جميع الحقوق محفوظة ©
السلام عليكم ورحمة الله وبركاته
الله يجزاكم خير ولايريكم مكروه
تعبت من الالام المعده والقولون وذهبت للكثير من الاطباء بالرياض وجده والشرقيه واعطوني ادويه ومافيه فايده
استخدمت الكثير من الاعشاب وعسل مانوكا ومافيه فايده
الي يعرف دكتور استشاري للجهاز الهضمي بالرياض وله تجربه طيبه معه لايبخل علي وله دعوات مني بظهر الغيب
انا من جده وراح اوصفلك دكتور من جدة
باتكلم عن حالتي قليلا
انا كنت اعاني معاناه شديده جدا من القولون والمعدة
ويعلم الله سنوات وسنوات وانا على هذا الحالي حتى تقريبا ياست من العلاج
وقلت امري لله وكله اجر وعافية
يعلم الله كنت كل يوم الصباح لازم مغص والم وووو الخ
سمعت عن دكتور في جدة ورحت له
والحمد لله اعطاني ادويه وارتحت بعد استخدامها راحة كبيره جدا جدا جدااا
حتى الوصف سهل لكل اهل جدة او من غير سكان جدة
اسم الدكتور : شديد
جنسيته: تقريبا اردني
عمره : كبير في العمر
اسم المجمع : المجمع الطبي الراقي
وصفه : جدة خط الحرمين وانت طالع للمطار بعد كوبري فلسطين فيه قاعة على يمينك اسمها بيلاتسو
قاعة فاخرة جدا
ادخل بعد القاعه يمين
راح تصير القاعة يمينك وهيئة المساحة الجيولوجية يسارك
امشي طوالي بينحني فيك الشارع يمين وبتشوف الممشى الجديد طالع يسارك بتشوف المجمع الطبي الراقي
قيمة الكشف عند 150 ريال
والله يارب لك الحمد والمنة ارتحت معاه كثيييييييييييييييير جدا
الان صرت اقدر اكل اي شي وفغي اي قت ومااخاف من مغص او الام او انتفاخ او ترجيع او او او الخ
لو ضيعت الوصف اكتب في خرائط قوقل (قاعة بيلاتسو ) وتطلع لك مباشرة
الله يجزاك خير ويطول بعمرك الف شكر لافادتك وبانتظار بقية الاخوة للفائده
في علاج انا استخدمه جداً ممتاز وناسبني
سبحان الله لاجاني الم بالمعده اخذ حبه واجلس فتره طويله ماارجع له
اسمه/ بانتوماكس
PANTOMAX
فيه نوعين 20 و 40 ملج
انا اخذ 40 ملج
سعره شوي غالي ب 77 ريال
وفيه 30 قرص
مر صيدلي واسأله عنه واطلب رأيه بالعلاج
اسأل الله العظيم رب العرش العظيم ان يشفينا وياك وكل مريض
ـــــــــــــــــ
في وصفه ثانيه جداً جداً ممتازه وماتكلف لا وقت ولا مال
جب لك بطاطس حبه واحده تكفي
قشرها واغسلها
وقطعها أجزاء لابأس بها
واطحنها بالخلاط
وبعد الطحن جب شخال (صفايه)
وحط البطاطس المطحونه على الشخال
طبعاً حط الشخال على كأس زجاج حق الشرب
اتركه فتره اعتقد ساعتين او اكثر بقليل
تلقى ماء البطاطس في الكأس واضغط وحرك البطاطس عشان يطلع باقي الماء
هذا الماء اشربه على الريق مفيد جداً لألم المعده بشكل عام (مجرب مني شخصياً وفادني بفضل الله تعالى)
ملاحظه//
حاول تخلي الاهل او انت يسوونه قبل ما تقوم بالنوم لان اذا خليته فتره يقلب لونه لأسود
الأفضل تحضره ويشرب بنفس الوقت وعلى الريق اشربه
اسف على الاطاله حبيت أوصل لك المعلومه والله يشفيك
وما الومك الله المستعان الم المعده متعب جداً
انا عاجز عن شكرك اخي حسان
اسال الله بمنه وكرمه ان يوفقك ويعافيك ولايريط مكروه
وياك اخوي جزاك الله خير الله يشفيك و بشرني وش صار معك
جربت العلاج اللي ذكرت لك أولاً جرب البطاطس اللي ذكرت لك بإذن الله تفيدك
واذا قدرت تأخذ عسل اصلي اعتقد اسمه شوكه جيد
وخذ ملعقه صغيره عسل واخلطها بربع كاس ماء دافي واشربها على الريق داوم عليها فتره
وبأنصحك بعض النصائح حاول تتجنبها
-الفلفل
-الزيوت
-وحاول تقلل من البهارات بالاكل
-وأيضاً حاول انك ما تعصب تزعل من شي لانه من اهم علاج للقولون
