجنبي احسن مني ومن اكثر المواطنين
في اخذ حقوقه

لو جربت الغربه في بلد يختلف بكل المقاييس عن وطنك وتدوقت طعم الغربه الحقيقيه وأحسست بمعاناتها لعرفت معني الوطن وقيمته الحقيقيه و ان ماذكرته انت لايساوي 10 بالميه من الغربه التي اعيشها .

ان كنت سعودي كان عرفت وش اقصد وانا اقصد ابسط حقوقنا من علاج ودراسه

أكيد سعودي

اغتربت مره مده 4 شهور
الغربه غربه فعلا لا يحس بها ولا يعرف جمرها الا من اغترب وتختلف الغربه من بلد لبلد قد تخف احيايا اذا كان معاك صحبه لاكن الغربه المره جدا جدا هي من تكون لا صحبه معاك ولا علاقات من بلدك تصبح الغربه غصه

غربه بعيد عن الاهل من سنة و4 شهور ولازلت.بمنطقة بعيده
الاهل ازورهم بالاجازات والحمد لله..


علمتني القوة والصبر ..والتصرف بحكمه بمواقف كثيرة..الحمد لله لقيت صديقات كالاخوات..
نساعد بعض .نطبخ مع بعض..نجيب الي ناقصنا مع بعض..التعاون..

زميلات سكن من كذا منطقة.


اكثر شي تعلمته.

المال يبني لك وطن وسط الاجناب.
والفقر لو هو بين الاحباب غربه..

مريت بمحن كثيررره يفرجها الله علي..
لاشفت كوابيس ماارتاح الا لاكلمت اهلي وتطمنت عليهم...

واجهة مشاكل بالعمل من شخصية وااصله جداا ومسنوده لها 6 سنوات.بالمنصب.لجات الى الله الحيت ودعيت باوقات الاجابه ان يكفيني الله مااهمني مالي الا الله ..سبحاااانه يعز من يشاء ويذل من يشاء...ويمر علي اسبووع في حاله لايعلمها الا الله..لدرجة التفكير باجازة والسفر للاهل
.
نوم مانام من التفكير استمريت بالدعاء من قللللللب ماااااينتهي الاسبوع الا وصدر قرار بنقلها لجهة اخرى...
ويسخر لي الله اكبر مسؤول بجهتي ومن نقلها ليتولى امري ويتجاوب معي ..
ويخيرني بمايناسبني بالعمل
..


تعلمت اشكييييي همي لربي والح وادعي واترك البشررر..


ووالله العظيم مااادعوة دعوة الا بفضله استجابها لي..وما اهمني هم الا فرجه تفريجا يذهلني برحمته..وما تمنيت امر الا اعطاني اعظم منه اضعاف مضاعفه...

بالرغم من تقصيري .
لكن ادعو وانا محسنه الظن بالله..
وارى بشراه لي بالمنام كانها رؤى العين..فيرتاح بالي ويهداء..الحمد لله..


لازلت صابره متفائلة برزق الله وفضله.
الصبررر وان كان مرر ثماره حلوه..


عذرا على الاطاله جزءء من الي تعلمته .
في البعد عن الاهل ...اسال الله ان ييسر ويحقق مابقى لي من اماني ان كانت خير لي..


الله يوفقك وييسر امورك ويرد سالم .وكل بعيد عن الاهل..





اختكم

شكرًا الإخواني وأخواتي علي التفاعل والله يستجيب دعاكم

الغربة مرة كما يقولون ولكن الغربة تكشف لك الكثير وتعلمك الكثير (وانا اقصد كل من ابتعد عن مسقط رأسه قد اصبح في غربه وانا من الناس اصبح لى 9 سنوات مغترب عن اهلي في سوريا وزوجتي 7 سنوات عن اهلها وطفلي عمره 3سنوات لا يعرف شيء عن سوريا للي كلمة سوري حر ----------------- الله يفرجها علينا وعلى كل المسلمين ويحمي المملكة من كل سوء او فتنة يارب ويجنب شعبها كل الفتن للهم امين امين امين