راتبي مدري وين يروح شوفولي حل

الله يكون بعونك ..
اقساطك عالية ومتجاوزة 65% من دخلك ..
وهذا طبيعي جداً انه تعاني في المصاريف

الحل الطبيعي لحالاتك .. تبحث عن مصدر دخل اخر .. عمل إضافي ..
إذا عملك فيه اوفرتايم .. حاول انك تشتغل كل يوم اوفر تايم
اذا مافيه اوفرتايم ... حاول تبحث عن عمل اخر من بعد العصر للمساء .. بارت تايم ..
وتدخل راتب كويس جنب راتبك عشان تقدر على مصاريف الحياة ..


ولو مرة ماتقدر .. مالك الا تكمل بال 3300 ريال .. وتقتصد جداً بالمصاريف ..
يعني انسى كل الكماليات وبعض الأساسيات ..
يعني بلاش جوال فاتورة .. وخليك على الشحن 50 ريال بالشهر تكفيك
وبلاش تولعوا كل لمبات البيت حاولوا تقتصدوا في استهلاك الكهرباء عشان تقل الفاتورة
الغي اشتراك الانترنت ..
اما الحرمه تبي سوق هذه انساها ... جمع لهم كل شهر 100 او 200 ريال وبعد كم شهر ينزلوا يقضوا خاصة ان عندك طفلة والطفل يكبر وينمو بسرعه ماشاءالله تبارك الله ..
يعني كل فترة يبغالها لبس ...

طبعاً .. الطوارئ طبياً .. مالك الا المستشفيات الحكومية الله يعينك ..


طبعاً اذا وضعك بيطول كذا ... حاول تلاقي شقه اقل ايجار من شقتك
لانه هذه الأمور اللي تقدر انك تتحكم فيها اما الباقي ماهو حقك دين عليك لازم تسدده

عليك بالصدقه والاستغفار

. بقلم: الصداوي
صدقة واستغفار؟؟!! ياخي الرجال يبي حل لمشكلته وانت جاي تتقطق عليه

اخوي بعد الإستغفار و الصدقة ,,
حاول تشوف مصدر دخل اضافي ,,

وبخصوص المبلغ المتبقي 3300 ريال ,,
حليب الأطفال اسبوعياً يستهلك 59 ريال
و حفاظات وانت بكرامه مره في الشهر في حدود 65 ريال

لو نقول ان بنت الله يحفظها تستهلك شهرياً 350 ريال
ومقاضي بيت في حدود 400 ريال
( دجاج + كيس ارز 10ك + مكرونه + معلبات + عصائر و حليب و لبن )

فواتير كهرب 150 ريال
شحن 300 ريال للجميع
بنزين 200 ريال شهري
غيار زيت 150 ريال شهري

اجمالي 1550 ريال

يبقى لك 1450 ريال
لو نقول انك بتقسم هالمبلغ اسبوعي بحيث تسحب يوم الجمعه 350 ريال
وتخليها مصروف الأسبوع ( فطور صباحي لك مع خبز يومي

بحيث تصرف يومي اقل من 50 ريال ..

وتعود نفسك الي توفره من الـ 50 ريال لليوم تنقله لليوم الثاني = وفي نهايه الاسبوع
يعني مثلا لو توفر 80 ريال خلال ال 5 ابام تنقلها لنهايه الأسبوع وتتمشى فيها

والي يبقى من الاسبوع ( تتصدق فيه )

بتلقى راتبك كذا يكفيك و زيااااده إن شاء الله تعالى

ـــ

صدقني 3300 تمشيك الشهر بشوية تفكير ووضع ميزانية تكتبها في ورقة أنت والحرمة عشان تكون معاك :

100 صدقه

1000 مقاضي للمنزل وللبنت

300 فواتير اتصالات

150 انترنت

200 كهرباء

300 ترفيه

250 بنزين وصيانة سيارة

300 علاج ومستشفى لا قدر الله

300 تسوق

100 مياه

300 مصروفك الشخصي

صدقني تقدر ... تقدر .... بس مد رجولك على قد لحافك وعيش حياتك بسعادة ولا تخلي

مصاريفك تزيد .

صاحب الرد رقم (3)
مع احترامي لك.. لاتدخل في النيات ولايعلمها الا الله .. اذا انت تقول انا اطقطق عليه فأنت قلت في ماليس فيني . والله يسامحك ..

الله سبحانه و تعالى يقول :
( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا . يُرْسِلِ السَّمَاءَ عَلَيْكُمْ مِدْرَارًا . وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا ) نوح/10 - 12 .

ذكر الله جل في علاه ان من أسباب الرزق وسعته الاستغفار .

