عزيزي الرجل :هل جمــال المرأة مهم لديك ؟؟

جمال المرأة هو الهواء ( الأكسجين ) الذي يتنفسه الرجل.
بالنسبة لي الجميلة عادة تكون خلوقه.

وجهة نظر. أتوقع تقبل الصح والخطأ. لكن وجهة نظر.

81. بقلم: ali6
نحترم وجهة نظرك اخ علي ،،ولكن يعني الجميلة خلوقة والغير جميلة ماهي خلوقة ،،مع احترامي لك وجهة نظرك غير صحيحة..

شاكر مرورك الكريم

اهلين
قريت الموضوع وشدني وحبيت اشارككم الراي
انا احس انه موضوع الجمال موضوع ماله معيار , اقصد انه اللي انا اشوفها جميله يشوفها الثاني عاديه او شينه , اقرب مثال الممثلات بالتلفزيون يوم تعجبك وحده منهم اسئل اي حرمه بجنبك قل وش رايك فيها بتقولك عاديه طبعا بعيدا عن الغيره مقاييس الجمال تتغير من شخص لاخر .
وبالنسبه للسؤال انه الواحد يطلق حرمه فاماتوقع انه الزوج السعودي الحالي المتحضر الفاهم للحياه انه ينزل للعقليه السقيمه هذي .

حتى انه الان الانسانه الشينه اللي الناس يقولون انها شيفه تطلع بالمكياج ملكة جمال وياما شفنا ممثلات سوريات يجننون بالتلفزيون بس عشان المكيااج .
ثم انه الزوج لازم يفكر في اشياء ثانيه اهم من الجمال مثل الاخلاق والطيبه والطبااع .
يعني لاسمح الله ممكن الواحد يخذ وحده ملكة جمال كل شي ومن بكرى يفقع بوجهها الفرن ؟
وش يسوي يصير نذل ويطلقها وينسى العشره !!!!

الله يستر على المسلمين وكل واحد قبل لايتزوج يشرط انه يشوفها علشان ماينصدم بعد لايقول انها سمينه او شي لانه الشيطان ممتاز بهالسوالف اللي تفرق وتخرب البيوت .
الله يوفقنا واياكم لما يحب ويرضى ويجمع بين كل زوجين بكل خير

83. بقلم: القوس

شكرا على ابداء وجهة نظرك ومشاركتك الفعالة ،،تقبل تحياتي

شاكر مرورك الكريم

شدني الموضوع وحبيت اشارك برأي وان شاء الله يعجبكم
///////////الرأي بالموضوع /////////

الافضلية للزوجة بكل تأكيد تكون حسب التالي :

****
1- جمال خارجي وداخلي __ هذا المطلوب وطموح كل شخص وان حصلت عليها فأنت فزت بأكبر جائزة طول عمرك وكل من حولك بيحسدونك عليها .

****
2- جمال داخلي فقط : اخلاق وذوق وادب وايتيكت وجمالها الخارجي يتدرج عادية او وسط او اقل وهنا أول ماتشوفها فعلا تنصدم انها مو حلوة ولاهي بالمستوى المطلوب ولكن مع العشرة وكل يوم تكشف لك جمال روحها وصفاء قلبها وادبها وكثيييييييييييييييير غيروا واثروا بازواجهم وانصلح حال الزوج فما بالك بالأولاد والذرية تكون انسانه مصلحة بأذن الله ومعينه لزوجها حتى في مشاكله الوظيفية وغيرها يشاورها ويقول لها ادعي لي ربك ..لانها امراة صالحة فيرجي ان يستجيب الله لها ...وهذي المرأة تملك قلب زوجها ويستحي حتى من ذكر التعدد او الزواج عليها .

****
3-جمال خارجي فقط / هذا يشوفها تعجبه وينبسط عليها ويفرح فيها اول ليلة كأنه كسب اغلى جائزة ولكن بعد فترة يبدأ يغير نظرته لها حسب حسن او سوء اخلاقها ...



وفقكم الله
خارجي >>يعني حلوة قمر
داخلي >يعني اخلاق

85. بقلم: kbeer
أشكرك على مداخلتك الرائعة ،،تقبل شكري لك

شاكر مرورك الكريم

اصبر عليها والشكوى لله

ماعاد ندري مرة نقول الجمال مهم ومرة نقول لا
بس اهم شي في المراة الدين"فاظفر بذات الدين"

*أبوهاجوس

الجمال مطلوب ،، بس الاخلاق والتربية والدين أهم .

87. بقلم: عاهد
الله يعين

88. بقلم: أبوهاجوس
89. بقلم: أبومشعل1976

الجمال مطلب اساسي بس الدين مطلبة اكثر

شاكر مروركم الكريم

لنترك المثاليات الزائفة.

لو لم يكن الجمال مهماً، لما اشتقنا لرؤية الحور العين في الجنة.

