جميع الحقوق محفوظة ©
السلام عليكم اخواني
طلب الله يعافيكم ابي عنوان وموقع قصر صاحب السمو الملكي الامير مقرن النائب الثاني
بكرا السبت ويستقبل المواطنين في قصره بالرياض في الناصريه ودي اروح اسلم عليه وعندي بعض الامور الشخصيه كاتبها بخطاب
فياليت اخواني توصفون لي القصر الي في الناصريه بالضبط وينه فيه وباي شارع الي يكون فيه الاستقبال بكرا الله لايهينكم
والله يجزززززززززززززاكم الخير
ي رجال من واقع خبره
ممنوع الدخول على أي أمير من الكبار بورقه
وفيه مكتب يسمونه مكتب إستقبال الجمهور ياخذ منك المعروض ويقولك خلاص تبغى شيء إذا قلت له لاء يقولك خلاص روح وش تبغى
بس نصيحه خبيه وقولهم جاي أبايع وأسلم
ابد روح يمه ولا عليك واذا شفته دنق عليه وحب خشيم سموه تراه حبيب وشمالي
ولاتخاف ماراح يمسح مكان حبتك وعطه معروضك وقله موصيني عليك بروزاك.. واذا قالك
منهو بروزاك قله مواطن يدعولك بطول العمر .
اخوي e050e
ماعتقد اخوي انه ممنوع ابد ابد لان الباب مفتوح لاي مواطن يبي يسلم او لقضاء حاجه على العموم انا راح اخبيه بمخيباتي لان اذا خذاه احد من الاخوياء عزالله بيروح لدرام الزباله وانتم بكرامه وبيقولي معروضك حفظ يعني مالك شئ انا ادري بس لمن اسلم على سمو الامير واعطيه خطابي يد بيد ثق ثقه تامه انه راح يطلع عليه وراح يشرح عليه
هلابك اخوي بروزاك
انا رايح رايح الله لايعوق بشر ان شاء الله
عزالله انك قلت كلمة الحق في الامير مقرن حفظه الله انسان قمه في التواضع والاخلاق ولا هو قصور بالباقين الله يحفظهم . ونا راح احب راسه ياجيته لانه يستاهل الرجل المناسب في المكان المناسب
بس ماقلتولي وين عنوان قصر الامير مقرن الي بالناصريه وباي شارع عجلوووو علي انا مجهز البشت والشماغ مكوي والعقال ماباقي الا سويعات على المغرب بعد المغرب الجلسه
وشكرا لكم ومن القلب الدعاء لكم جميعا
