عزيزي الراجحي : حسبي الله عليك ليوم الدين

لو احط الدراهم في البيت عندي ولا أفكر مجرد تفكير في بنك الراجحي ياهو مهزله بقوه يذكرني ببقاله في محطة الرحيلي

الله يوفقك بنسبة لبنك الراجحي هو افضل السيئ في البنك

وان شاء الله يغنينى الله من واسع فضله

اخوي s0lf
الله يعين عملائه عليه يارب

هلا فيك اخوي كورفت مرة اخرى
صحيح كلامك ... الراجحي عنده مصنع وعنده كل شئ حلال ...
ولكن بسألك سؤال ( واضح من إختلافك معي ) بأنه بنك إسلامي أو ربوي ...
انا اقولك في تعاملات مالية بين البنوك وفي عندهم صناديق ائتمانية ( ممكن تسأل فيها موظفي البنوك ) هذه لا يمكن ابداً ان تكون إسلامية والراجحي احد اكبر المتعاملين مع البنوك في هذه الاقسام ......
-----------
بخصوص الموقف .. قد يكون الموقف بسيط ولا يحتاج للضجه ولكن الاهم لي المبدأ
ولكي ارضيك راح اطرح عليك بعض الاشكالات :
1- في العقد المبرم بيننا فيه بند وهو يحق للشركة تغيير اي بند في اي وقت ولاي صيغه وبتوقيعي على العقد اعتبر موافق على اي تغيير .
2- مضمون العقد عند رغبتي في إعادة السيارة للبنك فإنه يتم تقييم سعر السيارة وقت اعادتها ومن ثم حساب ماتم دفعه ودفع الفرق لاحد الاطراف ( يا يدفعون لي يا ادفع لهم )
3- يمكن للعميل التنازل عن السيارة بأي وقت يشاء لاي شخص بحضورهم للفرع
4- يحق للبنك بعد انتهاء مدة التأجير تخيير العميل مابين اخذ السيارة او تركها للبنك او التنازل بها لطرف اخر .

طيب .. بموجب الشرط الاول تم تغيير الشرط 3 / 4... بعد تجاوزنا عن الشرط 2 لانهم بيدفعوك في كل الاحوال .

