راعي كشتات وتعرف تطبخ ادخل

انا بعلمكم الاندومي ياطويلين العمر والسلامة تغلي مويا حاره بقدر اذا شفته الين يغلي وتحط البهارات الخاصه وبعدها تجيب الاندومي في بعضهم يحطونه كذا وبعضهم يكسرونه يعني ينأكل صغار صغار كح حح<<<لايكثر بس

فكرة كتير حلوة

بس ياريت كل واحد يكتب وصفة ينزلها بالصور

عمووري

شو هالوصفة المعقدة على الصبح

شوي شوي علينا

:)

هههههههههههههه الله يسعدك اخوي عموري وصباحك ورد ..

بس بغيت اسأل الاندومي على الحطب هههههه..

شرفتني بمرورك الجميل وطلاتك الحلوه دائما

هلا اختي قلب ملاك بس ماينفع بالصور لأن الطبخ هنا في البر وكلهم رجال ماعنهم صواني بالفرن هههههه

تحياتي لمرورك الجميل

أنا وش دخلني هالموضوع وانا صايم خخخخخ
والله يالغالي شف أنا عندي برميل مندي شريته من فتره والله يا أنا عثيت فيه كل يوم أعزم الشباب عشان أسوي لهم مندي الدجاج ..

ومافي إلا قوة طبخ وعاد نفس أبو سعود في الطبخ رااااااااايق و خاصة في البيض المقلي خخخخخخ

يسعد قلبك ياشيخ

ههههههههههههههههههه هلا والله حبيب قلبي ابوسعود اجل الحال من بعضه والله ان عندي برميلين خارجي وواحد مدفون حفره ..

بس ترى ابعزم نفسي عندك يوم واجرب هههههههه الله يسعدك يابوسعود..

على فكره يابو سعود البرميل اللي عندك اللي داخله فخار ولا حديد ؟؟

لأن الفخار ماينفع نولع فيه حطب ينكسر بسرعه ولذلك انا اولع كيسين فحم وساعتين والدجاج يدور السفره هههههههههههه

ربي يسعدك يالغالي

السلام عليكم ورحمة الله وبركاتة

تسلم اخوي فزاع على ها الموضوع..خذ عندك

هذا ياطويل العمر لحم بصويا
اولآ قطع البصل وقلبة على زيت حط لحم 3ك بعدها قلب الحم حتى يتغير لونة
ضيف بهارات وملعقة صلصة وكوبين ماء
غط القدر 40 دقيقة بعدها ضيف صويا حلوة وخلها خمس دقايق فقط
وبالهنا والشفا وجربها

حبيب قلبي الفزاع والله إنك تشرفني فديتك ..

واللي عندي مثل ماذكرت فخار ومافي إلا قوة حطب صح إنه بدأ يصير فيه تشققات بس ماعلي منه أهم شي إنه يطلع لنا هالطبخ الزين ..

تسلم لي لاعدمتك

شباب الله يرحم والديكم ماودكم تصومون خلوها بعد الفطور ونتناقش لانكم حركتم الجوع شوي وانامن عشاق البر وااووو على الحم المندي الى تنزله بالقوعه ووااااااااااوو تشب الحطب حتي يجمر وبعدين تبهر اللحم وتنزل اول شى القدر طبعا تحط فيه الرز اماء ورق غار ورليمون مجفف المهم بهارات الكبسه وبعدين تنزل الشبك وتحط اللحم عليه واوااو تغطي القوعه بالغط الحديد ةمن ثم تاخذ اكسياس خيش طبعا تعرفون وش اكياسه اكياس الرز طبعا ومن ثم تدفنون الرمل عليه وتحسب ساعه الى ساعه ونصف طبعا حسب التيس الى جايبينه .

الله الله الله الله

وعليكم السلام ورحمة الله وبركاته هلا بالغالي البدراني ارحب ارحب..

