شاب رااسي من كثرة الديون ابي حل

ان شاء الله الاخوان يفيدونك
بس ياليت لو تحط لنا ,, مجموع مبلغ الديون
ودين كل شخص كم ,, بدون تحديد اسماء
علشان الخبراء هنا يساعدونك بالتقسيم ,, وان شاء الله تقدر تضبط امورك

هلا والله اخوي ..
طبعا ابي اكتب بدل الاسماء دين 1 وهكذا
دين1/ المطلوب حدود 30 الف ريال وجزاه الله خير مخليه لي تقسيط كل شهر 1500
دين 2 / كان شريك بمشروع والله م كتبه لنا وصار علي 60 الف
دين 3/ تحملت دين بداية زواجي تقريبا باقي فيه 45 الف ويبي يقسطه 5000 كل شهر
دين4/ قرض من بنك باقي فيه 30 الف تقريبا 1200 كل شهر
دين 5/سياره راحت تشليح والغلط 100%عليه لكن حكم القوي وصار علي حدود 60 الف .

هذي الحوسه الي عندي ودي اجمعهم كلهم بدين واحد بحدود 230 الف حتى لو هو يسددهم عني وانا والله اسدده كل شهر حتى لو يبي 4 الالف ..
لان كيذا كل شهر احاول اعطي الموجودين والمشكله م يبقى شي عندي


نصايحكم ودلوني اخواني

*

الله يعينك .. خير معين

فكر في جمعية جامدة بحيث تكون الأول ..

ياخوي الدين ماهو لعب عيال ابعد عنه لو تاكل خبز ناشف

الزم هذا الدعاء كما علمنا الرسول عليه الصلاة والسلام
اللهم اني اعوذ بك من الهم والحزن والعجز والكسل والبخل والجبن وضلع الدين وقهر الرجال.

أرجع لربك

اسأل الله ان يفرج همك ويقضي دينك

امورك يالطيب ماراح تزين إلا اذا قدمت إلي تحبه وهو المال إلي تشكو منه..
اخرج صدقتك من المال اليسير إلي عندك كل شهر .وربنا يسهل امرك.لاتقول انا يالله اعيش على الراتب عشان اطلع منه جرب وحاول انك تكفل يتيم بالشهر بحدود 150ريال وراح تتحسن امورك كثييير ولاتنسى صلاة اليل ..

ي رب يحفظكم ويرعاكم
جزاكم الله خيرر والله اشيااء كنت اسويها ونسيتها

ي رب يحفظكم ويرزقكم من حيث لا تحتسبون

عليك بكثرة الاستغفار والصدقة تصدق لو بجزء بسيط من راتبك كل شهر

الله يفرج همك ويعينك على قضاء الدين

رد رقم 4 والله ماتذكرنا كلامك الا يوم طحنا بحفره الديون والذكي من يعتبر فينا قبل لايطيح معنا

الدنيا تمشي والشخص يحاول .. التعثرات والطيحات كثيره
لكن الصبر مفتااح الفرج
ربي يحفظكم ويرعااكم ع الردود الجميله ودعواتكم

حاول ان تكثر من الصلاة على الحبيب صلوات ربي وسلامه عليه ، وسوف يقضى دينك
اقترح 10000 مره يوميا ومن ثم زيد شوي
وادعيلي في ظهر الغيب

المفروض ان وزارة الماليه تسدد دينك من سهم الغارمين الذي هو من مصارف الزكاه الثمانيه
وخصوصا انه يتضح ان ديونك جميعها طلبا للعيش الكريم
ولكن هناك موضوع في هذا المنتدى عن صلاة الضحى
انصحك بقراءته والاستفاده منه
وانصحك بملازمة صلاة الضحى وهي كما فهمت من الموضوع صلاة التوابين وشكل من اشكال الاستغفار

الله يفرج همك

والله ياخوك حوستي أكبر من حوستك

الشكوى لله ماغيره
يارب فزعتك

ربي ييسر لكم ولي ي رب
والله جاري المحاولات بس يلا جعله خير