سؤال للمتزوجين والي جربوا الشوفة الشرعية

يوم الشوفه هذا يوم لا يُنسى

يقدر يحدد فيه خامة الزوجة
هل هي راعية حياء ولا متحررة شوي ولا كثير
يقدر يعرف حدودها لفين
وهي نفس الخال تقدر تحدد فيه ماهية الزوج
ومثل هالامور

الامر عادي ك كلام فقط ولا فعل هو صعب بصراحة
انا افضل انك تكون واضح جداً وصريح
وهي كذلك

عن نفسي اتذكر قلت لها كلمتين بس
انا عندي أبوي وأمي فوق راسي
وكل اللي أبيه من شريكة حياتي انها تعامل والديين بنفس معاملتي لهم وبس

ف كان الرد من والدتها - الله يحفظها -
من غير ماتقول .. ولا اذا صار العكس ف أكون ماعرفت إربي بنتي

اهلا


بصراحه انا ما تهمني النظرة الشرعية كثير

لأن اكيد الاهل ما بيختاروا لي شي الا الزين

ادا صار وقت الزواج نفكر فيها

مع ان الوالده تلح علي اتزوج بس اقول اليها اصبري علي كم سنة

وقربنا نصك 30 وبعدنا ما نعدل الاوضاع !

البنت تدخل عليك وهي قد شبعت من شوفتك

لأنك يوم تجي تخطب ويحددون موعد للمقابله مع ابو البنت وانت داخل للبيت تشوفك بكل اريحيه اما من داخل الجمس اللي في القراش او من شباك أحد الغرف اللي تكون بمدخل الرجال والا ورا عمود .. المهم إنها تفصفصك من رأسك لرجليك قبل لا تشوفها انت

والله كلامكم شهاني الزواج والنظرة الشرعية

الله يعين العزابية والله

بحكم اني جربت الشي ذا ثلاث مرات وكلها انتهت بزواج والحمدلله اعطيك بعض من خبراتي
اول شي قبل تدخل البنت خلك رزين مع ابوها لا تضحك كثير ولا ترفع صوتك ولا تهرج بسرعه
ثانياً اذا حسيت انه البنت قربت تدخل مع الباب راح تعرف من نظرة ابوها للباب وتسمع اصوات غريبة ادخلي بسرعه خذي خذي اصبري شوي يعني من الهرج ذا انسى ابوها واخوها وركز على وجهها وشعرها اول ما تدخل ثم ثم مكاسم جسمها يعني متناسقة القوام
ابيك تركز على وجهها وعيونهالان ذا اللي راح يبقى معك بقية عمرك اذا وفق الله بينكم اما جسمها راح يزيد وينقص حسب سعادتها وحبها لك
بعض البنات تدخل وتسلم من بعيد وتجلس اذا سلمت رد السلام بابتسامه مع كلمه حلوه مثل ماشاء الله تبارك الله او يا هلا والله وعليكم السلام ولا تستخف دمك وتغازل عشان لا ينزلونك اهلها مع الشباك
بعض البنات يدخلون ويجيبون عصير معهم ويسلمون ويقدمونه للمعرس لا تفوت ذي الفرصة رد السلام على مهلك شوي شوي وانت تناظر بعيونها وشعرها وخذ كاسة العصير على مهلك وركز على مبسمها وكلمة حلوه مثل الله يكتبك لي او الله يسعدك ثم اذا جلست نظره سريعة على ابوها وعشر نظرات عليها واذا نظرك ضعيف البس نظارة لا تستحي تراها من احلى ايام العمر ما له داعي اي كلام ثاني مثل انك تسألها عن دراستها او طموحها لان ما في وقت للكلام ذا معظم الشوفات الشرعيه بحدود ربع ساعة
بعض الاباء ممكن يسأل المعرس ها ويش رايك شفت العروس لا تقول اكثر من كلمة الله يكتب اللي فيه الخير
وابيك تحط في بالك اذا حسيت انك حبيتها وان قلبك يرقص وحسيت انك تعرفها من زمان فهذا معناه ان روحك وروحها تلاقوا ولا تنسى تعزموني على الزواج ان شاء الله

ابوفارس بيض الله وجهك بارك الله فيك

صراحة انا افظل عند الشوفة الشرعية تكون الام فقط موجودة تحس براحة اكثر

بعكس وجود الاب او الاخ تحس امامك وحوش مفترسة قدامك ينتظرون اي زلة منك او كلمة

مع الباب

ننتظر تجارب الاخوة

بأي حق تقعد الام معك شرعاً ما يجوز

خلك ساكت ولا تتفلسف اطلاقا
شغل الدرابيل بس واستككشف كل جزء ههههههه
خلك بثر ذي اللحظه لانها لن تتكرر

