| جميع الحقوق محفوظة © |

عامل سرقني ... فزعتكم شباب ...

بسم الله الرحمن الرحيم

السلام عليكم ورحمه الله وبركاته

فيه عامل بنقالي اتفقت معه انه يصلح لي واجهه كسر رخام لفيلتي ...

والعامل اخذ مني 3000 ريال دفعه أولى علشان يشتري المواد ثم يبدأ شغل ...

وللأسف لي يومين اتصل عليه وجواله مسكر لكنه متواجد في الواتس اب يقرأ رسائلي ولا يرد علي

الغريب في الموضوع العامل هذا كنت اثق فيه واشتغل معي قبل سنتين في فيلا قديمة واشتغل عند ولد عمتي ...

يعني وثقنا فيه عشان كذا تعاقدت معه من جديد واعطيته فلوس ...

واخذت من العامل سند قبض بمبلغ 3000 ريال من المؤسسة اللي يشتغل فيها

واتصلت اليوم على المؤسسة وللأسف تلفوناتها ملغيه ولا لهم موقع الا في مدينة الخبر وانا في الرياض ...

وما عندي اثبات للعامل الا سند القبض وصورته الشخصية اخذتها من الواتسب أب ...

فأيش الحل بالله ؟؟



وشكرا لكم :)

الردود
نقاشات مشابهة
الكل: 11
1.
03:58:45 2016.11.24 [مكة]
تواصل معي خاص
2.
07:01:49 2016.11.24 [مكة]
بلغ الشرطة
3.
07:09:40 2016.11.24 [مكة]
بلغ الشرطه
4.
10:33:48 2016.11.24 [مكة]
خل يدق عليه احد ربعك من جوال اخر ويقول عندي عمارة واذا جاء قل الله لا يهينك لاتحرك من هنا الا مسدد وان رفض اطلب الشرطة وهو عندك
5.
12:59:34 2016.11.24 [مكة]
صارت معاي قبل فترة اكتشفت أن الرجال في الترحيل هذا لا يعني بأن حالتك تشابه حالتي لكن قد يكون ظرف ، والاخوان ما قصروا بالحلول .
6.
16:24:54 2016.11.24 [مكة]
مشكورين يا شباب ماقصرتوا ويعطيكم الف عافيه العامل للاسف جواله مسكر طول الوقت والشرطه تشتكيها او لا ما راح تطلع بنتيجه لانهم راح يحولون موضوعك للحقوق المدنيه او المحكمه
7.
17:57:23 2016.11.24 [مكة]
اذهب الي شرطه عطهم رقم الجوال ويعلمك وين موقع العامل
8.
21:05:17 2016.11.24 [مكة]
الحل الله يسلمك اولا تشتكيه في الشرطة عاجلاً ثانيا تروح للمحكمة وترفع عليه قضية وبكذا ما راح يقدر يطلع من البلد وراح يدفع المبلغ هو او كفيله او سفارة العامل
9.
22:21:46 2016.11.24 [مكة]
لاتشتغل مع احد الا وانت مصور اقامته وجواز سفره كاحتياط
10.
22:31:33 2016.11.24 [مكة]
الأفضل تتعامل مع مؤسسة وبموجب عقد ولا تعطيه ريال الا بعد تصديق العقد من الغرفة التجارية اذا صدقت الغرفة العقد كان بها أما اذا رفضت التصديق فأعرف أن الموضوع فيه شك وابتعد عنه
11.
22:26:26 2016.11.25 [مكة]
اعتقد لو سجلت رساله صوتية له .. قوله باتصل بك اليوم اذا مارديت نتقابل في قسم الشرطة .. وبس ... صدقني بتتصل عليه يرد على طول :)