الجمال مطلب أساسي ومهم جداً جداً جداً
بالنسبة للأشياء الثانوية (تعتبر مقومات جمال ويمكن تعديلها مع الوقت) مثلاً التعامل أو أن تكون سمينة ....الخ .
وهذا جميعه تحت مظلة الدين والشريعة .

91. بقلم: د-512
ماقلنا شي الجمال مطلوب ومطلب اساسي،، بس بعد الاخلاق مطلوبة

يعني تتزوج وحدة ومغرورة بجمالها تتعب معها اذا مافيها اخلاق زينة ودين

شاكر مرورك الكريم

92. بقلم: bader1931
ههههههههههه يعجيني فيك تبسيط الامور والتعامل معها بشكل جيد

شاكر مرورك ومشاركتك الكريمة

انا اتذكر اني قراءت موضوع عن صحابة الرسول ان امراءه جميله تزوجت رجل دميم وعلى ماعتقد ان الرسول اخبرهم انهم من اهل الجنه فقالت تزوجني فشكر وتزوجته فصبرت والله مو متاكده بس متاكده من رد المراءه فالمفروض اننا نحذو حذو الصحابه صحيح ان الجمال مطلوب ولكنه ليس الاهم والجمال متفاوت وليس له مقياس فلربما ماتراه انت جميلا لا اراه جميلا وليس شرطا ان تكون فائقة الجمال على ماعتقد اللي بيدور فائقة الجمال بيقعد عمره كله ماتزوج

أخوي العزيز طيب هذا اللي متزوج أمرأه ليس بجميله ,, هل هو جميل ؟!؟!!!

إذا تزوج وخلاص صارت في ذمته ,, وفيها عوض من ناحية الدين والاخلاق والذرابة فأصبر عسى ان تكره شي وهو خير لكم ,,,

أما أن يحكم عليها بأنها ليست جميلة ,, قد تكون هي أيضاً ترااه ليس جميل ,, فما هو الحل برأيك ؟

لذلك أصبر جميل لا شي أجمل من الصبر ,, والجمال جمال الروح وليست مبالغة الجمال جمال الروح خذها نصيحة أخ ....

الله يعين ياحزين ورتنا

ساضرب لك مثلين قريبين مني
الاوله متزوج انسانه ملك في الجمال الخارجي بعا الداخلي علمه عند زوجها
الثاني متزوج انسانه عاديه بكل ما تعني الكلمه
الثنتين معلمات
الاول عايش في جحيم
والثاني عايش في سعاده
اذن انا عن نفسي اشوف الجمال جمال الروح
اشكرك لموضوعك والشكر للجميع موصول

ماشالله عليك يااخي خالد الفالح ....!!
كلام جميل ومقنع ,,, لكن الاحظك تميــل لصف المرأه دائما ....؟؟؟
...............................
مافي شي كامل والكامل وجه الله..
لكن الذكي يحاول دائما ان يجعل الأمور في صفه وبنفسه
خاصه في امور كهذه يعني الزواج
يعني الأنسانه اللي راح ترتبط فيها لابد ان تراها
لابد ان تعرف اخلاقها من امك اختك عمتك خالتك
تدرسها من جميع النواحي ..... الدعــوه ماهي لعبه
هذا زواج ارتباط استقلال ..يعني لاتخلي الدعوه يله
حظك نصيبك ..

الجمال مطلوب ولايطلع لي حد يقول الجمال جمال الروح وووووووووووو يأخي نتكلم عن

تجربة لكن طبعأً مع الجمال الأخلاق مطلوبة ويبقى في النهاية الواحد يرضى بما عطاه الله من قسمة والله يرزقه الثانية هههههههههههههههه يــــــارب وليس معناها هضم لي حقوق الأولة لا ان شاء الله

انا اتكلم من وجهة نظر نسائيه
اطن جمال الروح اهم
ولا وش تفيدك تزوج واحده حلوه موت , لاكن ماهي نظيفه بجسمها وملابسها
واذا دخلت البيت حوسه وكل شي وصخ ولا تعرف تسوي حتى بيالة الشاهي
وفوق هذا كله لسانها يلوط اذانها وتمشكلك مع جيرانك واهلك
والله لو انها ملكة جمال العالم كثرة المشاكل تخليك تطلقها
لاكن لو تتزوج واحده عاديه , بس مجرد تدخل البيت تحس انك بعالم ثاني
كل شي يفتح النفس وفوق هذا كله ذرابه واخلاق
مثال عشان ابين لكم ان الاخلاق مهمه
* لو خيروك تتزوج واحده حلوه مره لاكنها تخونك ولا تعرف تربي عيالك ( يعني مهيته عمرها وعياله )
* او تتزوج واحده عاديه لاكنها تحافظ على عرضك وعيالك في وجودك وغيابك ؟؟؟
اظن الجواب معروف