خرجت العمالة فرصة اصحاب الهمم العاليه

وايش اروح اسوي ؟؟ وين الفائده ؟؟ اللي ابي اسال عنه واشوفه بلقاه في النت .
يعني تبيني اشتغل مليس والا سباك والا حلاق وانا من اغنى بلد في التاريخ ؟

هل أنت تتكلم بالواقع أم بالخيال ؟
كنت ناوي أشتغل لكن الواقع يمنع أي واحد يتحرك أو يشتغل ...
خذ عندك رسوم العمال والإقامات ...
بلاش كذا نقول تشغل سعوديين يجيك يومين بالإسبوع والباقي مريض أو معزوم أو خربانة سيارته أو عنده ظروف وحضرته يبي على الأقل 3000 ريال كحد أدنى ويبي مكتب وكيلو نشا للغترة يوميا .
نترك موضوع العمالة عندك مصلحة الزكاة والدخل بس تشفط والفقراء عايشين بعد الله على صدقات المحسنين والجمعيات الخيرية أما الزكاة والدخل مالها وجود بالتبرعات ...
خذ عندك رسوم تشغيل الشاحنات على الطرق لو عملك يتطلب شاحنات ...
الشيء الأهم هل دخلك يغطي مصاريفك ويبقى لك شيء أو بتكون خسران شهر وتقفل ...
شيء ثاني من يتعامل مع السعودي ؟ مماطلة وعدم التزام وكأنه بيشتغل لك مجانا .
التوجه الجديد هو شركات تأجير العمالة وهذا كلام فاضي يوم يشتغل وبعدين يرفض ترجع للشركة يقولوا اصبر كم يوم كم شهر نبدله لك وأشغالك تتوقف .
من حب يناقش يناقش بعقل ويكون فاهم الوضع والسوق مو يتكلم بخيالات .

رد 1
يكون بعلمك دول أكثر تطور منا وأكثر أهمية وثقل بالعالم وأكثر محافظة على الإقتصاد وعندهم عمال يشتغلون في بعض الشغلات مثل ما ذكرت من أعمال ...
يجيك واحد يتبجح والبشت يمشي وراه متر يقول ليه أبناء الوطن ما يتشتغلون حلاقين وسباكين طيب شغل عيالك في هذي الشغلات خلك قدوة لنا .
فيه من يقول ليه بنت البلد ما تشتغل مضيفة طيران !!

يا علي انت شكلك اجنبي ومخالف عشان كدا مو عاجبك الكلام او تكون سعودي ومتستر علي اجانب
ليه كل التحامل و الحقد دا علي السعودي الي ماكلك عيش
لو كنت اجنبي ارجع بلدك الله لا يردك
ولو كنت سعودي متستر العقوبه جاياك في الطريق ان شاء الله

اعجبني عنوانك : خرجت العمالة فرصة اصحاب الهمم العاليه

حقا هي فرصة تاريخية لمن يريد بناء مستقبله او تصحيح مساره الاستثماري

حظا موفقا

و احسنوا التوكل

رد 4
دايم ردودك بايخة وما أحب أنزل نفسي لمستواك وتفكيرك ...
لا أنا أجنبي ولا عندي عمال لكن أقول الحق لو عندك نقاش واقعي في الموضوع قدمه واترك عنك التفكير الخاطيء ولا تضيع صلب الموضوع .

المشكله توهان مابين فساد اداري وتخبط تنفيذي أثركثيرا في مسار حياه الشباب حتى دخلهم الياس والاحباط فالشاب السعودي لو اتيحت له الفرصه الجديه والصادقه ثق أنه لن يفوتها لأنه اصبح اكثر وعيا نتيجه صكات الحياه وصدماتها له ولكن الحقيقه والواقع غير عن كل ما تسمعه وما تراه من خيالات فعسى تلك الحملات على المخالفين والمتسترين تستمر بجديه وأخلاص لتفتح باب الأمل له من جديد ليسعد بخيرات وطنه عطو الحر فرصه فقط.وهيؤ له الطرق وسدوها امام منافسيه وسوف يذهل الجميع..

كلام صحيح ولا غبار عليه

اعتقد لا زلنا في اول الطريق الطويل والشاق المليئ الذي تربع عليه افساد والمفسدون سنوات طويلة لاكثر من 50 عام ومازال نظام العمل ووزيره يحارب من قبل المسفدين بأسم الدين والمرأة وحفظ الاعراض والامة ، رغم اننا لم نسمع او نشاهد لهؤلاء اي مطالبات او وقوف مع المظلم عندما انتهك عرض فتاة السامر ابتسام الحربي اختطفت وقتلت ولم نسمع اصحاب الالسنه الحداد في منابر الحرم المكي ينتصرون لها ولغيرها الكثير ، ولكن هم يعارضون ما يقف امام مصالحهم الخاصة بدس السم في العسل

التستر سوف يعود يكفي مثاليه
حتى ولو نظف البلد وتم التصحيح او التعديل وحتى ولو فتح السعودي محل خاص به لن يستطيع الوقوف به طيلة اليوم الا بالاستعانه بعامل وبالتأكيد شيئا فشيئا ستنشأ علاقه تجاريه بينهم والقاسم الاكبر الربح ربحني وازود راتبك ربحني ولك نسبه حتى يعود التستر بشكل اخر الحياه جميله ولكن وفرة المال تجعلها اجمل ..

