السلام عليكم ورحمة الله وبركاته
اخواني بصراحه احترت وين اقضي شهر العسل لمدة 10 ايام من الفترة من 18 الى 28 اكتوبر
من 12الى 22 ذي الحجة ان شاء الله
استبعدت عدة دول لعدة اسباب
النمسا
تركيا
تايلند
اندونيسيا
مالزيزيا
فرنسا
ياليت تشيرون علي دوله حلوه لأني احس خلصت الدول من كثر التفكير والحيره هههههههه
في أكتوبر بشكل عام كل الدول الأوروبية باردة ولن تستمتع بالرحلة
ممكن ترتب رحلة إلى الهند أو سريلانكا فهي جميلة ورخيصة
وممكن تكون المغرب جيدة أيضا
النمسا.
النمسا.
النمسا.
النمسا.
لاتستبعدها.
يا رجال صيفنا مع اهلنا احلى ،،
انصحك والمؤمن ينصح ما يغش ،،،
مكة ثم جدة ثم الطائف والباحة وابها ،،،،
ونسيت المدينة ،،،
وابعد عن اوربا لانها بلاد كفار
وليد احمد كيف حالك
وليد أحمد .. سلام
تسلم اخ وليد والله انك نصحت ولا غيشت بس للاسف هات منوا يسمع
كلامهم صحيح اي طايف واي جده مع احترامي لك اخوي واي كفار وين عايش انت رايح تدفع وفي المقابل تشوف شي يستاهل وجو ماطر وطبيعه خلابه والله اني تحسفت على الالف الي دفعتها في شاليهات الشرقيه الليله 2800 ريال واخيرا نبهني واحد وقال جرب تركيا ،، رحت وتألمت طبيعه خلابه غابات شلالات بروده شواطئ اكلات تأكلها من خبر ايدي نسائهم كبار السن استغلوهم في المطاعم كل ذلك بنصف تكلفه الشرقيه ،، تحياتي يبو طايف والباحه خلك فيها احسن لنا ولك علشان ما تضايقنا براااا ههههههههههه على فكره صيف سياحه الرياض بدا الله يهنيكم ههههههههههههههههههههههه رح شف الفعاليات
نصيحه رح لتركيا اسطنبول 4 ايام وطربزون 4 ايام وشوف الجو والطبيعه والمتاحف واكبر شجره بالعالم عمرها 600 سنه ورح للمتحف الشمعي واركب السفينه في مضيق الفسفور وروح تل العرايس والجزر الثلاث جزيره الاميرات وشف حقول الزيتون وبيوت العسل في غابات البلوط ووووو كل هذا بتكلفه بسيطه تحياتي
ياغالى انصحك بكيرلا الهند رخيصه وحلوه وامانه انا بروح بعد يومين
اخوي انصحك بماليزيا وبشده وعن تجربه
اولا / دوله اسلاميه
ثانيا / امنه وتعامل شعبها طيب مرررررررررررررررره
ثالثا/ اسعار مو مررره غاليه يعني معقووله
رابعا / في جزر ترد الروح ويكون نهارك حافل بالرحلات بين الجزر وبالليل الاستمتاع بالجو الرائع
للمعلوميه جوها معتدل طول السنه اتوقع مابين 22-32 درجه مئويه
وفيها راحه بالنسبه للعوائل المحافظه شووي ماتلقاها حتى عندنا :)
وبالاول والاخير كل واحد له وجهة نظره الخاصه فيه وتحياتي لك
والف الف مبرووووك والله يوفقك يارب وعقبال ماتشوف عيالك
رايي خل زوجتك تقعد عند أهلها ونروح انا واياك المغرب بالفلوس اللي معك ...
وانا جاهز <<<< لا ياشيخ
من سمعك ألحين قال الحجوزات فاضيه كلها فل انا سألت عنها
أوزنجول في تركيا جنة الرحمن على الارض لايوجد مقارنة بينها وبين الاسطنبول
اتوقع الشهر الي اخترته شهر عشره ما يصلح للنمسا بيصير برد ولا النمسا نعومك طبيعه وكل شي بتلقاه ومرتبه
المهم ابعد عن الهند وسخه وابعد عن الدول العربيهظ لو تبي النصيحه
واختر ماليزيا او امريكا فيه بعض الولايات بشهر عشره جوها حلو
تركيا زينه بس يعيبها اهلها بعضهم جفسين بالتعامل
اسمع ياخوي ...
المدة تعتبر نوعا ما قصيره لبعض الدول البعيده !
اقترح عليك واحد من البرنامجين :
1- خمسه ايام في باريس وتروح للندن كمان خمس ايام
2- خمسه ايام في باريس وبعدين خمسه ايام في انترلاكن في سويسرا ( المشكله ممكن تتعب شوي في التنقلات )
صدقني لو اخترت باريس ولندن والله ماراح تنسى شهر العسل ابدا
الرد 13 اختيار ولا اروع فعلا مدينة اوزنجول جنة الله في ارضه...شوف الصور وخذ فكره عنها
راي في الدول التي كتبتها رايي الشخصي تفضل شاهد
النمسا بايخه وغاليه ومافيها غير عجايز اوروبين يعني لاتصلح
تركيا رائعه وجميله وحيييه بس غاليه جدا جدا جدا ةمايعرفون اي لغه غير تركي
تايلند الجو فيها ساخن ورخيصه بس الجو غير مساعد لك واكلاتهم في كل مكان حشرات
اندونيسيا رخيصه وجيده ولاكن غير نظيفه وشبابيه اكثر من عائليه
مالزيزيا رائعه بمنعى الكلمه ومتوسطه وسياحيه 100%
كتبت لك من واقع رحلاتي لهذه الدول
فرنسا فرنسسسا ابيخ دوله زرتها بحياتي من جميع النواحي غلاءء فااااحش الشاورما بس ب50 ريال وعليك الحساب بااقي الاشياء
نصيجه اخوي وعن تجربة
عليلك بالبوسنة والهرسك
شعب مسلم .. طبيعه رائعه .. تعامل مذهل وخاصه مع السعوديين
جرب وادعيلي وانا اخوك
تبغى استجمام وراحه وهدوء وبحر وطبيعه وجبال خضرء
عليك بمدينة مرسين بتركيا مدينه قمه بالروعه وتصلح للعوايل لان مافيها زحمه واجد وماتشوف مظاهر العري خصوصا في شهر 10 يكون انتهى الموسم السياحي
وعند بعد انطاليا مره روعه وعائليه وطبيعه اخاذه
ونصيحه ابتعد عن المناطق الساحليه في تركيا اذا بتروح انت وعيالك
ماليزليا بعد مره حلو لكن انا بالنسبه لي استانس بتركيا وخصوصا في مارسين مدينه هادئه
الله يعطيكم العافيه وش رايكم بهونج كونغ والصين