شهر العسل محتار بين ماليزيا واندونيسيا

ماليزيا ارقى واغلا وامن

ومبروووووك

ماليزيا ارقي

جزيرة بالي رومانسية اكثر وارخص


مبروك مقدما

بالي في اندونيسيا
اقترح عليك ماليزيا لانها تعج بالعرسان العرب والسعوديين تحديدا
البلد فيها عدة خيارات
تقدر تروح اول شي يومين على كوالا لمبور وتطلع منها طيران على لنكاوي تجلس فيها يومين . في فندق اسمه اوانا جميل وهادئ لكن متواضع وانصحك تروح على رحلة المنجروف وهناك مطعم بحري داخل السوق رائع جدا اكله نظيف ولذيذ . وبعدها تروح بالعباره على بينانج وهنا انصحك بفندق غالي لكن رائع جدا جدا جدا اسمه راسا سيانغ الفندق متكامل وهادئ ومريح وتقدر تسوي فيه نشاطات مثل جت سكي وطيران براشوت وتتغدى بجزيره ثانيه لمجرد التغيير ماهي رحله واو لكن بساطه وتغيير . هذي حط فيها خمس ايام اذا كان مادياتك حلوه وفيه جنبه سوق شعبي تروحه مشي او بسيارة جولف من نفس الفندق . بعدها ارجع على جنتنج خذ يومين فيها ملاهي وجو جدا جميل وتعيش فوق السحاب وارجع كوالا لمبور سافر منها
بكوالا في عدة فنادق منها ماريوت في شارع العرب هذا شارع يعج بالعرب وكله اسواق وقهاوي
وبكوالا تقدر تروح المساجد وتروح على الاكويريام والفراشات
ما انصحك.تضيع فلوسك على الفراشات والاكويريام و حدائق الفواكه انا احس انها مصروف ماله داعي وبكل منطقه نفس الشي . وحديقة الحيوان مو.حلوه متواضعه جدا
فيه بكوالالمبور فندق صن واي هذا كله العاب مائيه لكن ممكن تزورها يوم وتدفع تكت واصلا وانت نزيل بالفندق تدفع دخول للالعاب للشخص اذكر 100 رنجت وداخل الالعاب تدفع
انا ماوجدتها شي حلو الصراحه لانها تخدع النزلاء يدفع دخول ويكتشف انه لازم يدفع للالعاب
صن وي عباره عن فندقين واحد مكتوب خمس نجوم وواحد اربعه وتراها اثنين جنب بعض تقدر تطلع من هذا وتدخل على هذا لكن المميز فعلا في هذا الفندق وجود مول تسويقي كان جدا ممتع وبداخله كان في ساحة تزلج جميله وتجد فيه جميع المطاعم بالاضافه ان اسعاره معتدله وعندك ستار بكس في كل مكان مجاني مجرد تجلس وبعد دقيقه تشبك.نت
عندو فندق تريدرز جميل مطل على البرجين ومقابله حديقه جميله وتمشي للبرجين مشي وتشوف النافوره الراقصه حسب ما اذكر كانت الساعه 9 مساءا
المسافه بين صن وي وتريدرز بعيده لان كوالالمبور مدينه كبيره
الشعب جدا متعاون وتجد التكاسي متوفره
الشعب منقسم الى ثلاث اصناف . صينيين وهم رؤوس الاموال وشايفين نفسهم والهنود الماليزيين اتوقع اغلبهم غير مسلمين لكن مسالمين والماليزيين اصحاب البلد وللاسف انهم مستضعفين
فيه منطقه بارده نسيت اسمها فيها مزارع الشاي والفراوله والله نصيحتي لك.ماتروحها . الفنادق جدا سيئه والمطاعم غير متوفره بالاضافه ان المواصلات منها لكوالا لازم باص مافي طيران . المناظر خلابه بالطريق لكن هي المنطقه ميته ومافيها وناسه
اتمنى اكون افدتك ومبارك.مقدما وعليك بمنتدى المسافرون العرب بتستفيد منه جدا
العمله اسمها رنجت . تقريبا توازي الريال السعودي
في حال ان اخذت تور سياحي خذ افضل فنادق وترى الصور بالنت ماتخدعك مو كل الفنادق مثل ما تشوفها بالصور

