السلام عليكم ورحمة الله وبركاته
اسعد الله الجميع باليمن والبركات
وان شالله يكون الجميع بصحه وعافية ... اللهم آمين
من هذا الموضوع حبيت إني كنوع من رد المعروف لهذا الموقع
موقع مستعمل .. اللي هو يعتبر بالنسبة لي الموقع الأول في حين دخولي للشبكة العنكبوتية
انا اخوكم أحمد ( أبو سعود)
من هذا الموضوع حبيت إني أقدم خدمة للجميع .. جميع الأعضاء وحتى الزوار
بخصوص مشاكل الكمبيوتر ومشاكل الإنترنت
حاجه صعبت عليك , رسائل مزعجه و Error تطلع لك , مشاكل بالإنترنت . تقديم نصائح بخصوص شراء كمبيوتر جديد او مستعمل او غيرها من الأدوات .
واعتذر من أصحاب الإيميلات المسروقه من إمكانية إسترجاعها .. لأن هذا عمل وتركته لوجه الله ونذرت نذر إني لا أرجع له مهما كان الأمر
غير هذا انا حاضر وبأتم الإستعداد
وان شالله يوميا ساكون متواجد على الموقع ..
كما يسعدني أستقبال ملاحظات او أرائكم على البريد الإلكتروني
ksa-support@hotmail.com
راجيا من الله سبحانه وتعالى ان يساعدني لإرضائكم ومساعدتكم بكل السبل اللي أكون قادر عليها
واطلب من الله التوفيق
واتمنى ما تنسوني من صالح دعاكم
وان يسدد خطاي ويهديني ويسعدني .. وللجميع ان شالله
أخوكم
أحمد الفارس
بالتوفيق والله يجزاه خير العضو
للرفع لتعم الفائدة .. وارجوا من جميع الأعضاء رفع موضوعي في حال تأخري بالرد
فيه ناس تحتاج لمثل هالأمور
ابي اسالك عن الوندوز الي في المنتديات الي يكون معاه تعريفات الساتا وبعض البرامج
هل فيها مشاكل يعني بعضها حجمها 4 قيقا وهو اكس بي اضن انه مره كثير
ايش رايك فيها عموما وشكراا
الله يجزاك خير ويرحم والديك
أخي عندي مشكلة بسيطة بس ماعرفت أحلها.
أنا نزلت برنامج ومااشتغل معي مضبوط وحبيت امسحه لكن معصي كل ما أروح لملف تحميل وتنزيل البرامج واختار ريموف تطلع نافذة ماعرفت وش هي المهم البرنامج ما ينمسح ويش الدبرة مع جزيل الشكر مقدما وهذ الصورة الي تطلع
http://upload.up3.cc/uploads/images/up313350121141.jpg
أو
[url=http://upload.up3.cc/][img]http://upload.up3.cc/uploads/images/up313350121141.jpg[/img][/url]
حياكم الله
أخ clever نعم الكلام صحيح وهذا الحجم لأن الساتا ما يحتاج انه يدخل بالدوس الخاص بالاقلاع من بداية عمل الفرمته
عشان كذا الاجهزه الجديده مع الأسف لما تجيب لها ويندوز من الإصدارات القديمه بالسوق ما يتقبلها لأن ماهي مدمج معها الساتا
وانا بالنسبة لي ما عندي أي مشكلة لكن يفضل إنك تنزل إصدار ويندوز اكس بي سيرفس باك 3 افضل شي .. او تدور محل كويس يضبطها لك لأن ترى مو كل لابتوب تضبط معه
---------------------------------
أخ الضحوي حياك الله
البرنامج اللي عندك تقولك رساله إنه ( معطوب )
ولازم تحذفه بطريقة أخرى
انتبه لي /
حمل برنامج إسمه revo uninstaller
هذا رابطه
http://www.revouninstaller.com/start_...nload.html
البرنامج يحذف البرامج من جذوره
اول ما ينتهي التحميل تنزل البرنامج على جهازك .. وانا أنصح الاحتفاظ فيه اذا حبيت تحذف أي برنامج ما يعجبك من جذوره
