جميع الحقوق محفوظة ©
"سعد بنته شريفة"
هذي قصة وحدة اسمها شريفة بنت سعد
كبيرة بالسن
وأفنت حياتها لعيالها وزوجها
وفي يوم قالت
شلون ما أعرف أقرأ ولا أكتب ودي أقرأ قرآن ودي لو أكتب اسمي
وعزمت إنها تدخل محو الأمية وجابو لها عيالها شنطة فيها دفاتر وأقلام وحتی عباة جديدة لزوم المدرسة وسجلت وقبلت وبدت تتعلم وأول شي
علموها كيف تكتب
اسمها واسم أبوها سعد 💗فدمعت عينها وهي تكتب😢
وجت المعلمة قالت وش فيك ياشريفة
قالت
ذكرت أبيي الله يرحمه
أول مرة اكتب اسمه في قرطاس
وتحمست المعلمة قالت
يالله بنكتب اسمك شريفة بنت سعد
وفجأة رمت القلم وصار وجهها أحمر
وش فيك؟؟
قالت
تبيني أكتب اسمي قبل اسم أبوي؟؟!! والله اسم أبوي قبل اسمي
قالت المدرسة:
كل الناس كذا
ردت شريفة:
إذا صاروا مايستحون أصير زيهم لا وألف لا✋
يابنت الحلال راح يصير سعد بنت شريفة
قالت ولا اكتب اسم أبوي وراي الله يشرفه ويجعله بالفردوس
وعيت تكتبه ورا اسمها
آخر شي توصلوا لحل
وكتبت
"سعد بنته شريفة"
وكتبته على دفاترها وكتبها لين تخرجت من الابتدائي وكانت تاخذ الأولى عليهم وكل شهاداتها
"سعد بنته شريفة"
رحم الله قلوب طاهرة بارة بوالديها
يا حلاتهم كبار السن
إمرأة كبيرة بالسن:
لما حدثوها عن الجنة وأنه تسقط عنك التكاليف والعبادة !
قالت:
أما الصلاة والله ما أتركها أبفرش سجادتي تحت الشجيرات بالجنة وبصلي"
وأخرى
تقول
يالله الجنة مغير أصلي وأسبح وأهلل ...
قالوا لها خلاص ما فيه تكاليف ولا صلاة !!!
شهقت قالت :
ياخزياه من ربي نتسدح ونتبطح ولا صلاة ولا عبادة ، ما تركنا الصلاة بحياة الشقاء نتركها بالنعيم
قلوب تعلقت بمحبة لله.
الله يرحمنا برحمته ويازين ايام زماان كانت الدنيا كلها خير لأن الناس نياتهم طيبه وكلها خير .
اما الآن دخلت التقنيه علينا وتغيرت النفوس ولاحول ولا قوة الأ بالله.
قلوب عفوية طاهرة .
أهل الجنة في طاعة لا تعب فيها وتختلف عن التكليف في الدنيا
أذكر قصة عجوز ولدها وداها عدد من المستشفيات بحثا عن طبيبة عظام
آخر مرة قال لها : يا أمي مافي طبيبة لازم تكشفين عند طبيب
لما راحوا عند الطبيب قالت له اكشف من فوق العباية
قال الطبيب : ما ينفع لازم أشوف الركبة
فكشفت العباية بس وكانت قاصة قماش لبسها حول الركبة حتى لا تكشف ساقها
للاسف العبايات الان اصبحت فساتين
الله يهدي نسائنا وبناتنا يارب ولا تزغ قلوبنا بعد اذ هديتنا