رد 8
انتبه من زلات اللسان أنت محاسب عليها أمام رب العالمين وما ينفعك لا منتدى ولا مطبلين .
لا تجيب سيرة الدين وخطباء الحرم اتق الله .

الحمد لله والشكر لي في السوق ممكن 15 سنه وشغل مقاولات ونقليات مواد بناء
حاولو يستاجرو مني الشاحنات حاولو اللف والدوران ولكن كنت اقابل خبثهم بابتسامه وافاجي اللي مو مضبوط منهم انزله واشغل واحد محله بدون يشعر الا هوا في بوابة الخروج
ثم الان بدينا نجني ثمار الصبر
فالصبر ياشباب الصبر الصبر والصدق اهم شيء في نجاح العمل ولا تتشعب في اكثر من ثلاث مشاريع ولا تصدق من يقول مشروع واحد ثلاث او اربع مشاريع متقاربه من النشاط من اسباب النجاح والله يوفق الجميع ويوفق كل وافد عمل معنا او وصلنا في هالبلد الطاهر وعاملنا مثل ما عاملنا
وسامح الله من كان يعمل بيننا بخبث وخاصه اللي في السوق وعارفهم

اؤيد كلام الاخ ale22 كلام موضوعي ويلمس الجرح بهدف معالجته.... عندنا مشكلة سلوكية واخلاقية كبييييرة تجعل العمل محبط واما ان تكون ظالم او مظلوم

طيب الي لديه شهادة جامعية تخصص اداري ،هل تعتقدون هذه الفرص تلائم تخصصي بحكم ان المستهدفين عمالة واغلب اعمالهم مهنية ؟علمآ طرقت أبوابآ شتى بالقطاع الخاص فلم أجد غير محاربة السعوديين الطموحيين لذلك أعمل بدون أمل للمناصب
لانها توجد عقبة بينك وبين من ينصفك ،لذلك ان يوفر مكتب العمل فرص وظيفية حقيقية تناسب مكانة الدولة اقتصاديآ ومواطنيها من الكفاءات والمؤهلات العليا واتمنى من الله يديم نعمه على بلدنا المعطاء ويحفظه من كل سوء،،.

شكرا جزيلا لكاتب الموضوع
والهدف من المعارض ماهو انك تشتغل سباك ولا مليس
على الاقل
تبني ثقافة وتدخل المجال نظريا وعلميا ويكون عندك خبرة بالمجال
بهالحالة انت احسن من الي يطبح على راسه
لا علم ولا ثقافة ولا خبرة في المجال
ويقول لك خسرت
السوق مافيه خير

الادهى والامر اغلب المطبلين في النت هم اصحاب دوام حكومي او دوام اهلي واتحدى ان يكون احدهم تطرق للعمل التجاري او احر

ويجيك بالنت الحين الوضع يصلح المواطن يتاجر فيه @@@@!!!!

ياعمي انت مصدق انه عملية التصحيح عشان خاطر عيوني انا وانت وغيرنا !!!!

شفت الى صار في 2006 في فبراير 26 ، وقالو فجاءة انه السوق مهوب سعره الحقيقي واكلها انا وانت والشخص البسيط والى طلع منها طلع بمليارات ربحان بعده دمرو السوق ورجعو بنفسهم اشترو

الحين صارت نفس اللعبة

وراح اذكركم بكلامي عند افتتاح بعض شركات تأجير العمالة ( تسفير العمال + نقص الخدمات = فتح شركات تأجير عماله بمبالغ يحبها قلبك


ونقطة ثانيه بحكم تجارتي اغلب ربعنا يبي يدخل تجارة واستثمار ومايكون فيها نسبة خساره !! يعني الشغل يكون مضمون 100% <<< هذي مااتوقع تجارة ابداً ... التاجر اجباري يوم يربح ويوم يخسر ...

نعم هناك فرص كثيره

السوق مع التصحيح راح يفتح فرص لكن مين المفروض اللي يدعم هالفرض عشان أهل البلد أولاً والله يرزق باقي الجنسيات لكن إذا التجار ولا أعمم إذا ما يساعد بتنمية البلد بأبناء البلد ويعطيهم فرصه صدقني راح تتحسن الصورة العامه
اغلب المنتجين والناجحين بالبلد هم سعوديين .
والا الأجانب وش اللي يخليهم أقوى من السعوديين بالسوق هناك من يدعمهم من التجار السعوديين بالاسم والسمعة والواسطه والثقه ...عشان مصالحه ... الخ
أما السعودي محارب في كل شي خصوصا أصحاب الدخل البسيط أو المستثمر الصغير يحارب وينظر له بدونيه وحسد لحد ما يخسر ويطلع من السوق ويندم انه دخل وبكذا يخسر فلوسه ولا عاد يفكر يدخل مره ثانيه
والله يرزق الجميع

اهلا


يالله نشوف همتك و نشوفك عامل نظافه او عامل زراعي او عامل بناء او ...

الان المطاردين هم المؤسسات الصغيره اما الشركات يعطوهم بمئات التأشيرات

رد 15
>يستحق التأمل

الحين تغيرت الإعلانات صاروا يقولون من مواليد السعودية يطلب عملا لقولهم ثغرة يغني ياالمواطن شف لك مخرج انت بعد