شخصيتك من نوع سيارتك

قبل 11 سنة

رجاء بعد قراءة الموضوع اكتب نوع سيارتك اللي تستخدمها

شخصيتك من نوع سيارتك

كابرس .............>89 شخص شديد و شعبي و تحب الفزعة و لا تحب الميوعة

كريسيدا ............> مهبول و حق فرفشة و سعة صدر لكنك مخفة

مازدا ............>تحس دائما أن ودك توقف عند الأشجار ( بدافع غريزي كون أن معك بقرة(

قولف............> شكلك مليان زيها ودبدوب وتعمل شعرك افروا وتروح البولنق

باسات............> بيسوي كووووووول وموقادر ويحب يشوف نفسه

بورا...............> شكلك حق قهاوي ومفلس انت والكرتونه حقتك

مكسيما ...........>طايش و متهور تظن أن معك فيراري عشان كذا دايما داعس على البنزين للآخر

ألتيما ...............> نويعم دايم تمشط شعرك عند الإشارات

هوندا اكورد .........> مصدق نفسك أن سيارتك شخصية

بي أم دبليو ..........> ياهوووه من قدك واغلب اللي يسوقها حق مهايط

كاديلايك .............> تفرح بالمطبات عشان تطامر

ددسن .............> تحس أن أسمك هيثم و ودك تشرب كابتشينو دايم

لنكون .............> سياره بنات والاسواق ولفلفه في التحليه

بانوراما..........> رافع خشتك و شايف نفسك لكن أنصحك لا تجاكر اللي معهم كوابرس تراهم ما يرحمون

افالون............>حق نااس خاطبين ويبغوا الاستقرار

صني .............> خفيف وزن و عقل في نفس الوقت

بيوك .............> عندك كرشة تروع

بنوفيل .............> دمك ثقيل و وزنك اثقل

لاند كروزر ........> يبي يسوي فنان تطعيس و الأخلاق تجارية

روفر ..............> الله يخلف عليك

هوندا سيفيك ........> مشغل نفسك كل يوم تغسلها و تلمعها

اس تي اس .........> كل يوم رايح للوكالة عشان يا تصلح يا تسوي لها صيانة

سفاري .............> تحب الطواقي الزري و الدخان

سوبربان............> تجمع شباب حارتكم عشان تدورون في الأسواق وتزعجون خلق الله

كورولا .............> أكبر ما فيك رأسك و مع ذلك ما تستخدمه

سوبارو ............> رياضي و تحب المشاكل

سدرك .............> موسوس و بخيل

زد ................> مشبوه و عند كل نقطة تفتيش الله يعينك

موستنج ...........> تظن إن الناس تناظر و هي معجبة مع أنها في الحقيقة تتحمد الله عالعافية

جاكوار ............> مسوي فيها أوروبي و أنت ما في راسك

بيجو ..............> فاهم الدنيا غلط

جمس صحن .......> عصبي و مرجوج و قمة سعادتك أنك تحدد خلق الله

كامري ............> مقتصد في الفلوس بس مسرف في البربرة و السواليف والكولا

لكزس ال اس .......> دايم مهدي و راكز بس في النهاية ما معك إلا تويوتا

أودي .............> شكلك شخصية و ثقيل بس إذا تكلمت خربت الشغلة كلها

تيرسل .............> تحب تفرفر بين السيارات و تزعج الناس بالهرنات

ميركوري .........> شايف نفسك و مغرور ولا عندك سالفة

كراون .............> يحب يسال ويقول مشواار؟؟

كرايسلر ............> غثيث و عله

انفنتي .............> رسمي مهتم بشكلك أكثر من عقلك

كابرس أس أس .....> خفيف دم و مجلسك ما ينمل منه وترى مضحوك عليك

جيب شروكي .......> مجنووووون بر و سوالف

هوندا ليجند ..........> تحب تقزقز و تتلفت على خلق الله

سزوكي ...........> تحب تدور عند مدارس البنات

ايسوزو ..........> مكروه من قبل الناس لأنك ببساطة كتمت أنفاسهم بالديزل

لكزس جي اس .....> الله عالجذاب وبالنهاية مطلوب ماسدد الاقساط

كراون فكتوريا .....> مجنون كورة و تحب الفصفص

هونداي ...........> مزعج خلق الله بالمسجل ...كن محد عنده مسجل غيرك

لومينا ............> مسكين وش حليلك بس المشكلة أنك متعصب بزيادة لناديك

شبح .............> مشخص رغم أنها راحت عليك تلاقيه مشتريها مستعملهه

ليموزين ............> همك الوحيد تركيب الزبون ولو تدعسه

اتوبيس ............> حزين ودايم ساكت وشايل هموم الدنيا فوق راسه

صاحب دورية ............> حاط حرتك في قطع الاشارات

ما معك سيارة ............> دقها مشي

شخصيتك من نوع سيارتك
عندك أي منتج؟
الكل: 29
21 29
عضو قديم رقم 289604
قبل 12 سنة و6 أشهر
21

الله اكبر من اللي ميتيين عند سيارات الحضري عبد اللطيف جميل تويوتا

عضو قديم رقم 270503
قبل 12 سنة و6 أشهر
22

طيب والبنز الـ 126 مطيح على ورى كح كحح طلعت غبره ^ ^

سيارتي ماهي فيه

مكسيما ...........>طايش و متهور تظن أن معك فيراري عشان كذا دايما داعس على البنزين للآخر

لا والله ماني طايش ولامتهور سرعتي دايما 80 في الخطوط السريعة :)

عضو قديم رقم 221010
قبل 12 سنة و6 أشهر
25

وين الهمر ): , !!

كراون فيكتوريا صحيح احب الفصفص بس مو بكثره ولاني مجنون كوره
بس الي معه تاهو وش شخصيته ؟؟
فديتك لاتحرمنا جديدك
(الميزر)

عضو قديم رقم 258299
قبل 10 سنوات و7 أشهر
28

طيب اللي معه ونيت هايلكس 2007 دبل

هههههههه

البكس : أي سيارة راعيها شكل راسه اسطواني

الحمدلله موتري كابرس 2007

أضف رداً جديداً..