جميع الحقوق محفوظة ©
شاب في الثلاثين من عمره ؛ وهو أكبر إخوانه ؛ والده متوفى !!
أدمن المخدرات حتى وصل لمرحلة سيئة الآن وأصبح يشكل خطورة على من حوله !!
شُكي إلى حاله من والدته الأرملة التي لا حول لها ولا قوة إلا بالله ؛
وعدتها بالمساعدة حسب قدرتي !
وبحكم أنني لا أملك خبرة أبداً في التعامل مع مثل هذه الحالات كتبت هذا الموضوع بهدف :
أن أجد من يساعدنا في علاج هذا الشاب بأي شي يقدر عليه !
حتى لو بالمشورة أو أبسط شيء الدعاء ..
تغيير المحيط يساعد المدمن ع التعافي مثلا ينتقل الي عالم مختلف ومكان جديد ينسيه ماضيه واي شئ يتعلق فيه ويبداء حياة جديده
الله يشفيه ويعين امه
ويجزاك الجنة على مساعدته
ان شاء الله يفيدوك الشباب
تحياتي
انا انصحك بالاتصال في مستشفى الامل وهناك يوجد اخصائين تخصصهم مثل هذه الحالات لانه لابد من متابعه طبيه ونفسيه
الله يرضى على كل من رد ويجزاه الجنة ؛
صاحب المعرف سماء وليل ربي يجزاك خير ؛
بس هو أصبح عدواني الآن يعني النصح ما يجيب معاه نتيجة ..
قلب ملاك ؛ الله يجزاك الجنة على الدعوات الطيبة وما اقول إلا اللهم آمين آمين .
الأخ سليمان حسب إفادة بعض الزملاء توفر سرير في مستشفى الأمل يبغى له واسطة
وبصراحة عشان كذا طرحت الموضوع !
الاتصال بمستشفى الامل هو افضل حل لانه محد يعالج المدمنين الا مستشفى الامل
http://www.brooonzyah.net/vb/t128997.html
السلام عليكم إذا أمه ارمله زي ما قلت ولا له اخوان اكبر منه تذهب امه وتقدم معروض على امارة المنطقة اللي هي فيها وتشرح حالة ابنها واهم نقطة توضيح بأنه اصبح يشكل خطر على من حوله ويهدد حياتهم علشان ينتبهون له وبهذه الطريقة يتم الامر من الامارة بالقبض عليه وإيداعة الامل ولن يتم خروجه الا بإبلاغ امه أو الشخص المتقدم بالطلب أو أمير المنطقة بس لا تنسى توضيح خطورته على اهله وتهديده لحياتهم
السلام عليكم
الله يعطيكم العافيه جميعا , وسؤالي للأخ سامق الولد مدمن على ايش ممكن توضح (ابيض كبتاجون ولا حشيش ولاايش وانا اعلمك الحل بأذن الله )
اكيد ابيض كبتاجون او حاجه كيميائيه .. اما حشيش ما أظن
لأن أهل الحشيش أركد شويه .. ياحليلهم
الافضل تستشير رجال هيئة الامر بالمعروف والنهي عن المنكر وهم يفيدوك ايش تسوي .لأنه عندهم خبرة في هالأمور . ولازم الاستعجال في الحل قبل تقع الفاس بالراس
أول شي الله يجزاكم خير جميعاً ؛ وحتى اللي قرأ الموضوع ودعا في نفسه دون أن يكتب ،،
الأخ عبدالله : اتصلت على مستشفى الأمل أكثر من مرة ، وطلبت تحويلي للطواريء يرفعون السماعة ويقفلونها .
الأخ البنقحي : بإذن الله أقولها والله يوفقك يا اخوي .
الأخ يوسف : للأسف شراب فترة وبعدين حشيش وحبوب كبتاجون .
الأخ بروزاك : الله يشافيه ولا يبتليك ولا مسلم فيمن تحب ويحب .
الأخت شهد : سأفعل ما قلتي والله يكتب لك الأجر .
