ظاهرة مرورية بدأت بالانتشار تنم عن انعدام الأخلاق

المفروض اول مرة غرامة 500 ريال والمرة التانية 1000 والثالثة 1500 وتحجز السيارة
لان النوعية هذه ماتتوب الا كدا

بالفعل ان لم تستحي فافعل ماشئت

ياليل ما أطول

من امن العقوبة اساء الادب

خفف من كثرة السيارات كل سنة سيارة وين بتوقف تحت الأرض

ياليت لو المرور يطبق برنامج المخالفات المروريه عبر
الصور للسياره المخالفه

بس صور السياره من تخطيط الشارع
وصوره لها قريبه لتوضح بياناتها. وارقام لوحاتها

ويصكونه مخالفه واذا اعترض يورونه الصور للمخالفه
اللي سواها عشاان يتادب

قول بالأول يوفرون مواقف ثم يسوون وش مايسوون مايهم
ومن ناحية المخالفات أشوف انها ظلم وسرقه اللي يخالف وقفه ودبل التوقيف
والمخالفات البسيطة فقط هي اللي يصير عليها مخالفه ماليه

النطام الجديد بيربي المستهترين بالوقوف المزدوج مخالفه فوريه والتكرار يعلم الحمار

يعني مافي روسنا الى مخالفه صار شي عادي وتعودنا عليه
المفروض لو فيه عقاب وحساب كان تحجز السياره

المشكلة اذا واحد صك عليك ودقيت كم بوري يجيك ماد بوزه ولسان حاله يقول ياخي اصبر ما طارت الدنيا، ودك تنزل تحب على راسه وتقوله آسفين طال عمرك ارجع كمل شغلك.

الحل الافضل حاليا انك توقف مثل صاحب الكامري البيضاء في الصورة
يعني تترك قدامك 3 متر مثلا فاضي حتى ما تترك فرصة للي يوقف وراك

المشكلة يابو محمد ان هذا نوع من الأنانية

هذا بسبب غياب الانظمة المرورية والدليل على ذلك أن نفس من يقوم بهذا العمل .... مستحيل أن يعمله في البحرين أو دبي ،،،، فضلا عن اوروبا

قبل كم يوم واحد ساد علي ونزل يطلب من مطعم وياكل وماخذ راحته، ويدري اني ابطلع واشغلت العالم بالبواري .. يوم خلص جاي وهو ينقّش سنونه .. اول ما شفته قلت له جعل هاللي كلته ما يتحدر ، بصراحة ما احب ادعي على احد وان كان ضايقني احد قلت حسبي الله ونعم الوكيل بس هذا قهرني ، مدري كيف يتهنى بالاكل وهو ساد على الناس .. طيب افرض ان عندي مريض بالبيت اخليه يموت علشان تاكل ؟

والمخالفة معد تنفع صراحة
احجزه كم يوم بالتوقيف لين يصير رجال

السلام عليكم وكل عام وانتم بخير ----

زمان بالعمل صك على موتري موظف ثاني ماعرفه على اساس اننا بنطلع نهاية الدوام - المهم كلموني البيت البنت الصغيرة غصت بحلاوة ولا عاد تتنفس - جيت جري الا اخونا مسكر تمام ولافيه امل ولا اعرف وين هو باي قسم - المهم طلعت مفتاح العجل وكسرت نافذة السواق وفضيت سيارته (اشوى كانت عادي) ودفيتها عني بعيد - رحت وانقذت البنت بالرمق الأخير يعني لو تاخرت شوي كان راحت ---- لازم يكون عندنا احساس بالمسؤلية -

في السويد بمواقف شركة فولفو اللي يجي بدري يوقف بعييييد آخر شي منها يتمرن مشي شوي ومنها يترك المواقف القريبة للمتأخرين -- تهقون تصير عندنا ههههه

المرور نائم او لا وجود له البته

12 عزيزي سامي كلامك على متهمة وبالصميم
13عزوز مالومك. والله والمشكلة ان الواحد يصوم ويطلب الله وتجيك هذي الأشكال تطير الحسنات .
14عزيزي سعود سلامة البنوته الف سلامة ، بصراحة مالومك على التصرف لكن ممكن تدخل معاه بمشاكل واحراجات خصوصا انه معك بالعمل لكن حقه وماجاه
15 عزيزي مسامح صدقت والشكوى لله

تبي الصراحة والله العظيم صرت ابرد اعصابي ولما يجي يعتذر اللي مقفل علي ابتسم وارد علية !!! بصراحة مليت من حرق الاعصاب والهواش!!! لنفسك عليك حقك بعد ، احس اني ماشي عكس الموج طووول بالك وسامح لو مو عشانهم لصحتك بس، لانها خلاص صارت ثقافة للاسف .

عزيزي كيلو

أهنئك على أخلاقك الاسلامية العالية واحترم أسلوبك الراقي لكن سبحان الله بعض المواقف أخليك تفقد السيطرة احيانا والله المستعان

خلي احد يساوى الحركة دي في الامارات والله يغرموة ويسجن لعدم احترام الغير

انا مره جلست نص ساعة عشان احصل موقف مابي اسكر على احد ولا ابي احد يسكر عليه بعد ما خلصت حصلت واحد مسكر علي وعايلته في السيارة جلست عشر دقايق ما جا علقت البوري طلع وقلت اطلع قال انا مو مسكر عليك عشان فيه سياره ثانيه جنبه وكلهم صاكين علي بس اذا طلع واحد طلعت ورجع المطعم قلت باخذها قانونيه اتصلت ع الدوريات وقلت تجوني الحين بسرعة قبل ارتكب جريمة عشانه مايبي يطلع المهم شوي جا ابوالشباب قلت لو سمحت لا تحرك السيارة انا اتصلت ع الدوريات وقفت ورا سيارته ورجع على رويس انا خلاص قفلت معي واشلع لوحته بيدي شافني مطرطع بدا يهدي ويطلبني والله صار يترجاني وتجمع علينا ناس وصارت احراج رجعت لوحته وقلت مو عشانك عشان عيالك .. والله يا اخوان شي يرفع الضغط يبون الواحد يرتكب جريمة عشان يتوبون :(