اول ما تنتهي من تنزيل البرنامج ( تضغط نكست نكست نكست ) عشان تسوي له تسطيب بجهازك
وبعدها تدور برنامجك اللي تبي تحذفه وتضغط عليه دبل كليك ويقولك هل تريد حذفه .. وتضغط نعم .. ثم تطلع لك صفحة من أربع خيارات .. اختر أخر خيار .. ثم التالي .. ثم انتظر قاعد يحذف لك ملفات .. ثم راح تطلع لك صفحة الغاء تنزيل برنامجك .. تختار كلمة (COMPLETE) ثم نكست نكست فينيش .. وبعدين راح ترجع لنفس البرنامج حق حذف الملفات .. وتنتظر شوي لأن قاعد يحذف لك الملفات المتبقية .. ثم يقولك التالي .. وبعدها فيه ملفات كثيره .. تحت مكتوب تحديد الكل .. حدد الكل واحذف .. ((انتبه انتبه إذا طلب منك أعادة تشغيل الجهاز لا تسوي اعادة .. اضغط no )) وبعدها تطلع لك صفحة ثانية زي الأولى .. حدد الكل واحذف .. ثم انهاء
إذا خلصت هذي وحذفته .. سوي ريستارت للجهازه
شاكر لك سرعة تجاوبك
طيب كيف اعرف ان الهاردسك طيب ولا لا او كيف اعرف ان الجهاز ما يشتغل عشان الهارد
عطلان وشكراااااااا
شاكر لك اخي الغالي وجاري العمل
العفو وتم ارسال الحل بالخاص
---------------------------------
اخ الضحوي
العفو وبانتظار ردك
بارك الله فيك اخوي ابوسعود والله يوفقك
سؤالين اخوي اذا تكرمت
1- ماهو اقوى برنامج حمايه للكمبيوتر بنظرك وحسب خبرتك وتنصح به
2- الاكسبلورر مايشتغل معاي مع اني عملت له تحديث ونفس المشكله فاضطريت لاستخدام الفاير فوكس
حبيبي وعزيزي
ايش افضل موقع او منتدى تقدر تحمل منه نسخ وندوز مضمونه
^ـ^
يا قمر
كرما منك ابي اعرف اهم الاوامر في الدوز الي اقدر استفيد منها
^ـ^
حياكم جميعا
أخ _M3AX عزيزي اهم ما يلزم جهاز الكمبيوتر هو مكافح الفايروسات
عشان كذا انا بالنسبة لي عندي مكافح فايروسات اصلي واشتريته من مكتبة
بالأول والأخير هو لي انا ولا هو لغيري .. وانا الوحيد المستفيد منه
اما بالنسبة للمواقع اللي تنزل لك برنامج فايروسات وتعطيك مفاتيح خاصه له عشان يشتغل معك طول الوقت فهذا شي خيالي واسميها خزعبلات ..
هذي قنبلة موقوته للجهاز .. والمكافح بالنسبة لجهازك مجرد ( منظر فقط )
انا بالنسبة لي أنصح ب 3 برامج تعتبر الأقوى بلا منازع ( ترتيبا )
1 - النورتن Symantec-Norton الاقوى بلا منازع وقوي جدا على المخترقين والمواقع الغير جيده لتصفحها عيوبه ثقيل على الجهاز .. لكن بالزمن هذا الأجهزة اصبحت قوية وسريعه وتعطيك مساحه أكبر بالنواة الداخلية للذاكرة .. عشان كذا عادي بالنسبة لأداء الجهاز
2 - الأفيرا الهوم بريميوم .. قوي جدا جدا وخفيف على الجهاز .. عيوبه .. في بعض البرامج تحتاج إلى (باتش ) وحتى ان كان آمن .. مع الأسف يقوم بحذفه بدون طلب إذن منك ..
3 - الآي في جي avg ويسمونه الألمان ( النبيل ) الجنتل .. طبعا يسمونه كذا عشانه يحذف لك الفايروسات بهدوء ويعمل سكان بهدوء .. ولا يزعجك بالأبديت .. يسوي أبديت بهدوء .. هذا مثله مثل اللي مع طال عمرهم .. يهمز له رجوله ويجيب له اغراضه وانت ما تحس به ...
