| جميع الحقوق محفوظة © |

راعي كشتات وتعرف تطبخ ادخل

السلام ليكم ورحمة الله وبركاته


اخواني الكرام رمضان في عشره الآواخر نسأل الله الأجر والقبول..


كل من يحب الكشتات وراعي طبخ نبي نستفيد منه ونتعلم شي جديد ..


نبي كل واحد يشرحلنا طريقه يستخدمها اما في الشوي ولا الطبخ ولا الحنيذ ولا المدفون ولا خبز النار ..


توكلوا على الله..

واللي فوق صوره من تصويري حنيذ على كيف كيفك بس موب انا اللي طبخت لكن حنيذ بالمرخ يحبه قلبك..


اخوكم..


الفزاع

الردود
نقاشات مشابهة
الكل: 92
81 92
81.
03:46:07 2011.11.04 [مكة]
ههههههههههه الله يسعدك اخوي الميزر انا بانتظار الطبخه والله يستر ههههه.. ربي يسعدك يالغالي..
82.
03:23:01 2011.11.08 [مكة]
السلام عليكم عيدكم مبارك فيه منتدى اسمه كشتات ادخل وشوف الطبخ على اصوله وهنيئا مريئا
83.
03:28:05 2011.11.08 [مكة]
وانت بصحه وعافيه يالغالي نورت بتواجدك الكريم.. وصدقت فيه منتدى مكشات رائع وانا عضو هناك ايضآ..
84.
03:44:14 2011.11.08 [مكة]
السلام عليكم والله اني جيعان وميت جوع والحين بطس اسوي الطبخه ذي بس انتو سوها وقولولي وش رايكم المهم ما اطول عليكم مقلقل لحم اول شي نجيب اللحم ونزل العظام نقطع بصل شرائح او جوانح مثل ماتحب نقطع الطماطم قطع صغيره فلفل اسود كمون معجون طماطم قليل بس للتلوين نضع البصل على الصاج ونحركه لين مايحمر لونه نضع عليه قليل من السمن البري او الزيت الزيتون بعد ذالك نضع الطماطم ونحركها لين تذوب قليل ونضع اللحم ونبد بتحركه كل شوي لين ماينضج وفي الاخير لاتنسون الملح ههههههههههههه والعظام لاترمونها حرام نضع العظام في قدر الضغط او الكاتم المهم مثل ماهي بدون اي اضافات ونحط عليها ماء ونكتمها لمدة ساعه وبعد ذالك نجيب رز <حسب الاشخاص ونحطه بقدر ثاني ونطبخه مع القرفه والهيل القليل وملح ولمدة لاتزيد عن نصف ساعه الى ساعه وربع مع تقصير النار وبعد كذا نصب المرق مع العظام فوق الرز ونجلعها نصف ساعه اخرى اذا تبون سلطه ماعندي اي مانع علبة طحينه سائله ليمون خل ماء وتخلط لين ماتجمد الطحينه ومن ثما قليل ماء لكي تعجبك ونضع غليه قليل بقدونس للتعطي طعم رائع وبالعافيه لاتنسون البيبسي واللبن هههههههههههههه بررب المطبخ (الميزر)
85.
04:05:26 2011.11.08 [مكة]
وعن ما قريب بنزل لك طرقة اقصدير يا انت بتاككل مو اصابيعك وراها الا يمكن تاكل الصحن بكبره هههه (الميزر)
86.
04:31:51 2011.11.08 [مكة]
صح كلامك اسمه مكشات موب كشتات .. تلخبطت بالي مشغول وانا بعد لي عضوية هناك من خمس سنوات
87.
عضو قديم رقم 233648
10:13:23 2011.11.08 [مكة]
شهويتنا في الاكل
88.
02:12:17 2011.11.10 [مكة]
ربي يسعدك يالميزر شهيتني على المقلقل في هالليل هههههههههه ربي يسعدك وتسلم يدك يالغالي لاعدمتك ..
89.
02:13:30 2011.11.10 [مكة]
اخوي N-J-M والله صادق من يشوف هاطبخات الحلوه يشتهي الاكل الطيب الله يزيدنا وياكم من نعمه ولا يغير علينا الا للأحسن يارب اللهم آمين..
90.
عضو قديم رقم 10329
00:55:28 2012.07.07 [مكة]
لاتبطي علينا أخوي الميزر شهيتنا الله يعطيك العافية انت والأخوان جميعا
91.
00:11:08 2013.05.19 [مكة]
مرحبا اخوي ابوماجد شرفت الموضوع
92.
23:09:29 2013.11.02 [مكة]
السلام عليكم احبابي اعضاء مستعمل هذي رابع سنه لهذا الموضوع والشتا على الابواب ونبي طبخات جديده للبر ولا في البيت مايمنع.. اسعدونا بمشاركاتكم