حادث وهروب المتسبب

شوف ابشرك الان في نظام جديد لو هرب احد اطراف الحادث بيسير الغلط عليه ميه في الميه وبعدها يطلبو منك تسعيره من ثلاث ورش وبعدها يعطوك ورقه توقف فيها جميع خدماته حتى السفر لين يراجع المرور ويخلص معاك غصب عنه ويدفع لك فلوسك كاش ويحب راسك وانت خلال هذه الفتره تكون صلحة سيارتك بس صدقني بيجيك ويحب راسك بس اهم شي ما تكون سيارته مسروقه يعني ما عليها بلاغ

تسلم هم حولوني علي شيخ المعارض وانا عارف ان شيخ المعارض ما عندة سالفة وخصوصا قطع غيار السيارات الجديدة تصدق انة غلط علي رغم اني عرضت علية اني كفيلة لو سجنوة شفت عيال الحرام كيف ورغم كذا سب حتي الدولة وقال طز انا الي يهمني انة يتعاقب بالغرافة مبلغ محترم وسجن كم يوم وبعدين تصليح سيارتي

اخوي كاتب الموضوع ..
ردك رقم 2 .. غير واضح المعالم ...

ولكن إن كنت تريد معرفة النظام ف نظم كلامك .. وابتعد عن الشتائم للناس ...
ف ردك فيه قذف صريح بالزنا لوالدة شيخ المعارض .. ولو شاهد موضوعك يقدر يرفع عليك قضية ويحاكمك ...

حبيبي انا قلت الي صدمني ما ذكرت شيخ المعارض
انا الي قلت شيخ المعارض يمكن ما يقدر التقدير الي يناسب بس السب ل الشخص الي صدمني وهرب رغم اني عاملتة بالحسني وعرضت علية اكفلة اذا انسجن يعني انا عملت ب اصلي وهو عمل ب اصلة فهمت

الله يغفر لي ويغفر لك .. !!

اخوي .. توكل على الله .. توجهه لشيخ المعارض وشوف تقييمه كم ..
بالنسبة لقطع الغيار بتجيب التقييم من الشركة .. ماله شغل شيخ المعارض
لانه هو يقدر سعر السيارة قبل الحادث بكم .. وبعد الحادث بكم ..
لإنه ممكن يكون تقديرة ان السيارة تالفة أو جاها شي يطيح قيمتها كلياً
مثلاً ضربة بالشاسية .. او .. القير ....
والقطع تقييمها من الشركة .... وتكلفة الاصلاح يا يقدرها شيخ المعارض او يقولك قدرها في ثلاث ورش ..

خذ التقارير ووديها للمرور .. وهم يعمموا على الطرف الثاني ...
وتمشي الاجراءات ..

والله يسهلك ويعوضك

الله يعوض عليك خير وحسبنا الله على المتسبب

كويس الي عادك عايش والله انه واحد قدام ايكيا صدم مراه اثنين من عيالها الام وابنها توفوا على الفور والابن الاصغر نجى بقدرة الله سبحان ولم يقلى لرجال اثر .
لكن الله يحيط به اين ماكان ويا قاتل الناس انت مقتول .

ردد ياليل مطولك هههههههههههههههه صالح سيارتك وريح راسك بلاشكوى بلا كلام فاضي هههههههههههههه

بالعكس اذا معك رقمه يجيبونه او يوقفون خدماته كلها لين يجي طبعا الي السياره باسمه بس اذا مسروقه ومعلن عنها قبل صدمك عندها اطلب العوض من الله سبحانه وتعالى
او اذا شفتها تابعها وكلم الشرطه يرسلون لك دوريه على طول بالعكس مايروح ابد

طيب على حسب نوع الحادث بعدين انت ماذكرت وش نوع الحادث الي صارلك وش نوع السيارة حطيت موضوع ورحت

نوع السيارات سيدان المرور يقولون غرامة 2000 ريال وسجن خمسة ايام ويصلح سيارتي
عندي لوحتة بيجيبونة ولا توقف خدماتة بكرة براجعهم تو جاي من شيخ المعارض

أخي الكريم
الحمد لله على السلامة
أعتقد يحولونك لشيخ المعارض لما يكون موديل سيارتك قبل 2005

لاتدعي على الناس هذا اسمه عيب

حلو والله وهو يصقعني ويهرب مو عيب فية ناس لو تسكت احسن

وش نوع السيارات سيدان .؟؟ اول مره اسمع في سيارة اسمها سيدان يعني كامري مثلاُ !!ثانياً ماذكرت نوع الحادث قوي والاخفيف وثالثاً اتوقع ان المرور راح يطلب اثبات ان راعي السيارة صدامك لانه ممكن واحد مسوي نفسه ذكي ويصقع بسيارته الجدار وبعدين يشوفله اي سياره مليانه الشارع ويقول هذا صدمني وهرب صح .؟؟؟؟؟؟

انا قبل شهرين صدمني واحد وهرب ولحقته وتهجم علي ورحت شكيت عليه بالمرور والشرطه وعندي اسمه وليومك ذا ماصار شي

النظام عندنا خيقي بيقي والدليل على كثر هالتفاتيش من المرور والشرطة ما مسكوه؟؟؟؟؟

خلاص ابشر اجيب شهود واثنين مزكين لما يجيك يوم وتعاني مثلي تذكر ردودك بعدي انا مو مجبور اذكر انواع السيارات قدام العام هذا مو مصرح من المرور عرفت يا شاطر

انا ولله الحمد صدم فلبيني يعمل بشركة سيارة السواق والاهل معه مقابل سابك ونزل شاف السيارة وعلى طول ركب ودعس ولا همه احد
الحمد لله كنت منبه السواق بعد حادث بسيط سابق ان ياخذ رقم اللوحه اول شئ
بعد ماجاء المرور وخذنا التقرير والشغلات الثانيه رحت من بكرا اراجعهم وعرفت السيارة والمالك له الشركة ، اتصلت بالشركة وكلمت المدير طلع الرجال قايل لهم انه صادم بصبه وجالس يتبكبك عليهم المهم قالوا ابشر باللي تبي ومن الكلام الحلو رحنا للمرور والفلبيني معهم ولا صار اي توقيف ولا كان الموضوع هروب
طلع الرجال بعد ماطلبوا مني اروح اجيب تقدير للسيارة
جبت التقدير وجينا يوم ثاني ولا سجنوه ولا حاجه
استلمت الدراهم وطلعوا ولا احد قال لهم شئ

لو كان في الامارات مثلاً اتوقع اقل حاجه ابعاد من البلاد
الانظمة موجودة لكن لماذا لا تطبق ؟

صاحب الرد رقم 10 و 15 الله يشفيك في احد يصدم سيارتة ويكلم الحكومة هذا اسمة ازعاج سلطات وفيها سحن لا تتفلسف وخلك ساكت واذا زرت الطايف انصحك تمر شهار

(تم الحذف بواسطة الإدارة)