جميع الحقوق محفوظة ©
السلام عليكم
ادعو لرفع سعر السجائر بنسبة 200% ليصبح سعر علبة السجائر 30 ريالا....
مالهدف من ذلك
اولا..مساعدة المدخنين على التقليل من استهلاك السجائر بما ينعكس ايجابا على صحتهم..فعندما يتذكر للمدخن ان سعر السيجاره ثلاثة ريالات بالتاكيد لن يشعل السيجاره الا عند الحاجة الملحه ويحاول الاقتصاد بالتدخين وقد يخفض استهلاكه من السجائر الى النصف....
ثانيا...اذا كان هناك بالمملكه حوالي خمسة ملايين مدخن ولنفترض ان كل مدخن يستهلك علبة سجائر يوميا..فذلك يعني ان هناك مئة مليون ريال يوميا يتم تحصيلها!!
يعني ثلاث مليارات ريال شهريا!!
يعني 32 ملياااار ريال سنويا !!!
هل تعلم ان هذا المبلغ كفيل ببناء 72 الف فيلا فاخره للمواطنين بالمملكه!!!
هذا منفصل انفصالا تاما عن صتدوق التنميه والقروض ووزارة الاسكان
مما سيكون داعما قويا لتملك المواطنين للمساكن
نعم...يجب رفع اسعار السجائر فهو قرار صائب ومفيد لابناء الوطن صحيا واقتصاديا
ثالثا..وهو الاهم...يصبح من الصعب على المراهقين شراء السجائر لارتفاع سعرها مما يساهم ايجابيا في تقليل نسبة المدخنين وحماية الاجيال القادمه من هذا البلاء والمرض الفتاك
ياخوفي توزع مجانا
شف الأثيوبيين يوم سوو فوضى وكسروا سيارات المواطنيين كرموهم بالسكن والصرف عليهم
اللي يسمعك يقول ان ايرادات السجائر راح توزع على المواطنين وراح ينبني فيها فلل :)
يا عزيزي اللي بيدخن راح يشتري الدخان سواء ب30 والا ب300
والمستفيد الوحيد من هالموضوع هو التاجر .. فقط ..
مع احترامي لطرحك ..
اليهود
يعني هاذي افضل طريقة لحل ازمه السكن .
اشوف كلام راعي الموضوع سليم
ولكن أذا أستثمرت بذكاء.
اوؤيد هذا المقترح أسوة بالدول المتقدمة وادعوا بالتخلص من هذا الوباء لمن ابتلي فيه
الاخ صاحب الموضوع يقصد من ذلك اذا رفع السعر يتعذرشراءه .
بالنسبة للموضف عنده استعداد يشترية لو بــ 300 ريال هو في الوقت ذك لايفكر بتركة هو يخطط لوضع ميزانية ويستغني عن ااساسيات من حياته مقابل علبة السجائر .
أسأل الله الهدية للاخوان المدخنين .
بفضل الله بعد اكثر من 20 عام تدخين تركة ولي الان اكثر من تسع سنوات . الحمدلله .
الله يثبتك اخي المعناء ويكثر من امثالك ...مع الشكر لتعليقك وبقية الاخوان بهذا الاسلوب الراقي الذي يعكس سمو اخلاقكم
في المانيا البكت الواحد مالبورو ب 5 يورو يعني 28 ريال
أويدك وياليت يكون ب40 ريال لكن يااخي تعلم ان شركات الدخان تضغط على الدولولن تسمح بزيادة الاسعار هذه حقيقة لاشك فيها
كيف يستفيد التاجر ما هو مستفيد الا ياخذ السحت والحرام الي يبيع الدخان اللي يبي يبطل الدخان يكثر من الاستغفار والدعاء ويبشر بالخير اللهم اهدي شباب المسلمين لتركه
حل فاشل ولا يستفيد منه الا مافيا تجاره الدخان .
الحل وبما انه محرم ومضر والدوله تصرف المليارات على علاج من مرضو بسببه فالحل المنع فقط وليس ذلك بمستحيل . وبذلك نوفر مليارت تصرف على استيراده ومليارات تصرف على المرضى بسببه
art-ksa
رفع الله روحك انشاء الله
وش يرفعون خلك في السرة وخلنا في دخانا لا تتلقف في شؤون غيرك
ما تبون المبزرة تدخن في قانون يمنع بيع المبزرة وهو مفعل
المحلات الحين ما يبيعون لهم
اذا احد ساعدهم في الشراء بلغ علية بس
اما تنقز على كيف الناس وتتفلسف علية
وبهذي المناسبة
اقترح يرفعون سعر الرز
تدري الرز ما هو من الموروث
ويعتبر رفاهية زايدة والجميع يستعملة
مو ناس وناس
لا الجميع
تبي ضرايب خلاص حطها على الرز وكل لقمة تاكلها اتذكر انك تبني بيت واحد
عشان كذا دق في النعمة وانت مبسوط
محمد مراغم
كفيت ووفيت ماقصرت... ناس يسمعون مواضيع في مجلس ويجي مدرعم ينقل السالفه هههههه
والمضحك انه له موضوع .. دعوه لرفع سعر البنزين...