عند رغبتني بالتنازل .. تم رفض طلب التنازل بحجة الغاء النظام من البنك
طيب خلاص انقل السيارة بأسم اخوي ... بعد سداد كامل المبلغ لهم .. الزمونا بالتأمين بإسم اخوي وعمل الفحص وكل الطلبات وسلمنا المعاملة لمدة تزيد عن شهر وبعد شهر راجعناهم <<< طوال الفترة السابقة نراجعهم يقولوا لسه المعاملة بالرياض
ولما راجعناهم الاسبوع الماضي قالوا في التعقيب ...
ولما راجعنهم امس قالوا المعاملة لم ترفع للرياض بسبب ان النظام اتلغى لذلك لم يتم رفعها ... تخيل شهر وشوي نروح ونجي وفي الاخير لا شئ ...
طيب امنا بالله ورضينا .. نزلها بإسمي ... قال مانقدر اوراقك ناقصة .. وش الناقص التأمين .. طيب حول التأمين من اخوي علي ... قال تتحمل نسبة لانك بتغير الاسم ... ياهووو طيب .. احنا عملنا التأمين لاخويا عياااقة ولا عشان النقل .. قالوا ابد
طيب مديركم وين .. قالوا مالنا شغل في المدير إحنا شركة الراجحي للتأمين وهذولاك شركة الراجحي للتأجير ... طيب امنا بالله بدفع العمولة ... روح راجع فرع تكافل
رحنا فرع تكافل .. لقيته مقفل الساعه 10 الصياح لحد 11 ونص ..
ولما رجعت طلع الفرع مقفل فعلاً وفتحوا فرع جديد .... طيب ... الغي التأمين .. مانقدر لازم من الفرع حق تكافل ... :)
يعني بالعربي ضحك ع الدقون ... هذا ولا المرمطه مع الموظفين وكأنهم يصرفون علينا من جيوبهم ...
ولا انسى مديرهم كثر الله خيره <<< اللي هم الراجحي للتأجير .. عشان لا تلخبط ترى كل شركة لحالها ومالها بالثانية هذي للتأجير والثانية للتأمين ... انتبه لاتغلط وتحسب انهم لشخص واحد .... @@@
قالي المدير انا اعملها لك ( فزعه ) وانقل السيارة لاخوك .. بس لا تجيني قبل شهر ... ياااهو شهر .. ليش ؟؟؟ يعني كفاية شهر راح انتظر شهر ثاني ...
يقولك هذا اللي عندي ولا جب تأمين لاخوك وابشر بننقلها لك .. فرحت قلت كم يوم .. قال ما اوعدك ولكن بنشعى نخلصها اذا المرور مشوا لنا الاوراق ولكن احتياطاً اسبوعين .... شت
اسبوعين عشان تنقلها من البنك لاسمي ... قاااالي الاستمارة بالرياض واحتمال تتأخر على اساس انها جاااية بالنقل الجماعي ولا مشي من الرياض .....
طيب اللي يخليني انتظر اسبوعين ما انتظر الشهر ولا اغرم قيمة تأمين جديد ... اووووووووووووه جاتني فكرة ... ماهو انا ببيع السيارة عشان اشتري سيارة ثانية طيب يالحبيب اقدر احول التأمين لسيارة ثانية بإسمي ... والله عفواً انت تلخبط كثبر هذولاك حقين التأمين احنا حقين التأجير والشركتين مختلفة .. كل وحده كياااان بالحاله :)
طيب اسف يا سيدي اروووح للتأمين ..
هااا يالحبيب تحول التأمين لسيارة بإسمي ثانية ... لا لا ما اظمن لك ... خليني اتصل ع المدير اسأله .. ماهو انا كنت عنده .. .@@
لالالالا هذا مدير التاجير وانا بتصل على مدير التأمين .... شت << دايم انسى
وفي النهاية طلعت الحكاية والرواية كالتالي :
ضحكوا علي في البداية على اساس اقدر ارجع السيارة في اي وقت ... وطلع لو اني ادفها من فوق جبل كان طلعت اوفر وارخص من خسايري معهم .
ضحكوا علي بالعقد كامل .. ببند واحد فقد يمنحهم حق تغيير كافة بنود العقد ..
ضحكوا علي بأني اقدر اتنازل بالسيارة لاي احد خلال فترة التأجير او انزلها على اسم احد ثاتي بعد ما اخلص من تاجيرها ..
ضحكوا علي خلوني اغرم حق التأمين والوقت اللي راح علي ع الفاضي وفي الاخير المعاملة مرمية على مكتب واحد من الموظفين مايدري وين الله حاطه
ضحكوا علي ويبغوني اعمل تامين جديد ..
ضحكوا علي بإدعائهم إنهم بنك إسلامي والاسلام والتعاملات المالية في الاسلام منهم برااااء إلى يوم الدين

هو فيه بنك اسلامي حقيقي ؟؟

العالم مخدوعين في هالراجحي والله ماأرتحت إلا بعد ماطلعت من عنده
ياناس فيه بدل الراجحي بنوك كثير إبعدوا عن الراجحي
وبصراحة بنك زباله

حسين62
.... في مصرفية إسلامية ... ولكن ليست على طريقة الراجحي ... !!!
سبورت2000
والله مخدووووعين من جد ....

-

وحتى لو فرضنا أن بنك الراجحي يتعامل بالربا بالرغم من عدم وجود بينة ظاهرة فعلى الأقل هو من البنوك التي لا تجاهر بالمعصية (الربا) وذلك يعتبر أفضل من غيرة.

ول ول ول ايش المرمطة هذه ؟

ياخي احرق السيارة وادخلها تالف وتعامل معهم بالخبث كما عاملوك .

