| جميع الحقوق محفوظة © |

ظاهرة مرورية بدأت بالانتشار تنم عن انعدام الأخلاق

ظاهرة مرورية أصبحت تلاحظ بشكل يومي

واحد يجئ يصك على سيارتك امام موقف شقتك ونائم بشقة مفروشة بالعمارة اللي جمبك عادي :( إسفين طال عمرك قومناك من النوم

، وانت طالع من عملك تلقى واحد ملحم بموترك وناسي انه في مخلوق في الشارع تعبان يبي يروح بيته بعد عناء العمل :( وش أسوي فيه

عن المسجد. يوم الجمعة او بعد التراويح والقيام او في السوق او عند المطعم او عند الدوائر الحكومية كذلك في الحدائق حتى في المقبرة :(

اي اي مدى اصبح العالم مستهترين بمشاعر الآخرين وبابجديات الأخلاق ومستوى الوعي والرقي والانضباط المروري

ما يصير ياامة محمد

أتمنى حزم من المرور وتطبيق أقصى العقوبات بحق المستهترين من ناحية ومن ناحية اخرى إيجاد عدد كافي من مواقف السيارات

في الأماكن التي تكتظ بالمراجعين والزبائن والجمهور

بكل برود
ما يصير توقف ورى واحد
ودك اللي يوقف ورى واحد يطلعله ذا النشمي
الردود
نقاشات مشابهة
الكل: 28
21 28
21.
22:16:11 2014.07.31 [مكة]
عزيزي سأسو شكرًا على تعليقك فعلا انت تحترم الدول الي تطبق فيها الأنظمة ويكون فيها حدود لحرية كل شخص تقف عند حقوق الآخرين
22.
22:19:57 2014.07.31 [مكة]
عزيزي ابو لجين شكرًا على مشاركتك ، اقدر وضعك تماماً وأوصيكم ونفسي بوصية الرسول صلى الله عليه وسلم (لا تغضب ) المشكلة الشخص المستهتر بكل وقاحة وبرود أعصاب يتعامل مع الموقف وكأنه لم يرتكب شي يخزيك تفقد أعصابك لكن سالفة قشع اللوحة أعجبتني من حيت الموقف وليس المبدأ:) ما توقع ممكن يخطر على باله انه يلقى موتره بدون لوحة أبدا ::)
23.
22:36:39 2014.07.31 [مكة]
عن نفسي لا اقول انها ظاهرة سلبية او ظاهرة بدأت تظهر ..فهيا (ظاهرة قلة حيائية وقلة ادب )ومن زمان موجودة ولكن الان ازادات بشكل كبير في كثير من الناس بدون اي مراعاة لشعور الاخرين او مراعاه لظروفهم المهم الانانية في نفسه والاستهتار وخاتمتها قلة حيا ..نعم قلة حيا وادب .. وليته يعتذر منك او يبدي اسفه بل منتهى السفالة البعض منه ولاتقول الا انت عبد عنده يكلمك من انفه وذا اذا ماتلفظ عليك بعد .. وبالاخير اعتبر السبب عوامل كثيرة التربية بالمقام الأول والثاني المدراس التي لاتعلم او تنشيء الاطفال على احترام الاخرين في طيلة مراحل الدراسة وكلنا درسنا اتحدى من ياتي ويقول هناك حصة اسمها الاخلاق وطرق التعامل بها مع الاخرين .. والموضوع طويل ولا اريد الخوض فيه .. وثالثا المرور او منشاء النظام الحركي للسيرات وغيرها .. غير حازم وغير متواجد اصلا .. في الكثير من الشوارع بالمدن ..فماذا تتوقع من هؤلاء البشر سوا الانفلات ومن امن العقوبة ساء الادب
24.
23:39:57 2014.07.31 [مكة]
شرفني مرورك عزيزي طلال واتفق معك تماماً في كل حرف كتبته
25.
07:11:12 2014.08.01 [مكة]
انا مره تغديت بمطعم وموقف كويس وداخل لجنب الرصيف يعني قدر الواحد يصكر عليك وبعد ماخلصت الا احصل واحد مصري معه ددسن مهرقل واقف وراي ومصكر علي موتره الظاهر شبابيكه ماتنتصكر المهم انتظرته خمس دقايق ماجاء كلمني الي موقف جنبي وكان بيطلع لان ماوراه احد مصكر عليه وقال هالشكال مدري متى تعدل والله انهم رفعو ضغطي كذا مره ولكن مالك الا حل واحد شف ان كانها مفتوحه دفها وخلها تدحدر مع التقاطع الي قدامها وهو يتحمل مسئوليتها عشان يحرم يوقف وراء ناس ثاني مره انا فكرت وقلت النظام اني ابلغ عليه بس لو بلغت عليه ماراح يجينا