اهلا
قبل كم سنة في احد البلاد الاجنبية ( اتوقع امريكا )
رفعت دعوة على شركات الدخان لأنها تكلفهم في العلاج
ودفعوا لهم مقطوعه !
انا مو مع التدخين و بنفس الوقت ما انصح برفع سعره
الا ادا الحكومة اجبرت الشركات يدفعوا نسبة من الارباح لصالح وزراة الصحة
في هده الحاله لو رفعوا السعر يمكن يستفيد به الشعب
15. بقلم: عمرالزمان
شف اذا بيرفعون السعر عشان العلاج نحن كمدخنين ما عندنا مانع بس بشرط
طبعا اتكلم عن نظام يعني مدخن تاخذ كرت عضوية وتشتري دخان بكرت العضوية حتى تاخذ
السعر المرتفع بدون الكرت تاخذة بالسعر العادي
الزبدة بكرت العضوية الي هو بالسعر المرتفع جميع الضرائب الي عليك تتجمع
وتخصص لعلاج المصابين في هذي الجمعية الاعضاء فقط تصرف عليهم العلاجات
كذا ممكن الواحد يمز الزقارة وهو مامن مستقبلة ويدفع ما عندة مشكلة العلاج مضمون
بس تاخذ علي وتروح تعالج واحد عنده بهق ولا عندة سنة يوجعة وش دخلني انا فية عمرة لا طاب سنة
اذا بيرفعون الاسعار الدخان بشكل عشوائي لازم يكون في مقابل
بس كذا ترفع وانا ادفع وart-ksa يحصل بيت
انا ما حصلت بيت
بعدين وش دخلك ادخن ما ادخن انا اشتكيت لك ؟
بس اذا تبي تساعدني وتريد عذر ترفع الدخان شرط تعالجني في الضرايب ممكن نتكلم في الموضوع
غير كذا هذا ابتزاز
بنطلع بحملة مضادة اسمها كفاية
تلحين تتكلم عن رفع الدخان
تكلم عن الاشياء الاهم وخل الجخان على جنب
على الاقل الدخان يخفف من القهر و الغبنه اللي فينا
خلك في المهم و الا الدخان امره سهل
يا اخي art-ksa
لو انك مع اطلاق بالونات الاختبار هذي بدون عملية مقارنات كان احسن
يعني قبل يومين تقول رفع سعر البنزين علشان الاجانب \ والاجانب اللي معهم سيارات ما يشكلون 10%
واليوم تقول رفع سعر الدخان علشان حل مشكلة السكن \ تركت 900 مليار دخل البترول وتبي تحل المشكله من جيوب هالمساكين اللي إبتلوا بالتدخين
لكن قياسا على موضوعك
يجب ان يرتفع سعر الدخان 200%...... ليش .................... لأنه مضر بالصحه .
يجب ان يكون الحليب والخبز والارز مجانا..........ليش ........... لأنه مفيد بالصحه .
ومع الصحه السليمه والعقل السليم سوف يكون هناك نوابغ يقدرون يحلون مشكلة السكن
والله يا اخي لا حطيت ايدك على الجرح ولا انت حول الجرح حتى تعالجه
ههههههه
وش جاب الرز للدخان ياهداك الله..مفروض الرز ماهو مجانا بس..مفروض يعطون المواطن خيشة رز ومعها خمسميه...
وبعدين لاتخلط الاوراق..الرز والخبز والحليب سلع استراتيجيه ويتوقف عليها موت ناس واطفال لاسمح الله..وش جاب الدخان للخبز!!
مفروض السجائر يتم رفع سعرها واستغلال المردود للخدمات الصحيه او الاسكانيه..وللتقليل من استهلاكه...اما الخبز خط احمر ياطيبويجي دعمه لارفعه..هناك دول اشتراكيه لازالت تصرف الرز والسكر والشاي مجانا للمواطنين..لاتحوس بين الخبز والدخان ..تبي تكحلها..اعميتها!!
محمد مراغم اضحك الله سنك..الله يسعدك ياشيخ على اسلوبك الفكاهي الظريف ههههه
على فكره فيه نفسبات هنا..وناس عندها شعور بالنقص .. اسلوب همجي وردود تجلب الغثيان.تدل على ثقافه ضحله واسلوب حوار فاشل..وجهل....لذا اترفع عن الرد عليهم..لكن الاغلبيه على راسي وتحيه لكل مشارك باحترام....ويناقش باسلوب حضاري