بالتوفيق

مرحبا بالعريس
الف الف مبروك
انصحك لا تفكر لا ( اندونيسيا - ماليزيا )
كل الفلوس اللي بتدفعها هناك على بلد ما يستاهل
روح النمسا كرحلة اساسية
وزور بعض الدول الاوروبية بالقطارات روح اول النهار وارجع آخره
بصراحة لن تندم
أسأل مجررررررررررررررررررررررررب
وبالتوفيق
والناس اذواق

انصحك بتركيا لاتفوتها بلدحلواكل حلو نفس اسعارالرياض

السلام عليكم
كل الي ذكرت حلوه
ماليزيا اكثر المعاريس يروحون لها ومهيئة للعرسان
اما تركيا حلوه بس تاكسيها غالية
وبما انك عريس ما راح تركب متروا
والشمال منها طرابزون واوزنجول خيالية
واذا تبي تفاصل اكثر عن تركيا راسلني بالخاص

زرت ماليزيا واندونيسيا مع العائلة. أندونيسيا زبالة ولا تصلح إلا للعزاب الدشير فقط. ماليزيا أفضل بكثير ولعلك ترغب أيضاً بإدراج سنغافورة ضمن الرحلة. بلد جميلة وراقية وهادئة وقريبة من ماليزيا.

ماليزيا ولا فيها كلام

وادعيلي

واذا بغيت شي ممكن اساعدك عندي دليل كامل عن ماليزيا
من تدخل ماليزيا حتى تطلع
ولك خصوصيه هناك ويحترمون السائح بشكل رهيب

اندونيسيا ما انصحك لان فيها شوي صياعه

كل البلدين حلوه

لكن أفضل ماليزيا على اندويسيا خاصة في شهر العسل ... وبذكرها بشكل نقاط :

1) في ماليزيا تتعامل باللغة الانجليزية بشكل ممتاز بالأضافة إلى اللغة العربية ، أما اندويسيا لا الانجليزي ولا العربية فقط في مدينة بنشاك ( الجبل ) هم اللي يفهمون اللغة العربية لان كل السعوديين هناك وأكثرهم عزاب ،،،

2) ماليزيا مهيئة للسياحة من ناحية الفنادق والمحلات والاسواق وتاكسي وأسعارها مناسبة جداً ،،، اندويسيا فقط في جاكرتا و بالي بونشاك اللي مهيئة للسياحة فقط ...

3) في ماليزيا بعد الجولة الصباحية التي تنتهي في المساء تستطيع أن تكمها في أي مول أو سوق شعبية جميله جداً ، أندونيسيا إذا اذن المغرب أتجه إلى الفندق مباشرة ...

4) الاكل أو الطعام ، في الماليزيا الاكل العربية متوفر بشكل ممتاز وذو جودة عالية ،،، اندويسيا اكثر المطاعم العربية مندي وكبسات ،،،

5) ماليزيا منظمة أكثر من أندويسيا ،،، وزحمة السيارات في أندويسيا شي لا يطاق ....

6) اندويسيا ارخص معيشة من ماليزيا ،،، ماليزيا زي الاسعار التي موجودة في السعودية وأكثر بقليل وهذه تحسب لاندويسيا ....

7) طبيعة اندويسيا افضل من ماليزيا ....

من تجربة لي شخصياً ماليزيا أفضل عائلياً من اندويسيا ،، اندويسيا اقرب للعزاب أكثر من العائلة.

والرأي الاخير لك ،،،،

سمارت وفيت وكفيت
ماليزيا افضل واجمل بمراحل

مقارنة ظالمة والله

ماليزيا عالم جميل للمتزوجين وتعتبر البلد المحبب للخليجيين ..

