سيراميك المجلس يتفكك لحاله أفيدوني !!!

نفس الشي حصل عندي والسبب المبلط
سلمك الله اذا كانت كل مساحة الغرفه بهالشكل فتقدر تفكها وان انكسر شي منها تجيب نفس النوعيه
وان لم تتوفر نفس النوعيه فالله يعوضك خير لابد تغيره

ولعلمك حصلت معي مرتين ،، مره المعلم قالي مافيه افضل من خلطة الاسمنت
وست شهور وصار يتفكك
وجبت معلم ثاني قالي مافيه افضل من الغراء ،، ونفس الحال

كلها تعتمد وانا اخوك على خبرة المبلط حتى وان تعرض السيراميط لحراره او رطوبه

السر كله في خبرة المعلم واحرص كل الحرص على كمية الخلطه او الغراء
لانها احد اسباب تفككه البعض يحط كمية بسيطه وايضا تكون نوعية الغراء رديئه
او خلطه نصها تراب :)

الله يكون في عونكم ولكن لازم تأخذو بالاعتبار وجود فواصل بين البلاط

طبعا لو تلاحظ ان الغراء او الاسمنت لاصق بالسيراميك مش في الارضية.
احسن طريقة تكسره وتشيله كله مع خلطته وبعدين تنضف ارضية المجلس وترشها بموية مدة يومين علشان تكون باردة مثل الخلطة وانا افضل خلطة الاسمنت وبعدين طال عمرك تفرش السيراميك وتروب الارضيه بعدها بيوم.

الشغلة محتاجة باكستاني فاهم ونشيط

يمكن جني يفكه

نجدي 2001

احد قالك انك سامج
الرجل يبي النصايح وانت جاي تستخف بدمك

استحاله ينتر البلاط الا اذا هو (برسلان) مشي حالك او الغراء مضروب ليس من ماركه (سفيتو )
واحيانا البرسلان ينتر حتى مع الخلطه خصوصا الردي منه ولكن فيه معلمين يضعون على الخلطه كيس سفيتو و يمسك.. الله يعينك كسر وغير نوعيه البلاط خزف او اماراتي ممتاز او عماني او كيلو بتره او اسباني اوانتبه اكثر البلاط مضروب والغراء لا تاخذ غير سفيتو والمعلم باكستاني وحتد عيلي ان شاء الله بعد عشرين سنه

معليش دعابه حبيت اتسمج شوي هههههه
على قوله hex
اتوقع المشكله المبلط السابق ما عنده وزنيه سليمه ،، او مثل ما قالو الحبايب قد يكون نوعيه الغراء سيئه وهذا الاحرى
وعموما علاجه سهل جدا وهو تركيبه من جديد اذا كانت البلاطه سليمه واهم شي يوزع الغراء بتساوي حتى لا يدخل الهواء ويكون فيه فضاوه
والله اعلم
بس تاكد اول لا يصير جني

اعتقد والله اعلم

نوع التربه المستخدمه

تربه انتفاخيه
لما يجيه مويه يبداء يرتفع ويهبط (مليات) ممكن توصل ل1سم وبكذا دائما يتفكك السراميك


لذالك انصحك
تملى الغرفه ماء وتشوف وش يصير اذا الموضوع تطور عليك فمعنى هذا ان التربه المستخدمه تحت السراميك تربه انتفاخيه ولما توصلها ماء لو عن طريق الترشيح تبداء بمشاكلها
الحل
تزيل السراميك والتربه كامله الى ان تصل لصبه النظافه يعني تشيل السراميك والغراء او الاسمنت اذا كانت بسمنت وبعدهاا تشيل التربه خمسه الى عشره سم
هذا والله اعلم

ماعليك من احد
جيب كيس غراء واخلطه كويس بالمويه اللي يكون نوعا ما سائل واسكبه على كامل الغرفه
وحاول توزعه كويس الين يتغلغل بالارض وامسح الارض بعدين بالممسحه واتركه راح يرجع يمسك السراميك
خبره انا جربتها

^^^^^^
كلام صحيح بس بدال الغراء خله ترويبه

الاخ وفقك الله عندي صنيعي مصري حكالي مشكله نفس مشكلتك عجز عن حلها اثنين قبله وحلها هو
قلت له وشلون قال باكلام المصري (( ملهاش حل الا بالسليكون بس يكون الاصلي مكتوب عليه ضد السخونه والبروده ))لذلك لاتكسر الصبه بل اشتر السليكون الاصلي والزقها بالصبة بواسطته وراح ترتاح بعون الله
والخبره للجميع