صاحب البيت يسرق مني كهرباء .. ايش اسوي معاه

ياخي والله انك صادق ومعك حق وانا لي 4 شهور انتظر الفاتوره تجي ماجت وشوي الا صاحب البيت يتصل علي يقولي الفاتوره 601 ريال متراكمه قلت له وش دراك قام يقطع بل كلام يقولي انا رحت شركة الكهرب وبسدد وقالو لي ان عليه فاتوره ثانيه للعلم الفاتوره للحين ماجتني ويوم سالته قالي يمكن الاطفال ياخذونها والله اني ناوي احط كاميرا فوق الطبلون لجل اشوف من هطفل كل بيوت جيراني اشوف فواتير كهربهم ماعاد بيتنا الي تنخاذ الفاتوره انا حالف لو يطلع هو من ياخذها مدفع ريال لو توصل بينا محاكم ومن جد ياخي انا كانت علي 75 تخيل جاني 75 ريال وشهر الي بعده جت 384 ريال ياخي شي غريب

ليش الشكك وسواء الظن ونحن نعلم ان بعض الضن اثم .. ياخي لو موصل من الخارج الكيبل يبان لانه سوف يخرج من الطبلون كيبلين وان كانه من الداخل فتبان بطريقه وتنفع أذاسافرت من بيتك او طلعت في نهايه الاسبوع فقط عليك
بفصل الطبلون .. أن كانه موصل من عندك بياكلها تراب هو واهله وتبان العمليه ويحرم انه يسويها وان لم يتضرر فتعوذ من ابليس وستغفر لربك وقل لأم العيال تطفي الأنوار والمكيفات الي مالها داعي ولا عاد تطبخ على الكهرب وراح تشوف الفرق شاسع

او جيب كهربائي واشرح له السالفه وهو بيشك وبيعرف لو في احد شابك من عندك او لا

ر2 .. اقرأ الموضوع زين

اقلك تركت البيت شهر كامل وجت فاتورة 180ريال

حتى المستأجر كان يحذرني من صاحب البيت ان عليه مثل ذي الحركات

رد 4 ..

انا قرائت الموضوع زين لكن ماذنبي ان لم توضح مااردته انت زين .فالحروف تشهد.!!

انت قلت تركت البيت شهر كامل وجت الفاتوره 180 قد يكون تركت البيت والكهرباء مناره والثلاجه مشبوكه والدنمو يسحب الماء والشفاطات في الحمامات والمطبخ شغاله قد يكون لديك تهريب خفي بمواصير الماء الحار والسخانات تشتغل على مدار الساعه والسخانه لوحدها مهدره للكهرباء.. اشياء كثيره نتهاون فيها ولا نلقي لها بال تؤثر ..

اما اذقصدت بموضوعك انك فصلت الطبلون شهر كامل عن شقتك ووجدت فاتوره الكهرباء 180 ريال فنقول لك احدى اثنتين والثالثه معك حق
الأولى ..قد يكون رصيد سابق لان فاتوره الكهرباء لا تأتي في الشهر نفسه بل للشهر الي قبله بمعني ان الفاتوره في الشهر القادم بعد عودتك من الايجازه بشهر تأتي فيه 10 ريال خدمه فقط..
االثانيه..ان يكون طبلون الشركه خربان وهذه كثير تحصل ولها قانون كشفي بطريق خروج المهندس للكشف على الطبلون بمبلغ وان اتضح خراب الطبلون يسقط مبلغ الكشف ومبلغ الفاتوره ..

او انه يبررلك ان طبلونك سليم ثم ترجح الشكك بااليقين بحضور فني يستكشف لك موقع التوصيله المسروقه وتكشف المجرم بالجرم المشهود وصلي الله على سيدنا محمد كما. ارجو ان اكون وفقت في ردي هذا اليك

تتكلمون كأننا في العصور الوسطى ...
فاتورتك ماله داعي تنتظرها وتعرف من يسرقها ...
من حسابك البنكي في بيتك تقدر تشوف فاتورتك عن طريق تسديد فواتير الخدمات - شركة الكهرباء تدخل رقم حساب طبلونك وانتهت السالفة .
التمديدات تقدر تشيك عليها الله خلق لك عيون أو تجيب كهربائي وما تشك فيه غطه بسيليكون ابيض علشان يبان معك لو أحد عبث فيه وحتى من داخل بيت جارك تقدر تستاذنه وتحدد معه وقت وتشيك .
الموضوع جدا سهل ولا تعيش بشك .