وأنا زرتها قبل عامين وهذا من حسن حظي وكانت الرحلة دورة في مجال العمل ...

بلد جميل وممتع للمتزوجين ولكن ريالنا ما يسوا شيء أمام الرنجت لأن الرنجت قوي

ويتفاوت الصرف كل يوم ، وتعتبر التكلفة غالية لسايح ..

وتوكل على الله وشد الرحال يم ماليزيا بلد الإنجاز في 20 عام ..

وأنصحك بأسبوع فقط لكونك عريس ومقبل على حياة جديدة

وماليزيا حلتها المرة الثانية لأنك تكون عارف البلد ولا تتردد في شيء ..

وكوالا منطقة المولات والفنادق العالمية . وشارع العرب شريان كولا وفيه 5 مولات

والمطاعم العربية لذيذة وخاصة مطعم حضرموت يفوق الوصف

وخبزة له طعم لم أذق مثله في السعودية .

روح لنكاوي وبينانج وتمتع فيها يومين ثلاث فقط ..

ورجع لكوالا فيه منطقة جميلة جداً أسمها جنتنج تبعد عن كوالا 80 كيلو

فيها ملاهي وتلفريك وقريب منها القرية اليابانية والقرية الفرنسية لا تفوتك وكلم التاكسي عنها

وحرص على نفسك وزوجتك لأن أخر الليلة في ماليزيا ليس أمن ..

ولا تعتقد بأن الملاويين وهم سكان ماليزيا يحبون السعودي لأنا جلسنا معهم لم يقدموا لنا

شاي أم كرم ضيافة لأن بعضهم صوفية ولا يحبون الغرباء ..

خليك سايح ولا تفكر فيهم والصينيين والهنود ماكلين البلد والأوزبك والأرانيين ..

مشكلة مهاتير محمد فتح البلد للعولمة وهذا سبب أنفتاح للأجانب في ماليزيا

ولا تحس بالإسلام إلا في القرى فقط أما المدن فعليها السلام ..

الله يعطيكم العافيه

مكه افضل منهم كلهم ابدا حياتك بها واطلب الفرج من الله ان يصلح حالكم فلن تجد افضل دعوه عند البيت العتيق وانت تطوف بالبيت وتشرب من ماء زمزم

بعدها لف الدنيا

الله يوفقك أخوي البرستيج على نصيحتك الطيبة .. وفعلاً مكة أفضل وأروع لمن أراد البراكة في حياته ..
وأقولها عن تجربة كانت مكة قبلة الدنيا هي بداية حياتي الزوجية والفروض الخمسة في المسجد الحرام أكحل عيني برؤية الكعبة والتضرع من زمزما والطواف حول بيته المعظما .. لله ما أروع تلك الأيام

الله يجزاكم خير وانا فعلا كنت ناوي احجز لمكة بس بالرجعه والان بخليها بالبداية بإذن الله

اسأل الله ان يتمم على خير

ما أجمل هذا الخبر الرائع منك أخي الكريم .. فبارك الله فيك وفي أهلك ومالك
وهذه الخطوة بفضل الله ثم بفضل كلمة طيبة من اخونا الفاضل البرستيج فجزاه الله خيراً

السلام عليكم يالعريييييييس والف الف مبروك

اذا تبي نصيحتي هج عن اندونيسيا نصيحه لا تروح لها انا مجرب شهر عسل هناك وندمت ندم

غير طبيعي ورجعت مريض للسعودية انا والاهل والى الان اعاااااااااااني

عندك تركيا واوروبا طبيعه خلابه و 10 ايام تبي تكفي

انا ياخوا ن ماقد سافرت جدي منفوحه

اخوي لا ماليزيا ولااندونيسيا


الفلبين وبسسسسسسسس

وابحث في النت عن الفلبين وراح تدعي لي