-----------------------------------------------
اخ CLEVER نسخ الويندوز انا ما انصحك تحملها من منتديات الا تكون موثوقه لأن بعض الأعضاء هداهم الله يضعون ملفات داخل الملف اللي تبي تحمله .. وخاصة لما يكون ملف مضغوط .. وهذا الملف مع الأسف يكون تجسس ..
هناك منتدى مضمون بإذن الله وانا عضو معهم من فترة طويلة جدا .. سأرسل لك الرابط بالخاص
اما نسخ الويندوز .. نصيحة لوجه الله قم بشراء نسخة ويندوز أصليه وريح راسك وريح بالك مع التحديثات الخاصة بالويندوز لان مثلها مثل صيانة السيارة .. متى ما أهملت السيارة صيانتها .. زادت مشاكلها .. مثله مثل الكمبيوتر
----------------------------
الأوامر الخاصة بتنظيف الجهاز
بالنسبة لنظام تشغيل ويندوز إكس بي :
ببداية الأمر تذهب إلى إبدا + تشغيل + (كتابة الأمر )
الأوامر / قم بتحديدها كاملة ctrl+a وحذفها .. في حال لم يتم حذف بعض الملفات .. لا بأس .. ومافي خوف فهذي ملفات بعض البرامج اللي دايم تستخدمها
الأوامر هي /
1- TEMP
2- %TEMP%
3- PREFETCH
4- RECENT
5-DLLCACHE
* الأمر الأخير الحذر جيدا .. قم بتحديد كامل الملفات .. ثم حذف .. ثم تطلع لك رسالة مكتوب فيها هل تريد حذف كامل الملفات .. وراح تطلع لك 4 خيارات اتوقع .. نعم ,نعم للكل,لا,الغاء الأمر ..
طبعا انت تختار كلمة ( لأ ) واتوقع راح تضغط على كلمة ( لأ ) 25 مره ...لان هذي ملفات مهمة لجهازك
*الأمر الأخير يجب التأكد منه لمستخدمي نظام ويندوز 7 .. فهو غير موجود بالقائمة المنسدلة لأجهزة الدوس
ابو سعود يسعد صباحك
ممكن اضيف كرت شاشه لجهاز محمول نوع دل .. وشكرا
وصباحك أخوي ربيع
هل كرت الشاشة الخاص بك داخلي ؟؟ واذا كان داخلي كم حجمه
وإذا كان خارجي كم أيضا حجمه
للمعلومه يا ابو سعود !!
جهازى المحمول لا يوجد فيه كرت شاشه .. سمعت من صديق انه بإمكانى
اضيف كرت شاشه 1 جيجا للجهاز .. والمعذره اذا اشغلت اخوى
ابسئلك يابو سعود لديه جهاز سوني فايو موديل VGN-CS36MJ السستم ويندوز فيستا ويوجد ازرار لمس لتشغيل مقاطع الفيدو ومقاطع الصوت
المهم غيرت نظام الجهاز إلي ويندوز 7 (64) بسبب ان الفيستا ثقيل جداً على الجهاز طلعتلي المشكلة بـ الـFn بالتحديد سطوع الشاشة حيث اصبحت الشاشة إضائة واحده لا تتغير وساطعة جداً احياناً يسبب لي الم بالعينين وايضاً ازرار اللمس توقفت ماتشتغل
فبحثت في موقع سوني الشرق الأوسط لعلي اجد تعريف بس للأسف مالقيت
فمادري وش افضل طريقة ممكنة لإيجاد الحل خصوصاً ان نظام وندوز 7 بالجهاز لا يعلى عليه .
عفواً اقصد AVALON
^_^
أخ ربيع نعم بإمكانك تركيب كرت شاشه على الجهاز
وبالنسبة لكرت الشاشه .. مستحيل جهاز بالعالم مافيه كرت شاشه
لكن كرت شاشتك داخلي ... عشان كذا روح لأقرب محل صيانة وان شالله يفيدونك بنوعية كرت الشاشة الخارجي الملائم لجهازك
-------------------------
اخ أمير الوفا حياك الله
جاري البحث عن مشكلتك .. واحتمال ضئيل يوجد لها حل الا بدعم من شركة سوني لخاصية الإقلاع المسمية (Lunch)
تم إرسال الحلول للخاص .
شكرا للجميع