خالي وهديتة لوالدتي

لاتستعجل ممكن خالك كمان انضحك عليه ولااظنه يدري ان الساعه مقلده . .

يعدين وان حصل وانها مقلده بلّغ خالك وان كان يدري قله جزاك الله خير وان كان مايدري وهذا المؤكد

خليه يرجعها وياخذ فلوسه سواء كانت غاليه او رخيصه وبلغ الوالده الله يحفظها بالموضوع بطريقه

لاتحرج بها خالك وحاول قدر المستطاع ان لاتكذب والله يزيد المحبه بينكم يارب . .

اخ بندر الامر صعب . كيف يرجعها وياخذ فلوسها

الامر ثاني الوالدة وانا ماراح نكذب علية هداك الله بس

امك قالت او تصدق بثمنها . عطتك مخرج . لا تخسر خالك الكريم .

امي قالت لي ان الساعة غاليه ياولدي وخالاتك قالوا لي انها تسوى كثير . انا ماابغى الوالدة تعرف وتنصدم هنا الكلام يااخوان وواحد يقول في الردود داخلين على طمع ماحصل له رد مناسب

انا ابغى رد من اصحاب العقول وليس اصحاب الجيوب

طيب بيعها وشوف ثمنها ان كان قليل فالوالده الله يحفظها تستاهل اكثر منك زيد الفرق من عندك

وبسخاء لانها والدتك وحطه في حسابها او تصدق به بمعيتها معك للمساكين وبكذا تكون

ارضيت والدتك ولم تخسر خالك بسبب مالك . .

وواحد يقول في الردود داخلين على طمع ماحصل له رد مناسب !!!

مين فال هالكلام من الاعضاء يا الجواد ؟؟؟

عادي قول لخالك امي جاتها وحده تبي تشري الساعه وامي ماتدري كم تسوى وياخالي الكريم خايف تشريها بسعر قليل ((( كم تتوقع تسوى وايش رايك كم نحدها على الحرمه )))

رايي من راي بندر

يمكن الشايب انضحك عليه ....وبما انها معها كروت ضمان يعني اصلية واللي بيشتريها بيتوقعها اصليه

اعط خالك خبر ان الساعه تقليد...واعطها اياه وهو بيتصرف ويخارج عمره لان معه مخارج كثير

اتصل بالخال وبلغه ان الوالده طلبت نبيع الساعة وايداع المبلغ لشراء احتياجات اكثر ولعدم حاجتها للساعة فهل تقترح ياخال ابيعها لنفس المحل اللي شريتها منه والا اعطيك اياها وتتصرف فيها بمعرفتك . المقصد ارمي الكورة في ملعبه وخله هو يفكر ولاتنسى هو اخوها وله مقام عندها وبيدفع ماتجود به نفسه سواء الف او خمسة الاف ولو طلب منك تروح تبيعها بلغه بعدها بيوم ان الساعه ماجابت الا 80 ريال بحكم انها ليست اصليه حسب شهادة محلات بيع الساعات .

حياك الله ، وحيا الله الجميع

خالك في خير وكريم ، ويبدو أنه انخدع ، فلابد أن يعلم ، الأمر عادي ولا فيه شيء ::

يا خالي أنا أعرفك بل الآخرين كريم وشهم وفي خير بفضل الله ، أمي قالت ماهيب في حاجة الساعة وقالت خالك أعطاني ساعة قيمة وخالاتك يقلون عنها أها باهظة الثمن ... ذهبت بها للوكالة فقالوا مقلدة وقيمتها لا تعدى مئتي ريال ... أت خالي مثل أبوي وحبيت فقط ابلغك خصوصاً ... خصوصاً ... خصوصاً أنك بت معها أوراق الضمان ........ إلخ ، فحبيت أخبرك.


وهنك تساؤل آخر أهم من هذه المسألة برمتها: هل اعتاد خالك يعطي أمك هدايا أو نقديات ذات قيمة؟؟؟ إذا نعم ، فيعني أنه هو نفسه انغش ، وإذا كان هو لم يعتد اهداء أمك شيئا ذا قيمة فاحتمال أنه يعرف القيمة.
هو ثري وحاله ميسور ويعرف الساعات إلى حد ما على الأقل ... يلزم أن يعرف.... وأمك بطريقة أو أخرى يجب أن تعرف في عص الغش الذي طغى في كل شئون الحياة.