-

روح أشتري جهاز كلامب ميتر من محلات الكهرباء وبعدين طفي كل الكهرباء اللي بالبيت بعدين روح للعداد الرئيسي وضع الكلامب ميتر حول الكيابل المتجهه لشقتك وشوف اذا كان فيه أستهلاك ولا لا.

ء

أستفد من حسابك البنكي عن قيمة الفاتوره برقم العداد انا عامل كذا

واسدد فاتورتي بالتمام بدون لخبطه في العدادات .

ذكرتني بشركة الكهرباء في نجران قبل يومين طافيه عليهم 13ساعه

لان المولدات خربانه والاحتياطيهبرضو خربانه ولا حياة لمن تنادي.

ء

ء

السلام عليكم ورحمة الله.

في خطوة بسيطة عشان تقطع الشك باليقين وتتاكد اذا شكوك في محلها ولا لا.

من الفاتورة اعرف كم رقم العداد حق شقتك، روح لعند العداد واقفله وشوف اذا بيتهم طفا ولا لا. اذا طفيت العداد ولا زالت انارة بيتهم شغالة او الجرس او المكيفات اذا كانت خارجية يعني شكه في غير محله واطمئن ان هذا استهلاكك.

بس اذا اول ما طفيت العداد شفت جارك عندك برا يشوف وش السالفة لا يردك الا قسم الشرطة.

وللمعلومية فاتورة الاستهلاك عادة تجي متاخرة شهرين، يعني انت ذكرت انك تركت البيت ومع ذلك جاتك فاتورة هذه غالبا فاتورة فترة انت متواجد فيها.


بالتوفيق.

الشرطة هي الجهة المسؤولة عن هذه الأمور

قدم شكوى

ولو كان معك المستأجر السابق يشهد ويؤكد ويقدم معك أفضل

9. بقلم: خالد4

كلام اخوي خالد احسن طريقه لمعرفة الحقيقه


انزل تحت وافصل الكهرب من الطبلون الخارجي وخلك عند الطبلون لمدة نصف ساعه او ساعه اذا جارك طلع يشوف الكهرب اعرف انه مسوي خساسه


احلا فتره انك تطفي الكهرب وتصيده الظهر

ع العكس
المساء ، لن تظطر لمراقبة خروجه
إذا طفت لمباته بانت السالفه
وكذلك أهل بيتك لن يتضررون من طول المدة
دقيقة كافية

للأسف ماعندي وقت لقراءة الردود لكن عرفت لب الموضوع .. الزبدة

كان عندي مستاجر ذكي يقول اوقفت الكهرباء التي تخصني بالكامل من جميع المنافذ يعني بدون مايفصل القاطع الرئيسي وراح يطل على الطبلون الخاص به فاذا به يلف ويدور مع تاكده من عدم وجود ادنى حمل في شقته ..

فاستأذني برغبته فك الافياش والمفاتيح المثبته في جدار واحد بينه وبين جاره في الشقة المقابله وكان عددها أربعة افياش ووجد اثنان مسحوب منها كهرباء احدها على المطبخ والاخر على موزع الحمام اكرمكم الله لدى جاره .


وبمواجهة المعتدي انكر قيامه بسرقة الكهرباء ولكنه قام بسداد اخر فاتورة تخصه وتخص جاره ثم ترك الشقة ..

اللي حاصل كانت شقة المتضرر فاضية واستغل ذلك وقام بفتح الافياش وخرم من داخلها بدريل وعمل توصيلة تطلع على شقته وركبها على فيش خارجي عنده .

المهم انتهى الموضوع بالتراضي بعدين .

شيك من عندك بنفسك على افياشك الداخلية التي تشترك في جدار واحد مع الجار ..

مالقيبت شيك على الطبلون الرئيسي بواسطة كهربائي محترف ... الله يعينيك .

نسيت اقول لو لم تكن غسالة الملابس في المطبخ تعمل لدى جاره حزتها لما اكتشف ذلك ... اقصد كان وجد عداد طبلونه واقف . خذ بالك من النقطة ذي .

بارك الله فيكم جميعا

انا اخذت بنصائحكم وفعلا تبين انه شابك موتور نضح المياه وجزء من شقته على كهرباء بيتنا وقد سواها بالتعمد من ثلاث شهور وكنت ابغا اروح الشرطة واخوه ترجاني مئة رجوة ان اعدل وما اروح وان يعطوني الفرق ويفصلون الكهرب

الان ايش رايكم .. ماذا افعل ؟

الان انت طالع طالع اليوم ولا بكره اهم ثبت حقك بس واترك عنك ترجاني وطلبني