حسبي الله ونعم الوكيل فيهم .

والله لو انا مكانك راح اتلف السيارة باي طريقة كانت .

لو تبيعها على واحد راعي تشليح وتتفق معاه انك راح تبلغ عنها مسروقة بعد فترة .

وهذه كلها حرام وعارفين هذا الشئ لكن من باب التعامل بالمثل .

اخوي Latersooner
يعني تشوف انه الضحك على الناس واستغفالهم .... احسن من ان تكون صريح معهم .. يعني بمعنى اخر ... خليني انا اختار ... بالرغم انك قلت انهم مجاهرين بالربا ولكن برضوا عندهم معاملات وتعاملات اسلامية ... ولكن في الاساس زيه زي الراجحي اللي ضحك علينا وغير اسمه من بنك إلى مصرف ... << على اساس اني اسلامي ..

اخوي كورفت .. والله العظيم مرمطة مابعدها مرمطة ... شئ يخلي الواحد ينجن .. وهذا نقطة من بحر ... وازيدك من الشعر بيت كلمتهم اليوم يقولوا لا يمكن نقل التأمين لسيارة ثانية بس لاسم ثاني ... يعني مافي فايدة الان من التأمين اللي اكلوا فلوسي عليه سحت ويوم القيامة راح اوقف ند لند امام الراجحي نفسه واطلبه الفلوس اللي اكلها علي بالدنيا وخلي ملايينه تنفعه في هذاك الوقت ..
.

-

الحقيقة أخوي وسيط2007 أنا سبق أن حاولت أتصيد على بنك الراجحي أي معاملات ربوية وتتبعت الصناديق الاستثمارية الدولية الخاصة للبنك ولم أي أجد أي شبهة واضحة علية حتى أن جميع استثماراتة التمويلية دائما يحرصون أن تكون شرعية سواء تمويل ضخم أو تمويل وقروض صغيرة.
البنوك حقيقة لا أحب أن أدافع عنهم ولكن هم شر لابد منة

اي والله حسبي الله عليك !

لا تنظيم وموظفين اخلاقهم زفت كأنه يكد عليك !

قبل ثلاث ايام طلبت دفتر شيكات وقال خلاص تعال بعد 3 ايام ويكون جاهز

ويوم جيت اليوم انتظرت اكثر من ساعة ويوم وصل الرقم عندي قال ما وصلنا الدفتر حقك !!

طيب ليش ما قلت من البداية ومخليني انتظر اكثر من ساعة ليييييييش ؟؟ مع اني سالته هل وصل ولا لا قال اصبر الى ان يجي دورك !

قمة الاستهتار بالعميل هذا غير الـ 30 ريال رسوم الشيك !!

ومن الان اقول خلو دفتركم عندكم والوعد اني اسحب فلوسي واروح للانماء اصرف ..

بنك رزقه الله بالناس وطيبتهم وعلى النية والا وربي لا تعامل مع العملاء ولا خدمات ولا شي واوسخ بنك شفته وربي ماقد دخلت ولا اجيهم الا منحد الا متهاوش معهم من مديرهم الى الموظف المختص لانهم للأسف العاملين فيه الا من رحم ربي غير أهل ان الواحد يجيه باخلاق سنعة وحتى لو تجي مبتسم يستغلونك ويجلس ينافخ كأنك تشحذ من جيبه لابوه بنك لكن وش نسوي امر الله وصار.

اخوي latersooner
اوكيه ... ابغاك تتبع قسم في البنك إسمه ( دائرة الخزينة ) وشوف ايش شغل هالقسم .. وكم دخله .. وارباحه في البنك ... ؟؟؟
واكيد وقتها راح تعرف الحقيقة .. ؟@.@.

اخوي ابو عمر
حسبي الله عليه ليوم الدين ...

اخوي alaseer999
الثقة وسعينا جميع للحلال .. ف انخدعنا ب مصرفيته و أسلمتها ... !!!!

