تابع مستعمل على
جميع الحقوق محفوظة ©
مساكم/صبحكم الله بالخير
كيف حالكم ياشباب منتدى مستعمل الكرام لكم وحشة والله
معليش على التأخير أبطيت عليكم بالقصص لكن الدنيا أشغال وتلاهي :
مرة وصلت واحد لوزارة الصحة يقول أنه جاي من خميس مشيط يراجع لواحد من جماعته ممرض ويبغى ينقله للخميس .
المهم الرجال هذا يقول انه شغال في الأرصاد الجوية كان شغال في الرياض وبعدين نقل للجنوب
الرجال يسولف علي مدري هو صادق ولا لا ...
يقول بعض الأحيان نروح مهمات اذا تأخر هطول المطر
بالطائرة تبع الأرصاد الجوية نروح نرمي بذور أو حبوب على السحاب لتلقيحها عشان تمطر
انا ضحكت وقلت له كيف تلقيح انت تتريق قال لي والله هذا اللي يحصل
والله هذا الكلام اللي قاله لي الموظف في الأرصاد الجوية
وسلامتكم
^^ سواق ليموزين _ من المكافحين بالحياة ^^
طيب اذا لقحت الحوش عندي بتنبت بركة او نافورة؟
انا مره رميت بذور لقاح بالحمام الله يكرمكم وهو عظم ونبت لي جاكوزي هههههههههههههه
هذا الكلام صحيح ومعمول به في باكستان وبدل ما تلقحون الحوش او ترمون على الحمام الحب او تكذبون الرجال ويمكن يلحقكم ذنب غفر الله لي ولكم ول كاتب الرساله وصاحب المعلومه رح الى قوقل واكتب تلقيح السحب وبعدها رد على كيفك
اسف على الازعاج مجرد تذكير للكرام امثالكم وسلامتكم
كلامه صحيح
ويسمي استمطار
تصير معي كثير اتكلم في مواضيع والقى الناس تضحك ووتتريق على
وبعد مارجع البيت افكر ليش وش قلت عشان يضحكون واكتشف في الاخير ان العقليات الي اتعامل معهم مو قد المواضيع هاذي ولا هاذي اهتماماتهم عادي جدا
كلامة صحيح
وهذا دليل مباشر عليه
http://www.almisnid.com/almisnid/article-37.html
والله داري ياجماعة وقاري عنها من قبل بس الواحد توه جاي من العمل قرفان نفسه يبي ينبسط شوي
أسف اذا كان تعليقي فيه خدش لكرامة صاحب الموضوع
السوأل اللي يطرح نفسه على نافورة بيتنا
البذور هذي تحميلة؟
ههههههههههه
والله اسف بس ماأقدر أمسك نفسي صلو المغرب
الاستمطار هو صحيح وله شرح فقط ابحث عن كلمه استمطار في جوجل
سبحان الله استمطار بتلقيح السحب
اول مرة اسمع فيها
نعم كلام الرجال صحيح 100%
وهو مشروع بتعاقد سنوي مع لارصاد الجويه وبدارة لامير تركي بن ناصر
والمدير تنفيذي لهاذا المشروع هو العميد المتقاعذ صالح محمد العمري
وابن عمي مكلف بهذا المشروع منذ 5 سنوات ونا بنفسي زرتهم وستطلعت على المشروع
سواق ليموزين ابي ليموزين كيف الوضع
و الله بنمزح يا شباب
ولو كنا بنكذب الرجال كان استحقرناه هو صح ولا لا معليش لاتتسرعو بالحكم
حبينا بس نغير الجو ونمزح لا اكثر
وانا اسف اذا زعلت ياصاحب الموضوع
ودي لك يعلم الله :)
سبحان الله ،، استمطار عن طريق السحب سبحان من علم الانسان
الرجال صادق ( الاستمطار الصناعي ) معروف ومعمول به
وكان سنوياً يعمل به في المملكة العربية السعودية ... دون الاعلان عنه حتى لا يفتح مجال للهرج والمرج ... والتحليل والتحريم ...
وهذا العام اوقف الاستمطار الصناعي .... تخوفاً من حدوث سيول بسبب الامطار الكثيفة ...
والله اعلم
نعم كلام صحيح
الاستمطار او التلقيح بواسطة السحاب
1. بقلم: omranko
2. بقلم: ScoField
الله يصلحكم . الحين انا اسولف عليكم من جدي وانتم تتريقون
لباقي الاخوان شكرا على مشاركتكم وانا اسف اذا اشغلتكم بقصصي وحكاياتي مع الركاب.
واصل قصصك ولاعليك منهم
17. بقلم: احساس0رسام
ولا شلت همهم ..مشكور يااحساس
كلامه صحيح
ويسمي استمطار