والله يسلمك يالغالي وعندي بعض الاستفسارات البسيطه اللحم وشهو غنم ولا غيره وبعظم ولا بدون والصويا هل هي صلصة الصويا المعروفه لأن شكلي بجربها بكره بإذن الله اليوم ماعاد يمدي هههههههههه

تحياتي وتقديري لك اخي الحبيب البدراني2

الله يشرف مقدارك ويرحم والديك يابوسعود والله الشرف لي يالغالي وبإذن الله يكون لنا لقاء اذا ربك كتب ومافيه الا قوة مندي هههههههههه لاعدمتك ياسنايدي ياطيب الاصل..

هههه
وش ذا الموضوع الي على الصيام والله التوقيت ماهو مناسب عطني فرصه لين بعد العيد انشاء الله

وبشر بلخير

اتمنى لك التوفيق

هلا والله اخوي فارس يالبا قلبك ياشيخ هذا العلم اللي يجمد على الشارب المندي في الحفره هههههههههه

بس تصدق وانا اخوك انا افضل اسوي لحم الطلي الهرفي الصغير للمندي لأنه ماينشف مره مثل لحم التيس ويصير ألذ ..

وبيني وبينكم فيه مطعم بالرياض اذا جيت الرياض اروحله وهو مطعم السوده نهاية شارع العروبه عنده حنيذ يحبه قلبك ..


تحياتي اخوي فارس شرفت يالغالي

هههههههههههههه هلا والله بالغالي kmk0088 عشان تحس بالصيام يالغالي هههههه الله يسعدك..

وناطرينك تجيبلنا طريقة طبخ معينه يالغالي


تحياتي لك

شوفوا ياحبايبي ... هذي المقلوبه السريعه بدون مويه... بسم الله .
اول شي تجيب الكشنه البصل واخواتها وتحمسها ومن ثما تحط الدجاج بقاع القدر وتصفه مضبوط وبعدها تجيب الخضار وتصفها فوق الدجاج ثما تجيب الملح والبهارات وتحط على حسب الاحتياج وبعدها تكون سالق الرز بمويه وملح فقط ومن ثما تحطه فوق الاغراض الي بالقدر وبعدها تسكر القدر طبعا كاتم وتكتمه وتخلي النار حليله يعني لا قويه ولا ضعيفه حتى يتس لامنه تس البلف ردي النار شوي وخليها مقصوره مره واصبر نصف ساعه او 25 دقيقه وبعدها افتح الكاتم وجب الزبده واحركها مع الرز وبهنا والعافيه .... ولدينا المزيد عن الطبخات البريه...واي استفسار انا حاظر..

وايضا فيه طبخت الرز المقلي....

وهي تطبخ اللحم او الدجاج عادي والرز عادي ولما تخلص تجيب صاجه كبيره مثل حقت القرصان وتقلبها وتحمس بصل بالزبده مع فلفل بعده تحط الحم وهو مطبوخ وجاهز للاكل تحطه وتحمسه شوي لما يتشقر وبعدها تحط الرز معاه وتقلب فيه كم قلبه على السريع ومن ثما تكون هي الصحن علطول تاكلوا من الصاجه والله يعينكم على الحراره وبالهناء....

وايضا فيه المقلقل او الجمري...
وهو ....
تجيب صحن حق الرز النفر والنفرين الالمنيوم الي يكون غطا كرتوني قريب من صحن البيك. وتقطع فيه الدجاج والكشنه والبهارات والملح جميع كلش ني او كي ومن ثما تلفها بقصدير مرتين او ثلاث وتحطها تحت الجمر تحت النار الله يكفينا واياكم شرها لمده نصف ساعه وبعدها شوف كيف الطعم يالسلالالالالام حلوه قوي واللحم زود الوقت ل 40 دقيقه ,,,,,,,

هلا اخوي فزاع

الحم لحم غنم طازج يكفيك كيلو او كيلوين .. وصلصة هي صويا الحلوة حط منها فنجان قهوة

ما شاء الله طلعت مواهب الشباب

طيب حدا يصورلنا برميل المندي

اول مرة اسمع فيه

ولازم يستخدم في البر او ممكن في البيت؟

حدا بدو وصفة ورق العنب

:)

برميل المندي مثل برميل الزيت بترومين تقريبا... وفيه نوع جديد عند السنيدي لرحلات بالقصيم والرياض صغير الحجم ويستخدم بالمنازل واليضا فيه فرن المندي حلو وعملي....