وإحقاقاً للحق ... ارسلت إيميل للشركة وكتبت لهم المشكلة .. وعرضوا علي حلها
بعد خراب مالطا ... ولكن وعدوني خير بسرعه تنفيذ الالغاء ولكن مع خصم الرسوم علي ... :)
سلملم

لي 3 اشهر ابغى اغير بطاقة صراف كلما اروح يقول الجهاز عطلان وش الحل

البنك الاهلي وبس لكن عيبهم لو نقص حسابك عن 6 الاف ريال ينقص من رصيدك 10 ريال شهريا .

الله يفكنا من البنوك كلها ونرجع نستلم رواتبنا كاااش احسن .. :)
ونصف السرا على الشباك وكل واحد يعد فلوسه وهو واقف على الشباك ....
والله بركة ...

....

الحمدلله اليوم وبعد عناء شهرين متتابعين من متابعة الراجحي وارسال الايميلات الشكاوي للادارة عبر الانترنت ( بصراحة كانوا يتصلوا بسرعه لما تجيهم شكوى ) وبعد عناء وروحه وجيه كل يوم على الفرع
انتهى موضوع معاملتي المعلقه لديهم ...
ومن هنا اعتبر هذا اخر تعامل بيني وبين الراجحي والذي لن اسامحه شخصياً يوم القيامة وانا اطلب حقي من الله عز وجل يوم الحساب ...

وش الله حادكم علي الراجحي ؟ يعني بتقنعني فيه بنك احسن منه؟ هو افضل السيئين :)

هذه عيديتي من مصرف الراجحي...


ذهبت بل أمس القريب في اول ايام العيد الاضحي المبارك الى أحد مصارف الراجحي لغرض الايداع مبلغ في حسابي

وبعد معانه من فرع الى فرع أدور مكينه أيداع... وتم أيجاد فرع يقبل الأيداع وتم أدخال بطاقتي صراف ثم أدخال المبلغ في الجهاز... وهنا معناتي..

ظهر لي في شاشه صراف يوجد خلل فني وتم سحب المبلغ 2300 ريال ولم تدخل في حسابي... ولم يظهر لي أيصال يثبت حقي..

تم استلام بطاقة صراف من الجهاز..


ذهبت الى البيت وتصلت في هاتف المصرف/ وبلغني الموظف بقوله 24ساعه ويرجع المبلغ...

اليوم لم يرجع المبلغ

ثم تصلت بل مصرف وقال لي اذهب فرع الرئيسي بالدمام فرع 104 يوجد دوام لهم في العيد

وبعد معانه وصلت الى فرع 104

وقلت لهم ماحدث أريد المبلغ... فقال بعد العيد 5 أيام عمل وترجع فقلت لهم لايوجد لدي اي مبلغ اتصرف فيه ايام العيد


فقال لا أقدر أخدمك الين بعد العيد لأن الفرع الذي أودعت فيه مقفل( حسبي الله على الراجحي)


فقلت أريد أقفل حسابي/ فقال لا نستطيع الأن (بعد العيد)


حدث لي مثل هذه القصه في بنك( سامبا)

خلال 24 ساعه رجعت في ايام( خميس وجمعه)


وأنا الأن أعض أصابع ندم على هذا المصرف أعزكم الله


وكثير من القصص لهذا المصرف... ويقولون مصرف أسلام الى أسلام وهذه معاملته مع ناس


ولخير أقول ايها عملاء الراجحي( أحذر أحذر أحذر) من هذا المصرف الذي لايحترم عملائه...



وأنتظر الأن بعد العيد أقفل حسابي من هذا المصرف أعزكم الله

حتى لا يجني أحد ويقول حولي مبلغ على حسابي في الراجحي

حسبي الله عليك يا مصرف الراجحي... جعلك تعلن أفلاسك

حسبي الله على الذي أسس مؤسسة نقد,,,, الذي مرد البنوك على المواطن الذي يرون انسان قذر,,,