تابع مستعمل على
جميع الحقوق محفوظة ©
مساكم/صبحكم الله بالخير
مرة وديت السيارة في أحد الورش في الصناعية في شارع أبو الأسود بحي النسيم
المهم العامل يصلح بالسيارة وأنا جالس بالورشة أنتظر العامل يخلص من السيارة وأخذها وأمشي
كان جالس جنبي شايب الله يحفظة .. سيارتة بعد بالورشة جالس ينتظر تصليحها
المهم سولفت أنا والشايب بسوالف كثيرة ،، وتطرقنا الى أمور الزواج والدراسة
قال أبقولك سالفة حصلت معي عندي أبن سفرتة على حسابي لكندا يدس طب وتخرج دكتور والحمدلله
المهم بعد ماتخرج جاني أبني وقال لي أبتزوج وماأبغى ألا سورية أو لبنانية
يقول أنا رفضت قلت له بنات عمك موجودات ماتبغى منهم عندك السعودية بكبرها مليانة بنات أختر أي وحدة وأنا أزوجك منهم .
رفض الأبن وكبرت في راسه وقال ماأتزوج ألا سورية أو لبنانية ... سعودية ماأبغاها أنا أدور الجمال والدلع ..
يقول الأب : أنا رفضت رفض قاطع قلت له أنسى الموضوع ولاتفتحة معي مرة ثانية ..
يقول لي الشايب وش تتوقع رد علي أبني ... قلت له : وش رد عليك
قال لي : لا أنت أبوي ولا أعرفك .... وراح لعملة في أحدى مستشفيات المنطقة الشرقية .
يقول لي بالله في أحد يقول لأبوه مثل هذا الكلام
.. قلت له : لاتدعي عليه ياعم ... قال لي الشايب :والله معمري دعيت علية دايم أقول الله يصلحه ..يقول لو أب غيري كان دعى على ولده .
يقول أرسلت له ولدي الثاني وراح عنده في الشرقية وكلمة يراضيني عشان ربي مايغضب علية ورفض قال ماني معتذر له.
يقول ابني الثاني يكلمني بالجوال من عنده يقول كلم أبوي بيسلم عليك ورفض يكلمة ..
ويقول الأب : له الأن أبني كم سنة مقاطعني ولا يكلمني ولايزورني ...
نسأل الله العفو والعافية ...
بالله وش رايكم في أحد يكلم أبوه بهذه اللهجة ويتبرا منه ويقاطعه ولا يزوره عشانه رفض تزويجة من برا ؟؟؟؟
^^سواق ليموزين _ من المكافحين بالحياة^^
رسالتي بوجهها لك إنت
الله يوفقك ويرزقك يااااارب
يا أخي يعجبني الشخص المكافح
الله يصلحه يارب
ونسئل الله سبحانه وتعالى ان يعيننا على بر والدينا و ييسر امورنا
شكرا لك
سوف يرى جزاء العقوق عاجلا أو آجلا
تمنياتي لك بالتوفيق
مسكين هالطبيب يداوي الناس وهو عليل
الاباء من اول يغضبون على ابنائهم او يهددونهم بالغضب والان الابناء اللي يهددون....!!
الاب هنا لازم يتناسى ان عنده ولد ويخليه يعيش دنياه
والله ان دنيا قلعته عن ابوه انها لترده صاغرا
شكرا عالماده وفي انتظار قصة كفاح جديده
الله يصلحة الولد كيف يتكلم بهذا الكلام
هل هذا جزاء الاحسان الى الاب
نسأل الله أن يرزقنا ويرزقكم البر بالوالدين
الله يعطيكم العافية
عش رجبا ترى عجبا******* قال طبيب قال
اللحين انا ابي اعرف هذا وش يبي كان وده يتزوج يتزوج بس مو كذا وش ذا الجحود ومع مين والله انه قليل خاتمه وياويله من اللي قدامه
لاحول ولا قوة الا بالله الله يهدي الجميع ويرزقنا الذرية الصالحه
نصيحة مني لمن أبتلي بمثل هذا الولد أو أخ أو حتى أب
أن يحافظ على دينه وخلقه ولا يغفل عن ذكر الله ولا يلتفت لوسوسة الشيطان له بأن يدعي على ذوي رحم
أمر آخر
الصحة , لا ولد ينفعك ولا مال إذا غضبت ووصل غضبك لأن يتلف صحتك
لا تجعل للهم والغضب طريقا لقلبك وعقلك ,,
ما يفعله الطبيب ليس وليد لحظته
هي ذنوب تراكمت على قلبه ونكتت في قلبه السواد جرعة جرعة حتى إسود ووصل لعقوق الوالدين
فاحذروا الذنوب صغيرها وكبيرها فإن مآل الحال أن يفعل المرء الموبقات بعدها ,,
الله أن يرزقنا ويرزقكم البر بالوالدين
الله يعطيكم العافية
شكرا لموضوعك الهادف
كثيرة هي قصص العقوق فى هذا الزمن
مارأيكم بشاب عندما كبر والدة تاّمر هو وامه علي طرد والده من المنزل الذى هو حق للوالد
وسعى فى طلاق والدته ولان والده ضعيف ومريض تم له ذلك ويعيش الان الوالد
خارج منزله
نسأل الله العافيه
يااخوان انا ماابرر عمل هذا الولد لكن اكيد الموضوع تراكمات ماهي معقوله يزعل من ابوه بسبب ان ماتزوج سوريه يقدر يتزوج بدون علم ابوه لكن الموضوع واضح ان الولد كان يطوي على ابوه من قبل وصارت هذي القشه اللي قصمت ضهر البعير
الله يهدي الولد ويرجعه لابوه آمين
معقول ما فيه أحد من بنات عمه أو من ديرته ملأت عينه !!
أو أنه بعدما درس في الخارج عاد وشاف إن المجتمع متخلف ؟
صدقوني الأب الآن يتجرع الألم والحرقة والأب عندما ذكر قصته أنفرج جزء من كربته
نسأل الله أن يرزقنا ويرزقكم البر بالوالدين
الله يعطيكم العافية
