جميع الحقوق محفوظة ©
سلام عليكم
ياجماعه انا ابي افتح مؤسسة مقاولات معلمين سيراميك وكهرباء حالياً
عطوني اول شيئ اسويه عشان افتح سجل تجاري
وهل لازم يكون عندي محل ؟
وكم رسوم العماله علماَ بانهم موجودين وبنقل كفالتهم وبغير مهنته بس
والله يجزاكم خير
افتح سجل عن طريق موقع وزارة التجارة ثم اشترك في الغرفه التجاريه ثم افتح ملف
في مكتب العمل ثم اصدر رخصة بلدية ثم افتح ملف في التأمينات الاجتماعيه ثم افتح ملف في الزكاة
والدخل ثم اعمل بريد واصل ثم العنوان الوطني
طبعا كلها عن طريق النت الا التامينات لازم تروح لهم ومعك السجل ورخصة البلديه
وتكون مفعل مكتب العمل
الرسوم ( المجزرة ) كالتالي :
* سجل تجاري 1000 ريال التجديد 200 ريال
* غرفه تجاريه 1000 ريال تجديد 800 ريال
* رخصة بلديه تختلف حسب الموقع والمساحه متوسط 1600 ريال
* زكاة ودخل كل عامل يأخذوا تقديري 260 ريال سنويا
* بريد واصل 500 ريال
* جوازات رسوم نقل وتجديد
والله يعينك فيه مفاجآت تطلع لك مع كل ملف تفتحه
قسم بالله انك اسعدتني ب في هالاجابه المفصله و ضيقتني في كمية المراجعات للدوائر الحكوميه بس الجميل انها الكتروني ..
بيض الله وجهك ي صاحبي
ووجهك ياصاحبي اي خدمه لك خاصة في مجال المقاولات انا تحت امرك عندي مؤسسة مقاولات من 20 سنه والله رحمنا من مراجعات الدوائر الحكوميه يوم كنا نجيب للموظف سندوشتين بيض بالجبنه وجريدة عكاظ وبكت مارلبورو احمر عشان يمشي المعاملات ههههه
عموما الخاص تحت امرك اي خدمة اواستفسار انا جاهز
الله يسعدك و يوفقك وشكراً لك على كمية الاحترام اللي اخجلتني بها
