رأيكم في مدينة الخرج؟

فيها كل شي تقدر تقول مثل الرياض وجوها مثل الرياض وهي بعد الرياض 80كيلو

انصحك لاتسكن فيها مو عشان الجو ولا الخدمات لكن اهلها اكثرهم بدو بعدين فيها مشاكل كثيرة مدن جنوب الرياض ينتشر فيها الحسد والحقد بشكل كبيير ابعد عن الخرج

السلام عليكم .. انا ياخوي من اهل الشرقيه وساكن فالخرج من عرفت الدنيا و بجاوبك على كل اسئلتك
____________________________________
1- من ناحية جوها هل هي حارة جدا في الصيف ؟؟؟
-في عزز الصيف توصل الدرجه 45 اقل او اكثر بقليل والشتاء هذا اقل درجه وصلت 2 الى 4


2-كمان هل المدينة صغيرة و كم تبعد عن الشرقية
-اصغر من الرياض بكثير وفيها الدلم واليمامه قرى صغيره ولكن اكثرها تطوراً مدينة السيح الي هي نفسها الخرج

3-هل فيها مدارس زينة ؟؟؟ للتعليم
-مدارس حكوميه جيده جداا جداا والاهلية فيه بعض المدارس الي تدف على خفيف

4-هل فيها أسواق ؟؟
-فيه هايبر بنده اكسترا والعبيكان وفيه بعد فرع للعبيكان فرع يبنى كبير وحاليا المدينة تطور بقوه

5-حدائق منتزهات ؟؟؟
- فيه المشتل للنساء واظن فيه يوم للعوائل وفيه حديقة الملك عبدالعزيز منتزهات البعيجان ومدري وش الباقي

6-هل فيها مشاكل ؟؟؟

نعم يوجد مشاكل ولكن ابتعد عن البدو الي متعصبين واغلبها بدو طيبين فاهمين

تقبل تحياتي..

ماقصروت الشباب عطوك الزبده

وبخصوص الرد الثاني يالغالي الحسد تحصله بالقرى باليمامه والسلميه والدلم (والحسد مايجيك الا من الاقارب )

وفيه حديقه الحيونات وفيه منتزه الحناكيه وعندك الممشى بطريق الملك عبدالله

بالنسبه للبدو خليك في حالك مااحد يتعرض لك واغلب مايهايط الا الدقارش (الصغار )

والخرج حليوه واللي يزينها تبعد عن الرياض 80 كيلو

محاكيك من أهل الخرج وسكان الخرج


(واي خدمه انا تحت امرك )

موفق يالطيب

ماقصروت الشباب عطوك الزبده

وبخصوص الرد الثاني يالغالي الحسد تحصله بالقرى باليمامه والسلميه والدلم (والحسد مايجيك الا من الاقارب )

وفيه حديقه الحيونات وفيه منتزه الحناكيه وعندك الممشى بطريق الملك عبدالله

بالنسبه للبدو خليك في حالك مااحد يتعرض لك واغلب مايهايط الا الدقارش (الصغار )

والخرج حليوه واللي يزينها تبعد عن الرياض 80 كيلو

محاكيك من أهل الخرج وسكان الخرج


(واي خدمه انا تحت امرك )

موفق يالطيب

لصاحب الموضوع الله يحييك في محافظة الخرج واللي تعتبر اكبر محافظات منطقة الرياض ، الموقع والجو افادوك الاخوان بالنسبة للتعليم يوجد ولله الحمد من مرحلة الحضانة الى كليات الطب والهندسه وخلافه هذا التعليم العام والتعليم الخاص توجد جميع المراحل حتى الثانويه العامه وتوجد فروع لمعاهد الحاسب العالميه ونيورهاوزن.
عاصمة محافظة الخرج هي السيح.
الاسواق بالاضافة لما قالو الاخوان هناك اسواق الحديثي .
الان يسكنها مزيج من جميع أطياف المجتمع السعودي بحكم وقوع فروع لجميع القطاعات العسكريه ماعدا الحرس الوطني وكذلك جميع الوزارات المدنيه ماعدا الخارجيه .
ففي الخرج لن تستغرب مقابلتك لأي فرد من جميع قبائل المملكه وكذلك حاضرتها.
المحافظة تشهد تطور ملفت وفيها مجال للأعمال الخاصه .
بالنسبه للأخ عبدالعزيز محمد لا اعلم عن تعميمه هل هو مما سمعه او مما تعرض له شخصيا حتى يحكم بالتعميم على مجتمع كامل فهذا يدل على حماقه او انه مضطهد من احد ما وفرغ ما في سويداء قلبه الصغير.
عموما الله يحييك واي استفسار بخاطرك عن الخرج انا مستعد لك ولأي واحد من الاخوان جميعا سواء ع العام او الخاص.
كذلك الأخ عبدالعزيز محمد اذا يبي احد يفك كربته من عقده بعبع اهل الخرج مستعدين نساعده.

وش القصد ((( بالبدو )))

من أي القبائل بالتحديد ؟؟؟

وماهي افعالهم اللي الى هذه الدرجة تحذرون منهم ؟؟؟

نتمنى توضيح معني ((( البدو ))) وما هي قبائلهم بالضبط

لان كل اللي اعرفه عن الخرج أكثرها من الدواسر و ((( خضيرية ))) على قولت اهل الرياض يعنى غير معروف نسبهم مثل بعض العوائل ماتعرف نسبهم الا اذا حشرتهم قالوا حنا نرجع الى قبيلة فلان

مثل العوائل الكثيرة في الرياض و القصيم و نجد عموما ماتعرف وش اصلهم الا اذا قالك حنا نرجع الى القبلية الفلانية يعنى اصلهم بدو ... يقولون لا هههههههههههه

اتركوا عنكم العصبية و التخلف

اخوي انا من اهل الشرقية من الخبر بالضبط

الخرج اذا أنت شرقاوي ومتعود على نظام الشرقية ما تنفع لك انا جلست فيها شهر و انحشت منها

اما اهلها والنعم فيهم فيهم الخير و فيه الردي وديرة تعتبر مثل رحيمة تقريبا لكن رحيمة متطورة