المدمن يعيش سعادة وهمية ...ولن يترك هذا الطريق الا اذا وجد البديل.....والبديل وهو التوبة النصوح
وايضاااا لزم يكون في دوافع تدفعه للخروج من عالمه
حول هذا الاصلين دندن...وممكن تكلمني للمزيد على 0549253560
والله يهديه
انا انصحك بالاتصال في مستشفى الامل وهناك يوجد اخصائين تخصصهم مثل هذه الحالات لانه لابد من متابعه طبيه ونفسيه
أخوي سامق
الله يشفيه من هالسموم يارب ويرجع لاهله سالم معافى .
اخوي سامق في مثل هذي الحالات لازم تكون الامور شوية قوية صارمة فيها بهدله شوي للمدمن
بس يبيلك تستحمل ولا تزعل من اللي تشوفة قدامك لان فيها شوية مصارعة ههههه
اذا هو في حالة سكر تام // هذا كله بس علشان تدخل مستشفى الامل . دامك انت قلت ما حد
يدخلة الا بالواسطة . طبعا اذا دخل وتسهلت امورة تبدأ مرجله العلاج
مرحلة العلاج صعبة ويمكن تطول اذا ما تجاوب مع العلاج . بس عليكم بالصبر والدعاء له كل لحظة
الله يشفيه يارب الله يشفيه يارب أمين
انا مع الرد رقم 7
تقبلوا مروري واسف على الاطاله
أخوي الشيخي : الرجل الآن أقرب وصف له أنه مجنون لا يعي ما حوله ، يعني الوعظ ما ينفع معه الآن ، وجزاك الله خير يا غالي على حرصك .
أخوي المختلف : كررت الاتصال كثيراً بمستشفى الأمل عشان ما اضرب مشوار وبعدين يقولون لي ما فيه سرير ، لكن ما يردون يرفعون السماعة ويقفلونها ( قسم الطواريء ) .
الأخ عمر : يا ربي يجعل الجنة مثواك ، نصايحك غالية .
لاتتعب نفسك تتصل عليهم او انك تروح لمستشفى الامل الجواب معروف مافيه سرير
أنا اعلم منك بهذه الأمور
وطالما لايوجد واسطه عندك مالك الا طريقه واحده .. تروح لقسم الشرطه وتقول
عندي شخص يتهجم على اهل المحلات والماره واريدكم تأتون وتسحبونه قبل
ماتقع مصيبه يصوب او يقتل احد لاسمح الله لانه بدون عقل .. بالحاله هذه الضابط راح
يتخوف من
بلاغك والعواقب التي تنتج عن الشخص المريض , راح يرسل معاك دوريه لأخذ المريض
طبعا لايستطيع سجنه لانه ليس عليه قضيه بالأساس ولكن راح يرسلون المريض
لمستشفى الامل والمستشفى طالما المريض اتى لهم من جهه رسميه راح يخصصون
له سرير ويستلمونه .
هذه الطريقه مجربه كثيرا ومالك الا هي
جزاك الله خير أخوي بروزاك ، وعسى الله يسهلها !
أنا كلمت شخص يعرف واحد بالأمارة الآن يسأله عن المطلوب عشان يستلمون هالشاب ويدخلونه المستشفى ؛ وكلمت واحد أعرفة بالهيئة ووعدني يشوف شخص له خبرة بالموضوع ويرد لي ؛ لكن الشرطة أحسها صعبة شوي !
أخي الكريم
رح لمكافحة المخدرات وهم بيقبضون عليه طبعا ماراح تكون قضية بس بتنسيق بينك وبينهم يقبضون على الشخص وبالقوة الجبرية يدخل لمستشفى الأمل
ويكون بعلمك ترى مكافحة المخدرات تتعامل مع الوضع بسرية تامة وستر لكي لايشوهوا مستقبل هذا الشخص
جزاك الله خير أخوي الرزين ، الله يجعل مثواي ومثواك الجنة .