المرور الا بعد خمس ساعات فكرت في حل الرجال وفضيتها ودفيتها وكنت ابيها تقطع الاشارة وتدخلها بمحل والا باحد السيارات وكذا غلط وانا عارف اني عالجت الخطأبخطا وبضر الغير الي مالهم ذنب المهم السيارة دحدرت نزول وحقت جيب قديم شوي وهدى سرعنها ووقفت قلت احسن قلت خله يتصافا هو وراعي الجيب انا اول ماطلعت سيارتي حصلت شباب صغار تقريبا خمسة الي سته وكلهم بمتوسط العمر يعني حولي والا اصغر بشي بسيط المهم انهم اول ماطلع المصري من المطعم بغلو علي قالو ترى الرجال دف سيارتك وجاني المصري يتفلت قال ليش سويت كذا قلت عشان تعرف تصكر علينا مره ثانية قال ليش انا ماصكرت عليك قلت اقلب وجهك يالله انا ماشي انا جتني مشكله ثانية قهروني هالشباب الي مسوين فيها اخلاق رجعت لهم للمطعم وقلت للي بلغ انت فرحان بانك بلغته وقعد يتفلت ويقول ايه انا بلغته وش عندك قلت لانك والله ماتحس بالي انا احسه وعاملي فها رجال نقز واحد من الشباب عاقل وسكت رفيقه وقال ياخي حنا نشوفك من الاول وكان نبي شوف لك حل سهل بدال الخطا ال سويته وانت مخطي يقول الرجال ماحصل موقف قلت يصكر ع الناس عادي عندك قال انت المفروض دورته وناديت عليه بالمطعم قلت والله اخو ماني قاعد اطارد وراه بالمطعم واخينا يسئل قال انت ماقد صكرت ع احد بسيارتك قلت الا بس احط رقم جوالي والا اكون حاط عيني ع صاحب السارة ال انا مصكر عليه او مايركب او يشغل النور اجيه ركض والا اخلي احد بالسياره المهم عداها ربك بخير وسلام
26.
08:30:46 2014.08.01 [مكة]
شرفني مرورك عزيزي واتفق معك تماماً في كل حرف كتبته وكل عام وانتم بخير
27.
20:12:27 2014.08.01 [مكة]
شوووفو هالموضوع ....لو يطبق علينا هل الوضع اقسم بالله كل واحد رايح يضرب الف حساب قبل مايوقف غلط ويضر الاخرين او يوقف في موقف غير محترم .. عاقب عمدة مدينة فيلنيوس في لتوانيا صاحب سيارة مرسيدس بدهس سيارته بمدرعة ضخمة، وذلك لوقوف سيارته بشكل خاطئ في مكان مخصص لأصحاب الدراجات الهوائية. ويظهر حاكم مدينة فيلنيوس -أرتوراس زواكس، وهو أحد المدافعين عن فكرة الاستغناء عن السيارات داخل المدن، واستخدام الدراجات الهوائية بدلاً منها- في فيديو نشرته صحيفة "الديلي ميل" البريطانية الأربعاء 3 أغسطس 2011م وهو على ظهر مدرعة روسية تابعة لجيش لتوانيا، حيث يدهس سيارة من طراز مرسيدس، أوقفها صاحبها في موقع مخصص للدراجات الهوائية. وبعد أن تحطمت السيارة تماما وهي من طراز "إس كلاس" الفخمة قال العمدة للكاميرا التي تصور المشهد "أنا أريد رسالة واضحة وصريحة أن السيارة الفخمة والضخمة لا يمكنها في أن تقف في أي مكان تحب، متجاهلة حقوق المواطنين وأصحاب الدراجات. وبعد الانتهاء من دهس السيارة بالمدرعة الروسية يقوم العمدة بنفسه بكنس وتنظيف آثار الدمار الذي أحدثته عملية التحطيم. وفور أن يظهر صاحب السيارة تأخذه الدهشة، وكأن صاعقة أصابته قبل أن يجد يد العمدة الذي تعلوه وجهه ابتسامه رقيقه قائلا له "في المرة القادمة حاول أن توقف سيارتك في المكان القانوني". ويومئ صاحب السيارة برأسه وكأنه متقبل الحديث وفهم الرسالة، غير أنه ملامحه تشير إلى أنه لم يفق بعد من الصدمة، لينتهي المشهد عند عمدة فلنيوس وهو يركب دراجته الهوائية عابرا الشارع. ... https://www.youtube.com/watch?v=zksNAcJ_JKo&hd=1#
28.
00:01:22 2014.08.02 [مكة]
عزيزي طلال شرفني مرورك العطر واشكر لك كل حرف ودقيقة استثمرتها لإثراء الموضوع ، وانا ضايف صورة عمدة لتوانيا وهو يدعس المرسيدس