ما شالله تبارك الله ع قولة السوريين يخزي العين عليكم

شعب ماشالله فاهم ومتفهم مادري والله وش اوصف واقول من قوة العقول الي هنا هولة بي

بالذات الي يقول وده يكلمها جوال والى وده يقعد معها لحاله

عشان ماشالله زوجتم بناتكم كذا والى خواتكم تزوجو كذا
الي ترضونه لعاركم لاختكم لبنتكم لامكم ارضوه لبنت الناس

عجيب مابقي الى تقولون تخرج ملط ماعليها شي عشان تسهل الشوفه مره وحده ترا والله لو ان خويك مدقق فيها

من والى

الله لكتب انها من نصيبه بتصير نصيبه غصبن عليه

مابقي الى تقولون ياخذها تجربه كم يوم ويرجعها اسسسسستغفر الله بس

حلوه تخرج ملط ههههههه
ياجنوبيه هدئ ليش كل ردودك متحامله ع الرجال ومعصبه
الشغله ماهي حرب وكل واحد وقناعته لنفسه مايجبر
عليها احد

رد30
ابدا متى ماحسيت ان ضغطي مرتفع جيت هنا :-)

لا بس ماحب ابو وجهين يعني فيه موضوع بالمنتدى عن شخص يهدد فتاه بالنظره الشرعيه وكني شميت لك رد هناك عاد انت خابر الموضوع هناك تقولون وي وي يا ندامه ليش تطلع بدون محرم

وهنا تقولون ليش ماتطلع وحدها وتتواصل معها جوال والخ

ماحد عرف لكم بوجهين انتو

تصدق لو انا مكانها البس قفاز الملاكمه والكمه بوجهه

واذا سال ليش بقول ابدا بغيت اشوف انت رجال ينشد بك الظهر والى لا

لان بزمننا هذا يجيك الواحد منتفخ نفخه ولحطيت ابو بريعص قدامه هج :-)

معليش يا صاحب الموضوع بجلس اطقطق في ذا
لاني طفشنتن طفشن لابعده من طفشات :-)

وجود المحرم مطلب شرعي اختى الكريمه
انا عن نفسي لو دخلت علي بدون محرم والله مااتزوجها وكثير من الاعضاء
نفس القناعه
اما الردود الباقيه ليست مسؤؤليتي

بقلم: الصداوي : صدقت ههههههههههههههههههههه

بقلم: جنو-وبيه : ملط

+ تصدق لو انا مكانها البس قفاز الملاكمه والكمه بوجهه

هههههههههههههههههههههههه

النضره الشرعيه تختلف
على حسب العادات و التقاليد
في بعض القبائل يسمح انهم يجلسون جمب بعض بصحبه الوالد و يدردشون عن عن هوايات و الاشياء المشتركه بينهم على شان يشفون في تقارب ف الافكار او لا


و البعض
لا يعطه شوفه ام نص دقيقه و مع السلامه

و البعض مافي شوفه الا ليله الدخله انت وحضك


ف النضره الشرعيه
خلك هادي و مبتسم و لا تتعالا
و اذا جت البنت لا تفتح عيونك خلك هادي و خذ نضره سريعه لي انه النضره الشرعيه ما تاخذ نص دقيقه و انسخ شكلها في رائسك
ما علك من ابوها او احد محلله لك الشرع
خلك نضام واثق الخطوه يمشي ملك

أهم شيء تدخل بهارد ديسك بمخك حجمه 1 تيرا ، صدقني الكثير دخلوا النظرة الشرعية ويوم خرجوا يحاولون يتذكرون الشكل ما يقدرون ، ويوم تسألهم ها إن شاء الله خير ، تلقاه يهز راسه ، وهزة الراس ماهي عبث هذا قاعد يحرك مخه يحاول يتذكر الشكل :) ، للأسف معظم الشباب عند النظرة الشرعية تدقيقه يكون ضعيف فيشوف هالة من الجسم دون أن يرى تفاصيلها .

أخر رد رقم (35) بقلم: yasser1979 ههههههههههههههههههه

إذا وضعه كذا خلها هي تجيه البيت تخطبه من أبوه

هههههههههههههههههههههههههههه

نمزح
لكن الواحد لازم يكون قد المسؤولية ولا يقعد عزوبي

ابوتركي اكيد الواحد يكون مسؤل بس تعرف طبائع الناس تختلف فيهم الجري وفية الخجول

وفية المتشدد وفية المتفتح

خويي هذا خجول