الأمر عادي جداً أخي الكريم.... فلا تتردد ... وفقك الله

طيب اخوي هل تتوقع ان خالك بيرضى انكم تبيعون الهديه ؟؟؟

افضل حل انك تروح له وتشكره على الساعه وتقول له واضح انها غاليه ,,
واساله من اي محل اشتراها لانك ودك تشتري مثلها او اقل من سعرها ..

وانت بكذا تعرف هل هي اصليه او لا .. وترتاح

فيه طريقه ثانيه (( ممكن تجي خالك وتقول : تصدق ياخالي الكريم الحريم ماهن صاحيات فيه وحده جات امي وشافت الساعه وقالت هذي تقليد تباع ب 200 ريال ؟ وقالت امي معقول هذا : قالت نعم واذا تبين اثبتلك مستعده وتقول عندي خبره بالساعات وتعرف الاصلي والتقليد: (( وش رايك في كلامها ياخالي : كدرة على امي المقروده

:::

الموضوع حساس جداً فلا تجرح خالك ولا تجرح أمك.

أفضل رد في نظري هو الرد ذي الرقم 11. الذي كتبه أبو حنين

:::

انا اشوف انك تكلم خالك وتقول له وين المحل اللي اشترى منه الساعه حتى تختار لون ثاني او ان الوالده تبي تتصدق بثمنها... يعني حسسه انك عرفت قيمتها
او علمه ان الساعه تقليد علشان هو يمكن انغش فيها ويظن انها اصليه...
لكن بدون ما تدري الوالده الله يحفظها ..

الاخوان كفوو ووفوو
انا رديت بدون قراءة الردود .....

الله يحفظ لك الوالدة ويطول بعمرها على طاعته
انا من رايي تقنع الوالدة انها ماتبيعها بحجة ان الهدية لاتباع ولاتهدى وتقنعها بلبسها والاستفادة منها
وخالك نصيحة لاتخسره بسبب هدية
وفي نظري الهدية بمعناها وليس بقيمتها
فحتى لو كانت رخيصة فيوجد ناس اعرفهم اغنياء ويهدون لاقاربهم طقوم ذهب ليس حقيقي فالصو وفي مناسبات كبيرة زواج ولم يلمحوا لهم ولو بكلمه لكي لايخسروهم وعاملوهم بالمثل وهذا افضل حل بنظري
فاقرب مناسبه لخالك حاول تهديه اي شي تقليد ليفهم الرسالة وصلى الله وبارك وبكذا ماخسرت احد وتظل القلوب محبه وبينها موده ..

اهلا




مسوي سالفه على هالموضوع من الصباح !!!

ادا نيتك تفضح خالك روح قول الى امك و احمل معاك الوثائق و الشهود

اما ادا بتنهي السالفه وتستر عليه لها طريق كثيرة بدون ما تستشير احد

اقلها تروح تبيع الساعة لو بريال و تتصدق به

وادا سألتك امك قول بعتها و تصدقت بقيمتها بدون ما تدكر المبلغ وخلها بينك و بين ربك


وادا فيك شيمة زيادة روح اشتري اليها ساعه اصلية بقيمة وقول بعتها و اشتريت وحده ثانيه

السلام عليكم ورحمة الله وبركاتة .
أحبتي الاكارم شكرا لكم على التكرم باالرد على اعلاني وعلى مشاركتي في حل مشكلتي لكم
مني الدعاء والشكر الجزيل ودمتم بحفظ الله ورعايته

قله يا خالي العزيز

الشركة خدعتك واعطتك ساعة تقليد

بأرجعها لك حتى تأخذ حقك منهم

ولا عاد تسأل عنها خالك إلا إذا جاب سيرتها

أمك الله يجزيها خير قل لها , رجعت الساعة لخالي لأن فيها عيب وانخدع فيها

لازم تخبر خالك قد يكون مغشوش من موظفين في المحل واعطة الساعة وهو يتصرف والحق لا يزعل احد