اما الصدقه فقد قال عنها المصطفى صلى الله عليه وسلم ( مانقص مال من صدقه بل تزده )

واذا ذگرت اخى صاحب الموضوع ماانزل في القران وماور في السنه وكان بنظرك طقطقه فهدا شأنك .. اما انا قصدت بها التذكير (( وَذَكِّرْ فَإِنَّ الذِّكْرَى تَنْفَعُ الْمُؤْمِنِينَ )) [الذاريات : 55]

اسأل الله الكريم لك بالهدايه

الله يسعدكم ويحفظكم

شوكرا لكم ع حلولكم الجميله بجد اسعدتوني بمساعدتكم معاي

شووكرا لكم مرره ثانيه

لو تقدر تاخذ تمويل لمدة اطول ويكون الاقساط حدود 2000 وتقفل كل الاقساط الحالية بمافيها بنك
التسليف
يكون اريح لك

الخطه هي انك تحمممد الله لييل نهار
ان الله من عليك وزوجك ماشاء الله وعندك طفله وهذي اكبر نعمه الفلوس وش الفلوس الي مزعلتك ياشيخ احمد ربك واشكره ان الله سهل لك الزواج وصار عندك اسره وبيت وبنوته احمد الله واشكره والازمه الي عندك هذي كلها كم سنه سنتين ويرجع راتبك زي ماهو وتسافر وتناقز انت وام العيال لكلللل مكان بالراتب الحلو الي ممعاك هذا ويمكن نجي نتسلف منك بعد

اعتبرها ازمه وتعدي وتسبب شف لك مكتب عقار ادخل داوم عنده ولا شف لك بالحراج طقطق مع الشريطيه تسبب مايمنع بس الي انت فيه نعمه وراتبك الحالي مافيه شي ادعي الله لك بالبركه وتصدق منه والله بيبارك لك فيه لو 20 ريال تصدق تراها تنفع بالدنيا والاخره

يقول أحد كبار السن حكمة :

الراتب مثل السيل

السيل ماشي ماشي في طريقه

إن غسلت ملابسك أو شربت منه أو سقيت غنمك وزرعك أو رفعت ماءه في خزان
استفدت

وإن جعلت الصرفية بدون حساب تلقاه راح في طريقه

المقصد : أكتب صرفياتك بالورقة والقلم وخطط كيف تستفيد من راتبك
واحسن ما تسوي إنك تخطط على ترك القروض
ويكون التخطيط للإدخار بمجرد انتهاء القروض

اخوي انا طبقت .... تفريد الفلوس .... خمسات وعشرات .... وشوف كيف بتقتصد ....وتوفر فلوس لك ....اقل شئ 1500 ريال اصرفها 1000 ريال خمسات ...و 500 ريال عشرات .... وبتحس بفرق في الصرفية ...مع التقسيم الي ذكرها اخونا ( نوكيا 2005 ) ... وبتتيسر امورك ..كثير .

الصداوي:

كلامك صحيح واقراح موفق

لا تناقش هذا المنحرف فكرياً حتى لا تضيع وقتك بدون فايدة

أمس نزلت تطبيق إسمه مصاريف يمدحونه . لعلك تنزله وتستفيد منه . هو بديل الورقة والقلم وممكن يساعد في التحكم بالمصاريف أولا بأول

مايفيد لاتطبيق ولتغيرة

اليوم الدنيا كل شي غالي

عشان تمسك راتبك خذ
-كل شي غدا عشاء بالبيت شغل الاهل
-لاتسوي عزايم كل يوم عزيمة-وكل يوم عزايم
-بس ماراح تقدر-
-هالاقساااط اكلت جيوبنا
مغرقينا فيها شافطين جيوبنا
لانرتاااح كل واحد يقولك سلفني-ديني-
يبيلها صوووم-يدك لاتمسك بطاقة الصراااف

الله يسعدكم

شكرا لكم

روح الثلاجة العالمية وخذ اغراض بيتك من هناك اسعار جدا حلوة واكثر الاوقات عروض 700 تكفيك شهر كامل مواد غذائية بطايق شحن لك و لأم العيال كل واحد 200 ريال الباقي يمديك تضغط على نفسك اشوي لين اخر الشهر ومصير الاقساط راح تنتهي وتتهنى في راتبك

دور شقه ارخص

ولا تدخل في ديون اكثر من كذا

6الف ونص
لا تفخفخ نفسك

وين يخوك دور شقه ارخص

انا شقتي ب 18 الف ريال
بعقلك راح احصل ارخص من كذا وغير كذا نظيفه وانا اول مستاجر

لاكن الحمد الله ع كل شيء

الله يفرجها من عنده

اخي العزيز

3300 صدقني تكفيك وزيادة بعد

واعذرني اذا قلت لك ان ومشكلتك نفسية بحته وليست مادية

كيف ؟؟؟


عندك شعور بالفقر بسبب الديون ومن وجهة نظر نفسية مالية انت تعاني من ارتفاع نسبة الدين الى الدخل وبالتالي تقول لنفسك خليني الحق اصرف المتبقي من دخلي واتهنى فيه بدال ما يطير مع الديون


اذاً مشكلتك هي الشعور بالفقر

الحل حط لك مصروف 100 ريال يومياً ولا تتجاوزها واذا صرفت اقل من 100 ريال يعني افترض يوم صرفت بس 50 ريال وتبقى من المصروف اليومي 50 لا تتركها في جيبك بل ضعها في صندوق خارجي كأدخار ولو كان قليل ومع الايام ستجد الادخار في نمو

وستزول عنك مشكلة الاحساس بالفقر بمجرد ان يكون لديك رصيد نقدي حلو مع الايام

وايضاً لا تحاول تحل مشكلة الديون بديون اخرى ونصيحة ابعد عن الهياط وبتعين خير

تصدق ولو ب 10 ريال شهرياً