ولا تنسى تطمني عليك اسأل الله العظيم رب العرش العظيم ان يشفيك
اخوك / حسن
والله اخوي حسن انك ماقصرت اسال الله بمنه وكرمه ان يوفقك ولايريك مكروه
جربت كل هذا وانا اخوك مافيه فايده لكن الاطباء اكدوا لي ان الحل بعمل منظار ومعرفة العله بالضبط
لكن والله اني خايف منه خاصه ان احد الاصدقاء عمل منظار وصار عنده ثقب بالامعاء
وابن عمي عمل بعد منظار وعطوه جرعه زايده مخدر وكان بيموت لكن الله ستر
بصراحه هذي الامور خلتني اتردد كثير في عمل المنظار
بارك الله فيك اخوي والله يجزاك خير على الدعاء
جربت الدواء اللي ذكرت لك ؟
والبطاطس ما نفعت ؟
والسؤال متى او كم لك يوم استخدمتم ؟
وسؤال ياليت تحدد الألم بالضبط
هل هو الم اعلى المعده والم بالظهر
انا مستغرب الحقيقه العلاجين اللي ذكرت لك مجربه مني شخصياً و وكثير استفادوا منها ومنهم الاهل بالبيت
واعتقد المنظار صار قديم اعتقد الدكتور الان يستخدم أداة ينفخ فيها المريض مثل البلونه و يبين مع الدكتور الحاله
انا ابيك تستخدم اللي ذكرت لك بإذن الله تستفيك
وحاول مثل ما ذكرت لك تأخذ عسل اصلي حق العلاج اذكر مره شريته اعتقد يسمى (شوكه)
في علاج ثاني استخدمه صديقي ذكرت له موضوعك يقول مثل او افضل من PANTOMAX
هو استخدم النوعين
اسمه Lanzor
لانزور
15mg
سعره 93 ريال
واذا ملزم تروح لدكتور
في اثنين مشهورين جداً بالرياض وبالحجز اذكر مره رحت للمستوصف قالي ناس قبلك حاجزين قبل أسبوع !!
المستوصف بجنوب الرياض مخرج 20
اسم المستوصف رسيل الطبي
والدكتور الحقيقه ما اذكر اسمه بالضبط ومعروف وقديم دكتور باطني
وفي مستوصف في دكتور مدحه لي واحد من الزملاء في مستوصف الملز - جنب حديقة الحيوان
اي والله جربتها البطاطس وماسوت معي شي لمدة ثلاث ايام والمشكله وانا اخوك معي الله يعزك ويعر الجميع اسهال وكل ما اكل شي اروح للحمام اعزكم الله مع مرارة بالحلق بعد التبرز وغثيان وانتفاخ
اخذت كثير من الاويه منها فلاجيل وفاسيجين ويروح عني الاسهال ويرجع اقوى بعد فتره حتى لساني اصبح لونه اسود بشكل كامل لمدة اسبوع بعد استخدامي للفاسيجين وافلاجيل وكثرة استخدامها
اذا سويت تحالل للبراز اعزكم الله بعض الاحيان طبيعي وبعض الاحيان اميبا وبكتريا وكم مره اسوي تحليل وجود دم بالبراز وطبيعي
اعراضي بصراحه غريبه حسب ماقالي احد الاطباء
الله يشفيني ويشفي مرضى المسلمين
السلام عليكم ورحمة الله وبركاته
اعتقد لازم تسوي لك اشعه للامعاء
ووللمعده كامله . وتكون الاشعه بالصبغه اعتقد
السلام عليكم ورحمة الله وبركاته
اعتقد لازم تسوي لك اشعه للامعاء
ووللمعده كامله . وتكون الاشعه بالصبغه اعتقد
وخلهم يشوفون لك المراره
الله لا يريك مكروه ، اجل مثل ما تفضل الأخ لازم تراجع الطبيب والله يسهل وييسر امرك
وجرب العسل تراه مفيد بإذن الله من امراض كثيره
و جب قشر رمان واطحنه واخلطه مع العسل أيضاً معروف قشر الرمان للبطن ومشاكله
اسأل الله ان يشفيك ويشفي مرضى المسلمين
الدكتور عبدالرحمن الشيخ له عيادة في سليمان فقيه واعتقد في مستشفى الجامعة بجدة
ماني راعي تجربة ولكن ممكن يفيدك بعد الله
الاخ الفاضل JaMeKaAnA
جزاك الله خير
ممكن يكون ماهو المرض لو سمحت؟؟
حسب خبرتك
حسب خبرتك
المعجل في حي الربوة
الاخ مدهال
السلام عليكم
وين بالربوه بالضبط؟؟
1- الاستشاري محمد المفرح / عيادات الدكتور محمد المفرح .. طبيب سعودي كبير بالسن كان يعمل بالشميسي
2- الجبرين استشاري في دله رجل فاضل
