جميع الحقوق محفوظة ©
السلام عليكم
انا ساكن في بيت وجاري صاحب البيت
له فترة مطفشني ومحترمه انه اكبر مني
كل ما انزل من البيت احصله تحت عند الباب ويسألني .. عندك دوام الحين ؟
ولما يشوفني انزل بالليل يسألني .. دوامك كمان في الليل ؟
وكل شوي يسألني .. وين شغال ؟
ومرة وقفت عند البيت بالسيارة .. يسألني كم سعر السيارة ؟ اقساط ولا كاش وكيف عزمها معاك ؟
وكل ما انزل اشوفه يطالع فيني
اليوم خربها مرررة .. نازل ومعايا كيس قمامة ... ههههههه يقلي دايما تنزل ومعاك اكياس .. فتحت الكيس قلت له قمامة شف
المهم انا مطوووووول بالي وموسع صدري للحين
تتوقعون ايش يبا مني ؟
بدا يسويلي قلق وما ابغا اخربها معاه
ابي المشورة العاقلة ايش اسوي معاه ذا القلق
حط له غراء فئران واذا مانفع بخ المكان بمواد قويه قله عشان الثعابين والحشرات تبعد عن العماره واذا مانفع قدامك حلين اما تطلبه فلوس وهو بيهرب ولا سلفه فلوس وبكذا بيحاول يتهرب عشان مايسددواذامانفع انقل شقه ثانيه.
ههههههههه
هههههههههه
اطلبه انك ممكن ماتقدر تدفع هذا الشهر ولا 6 الشهور .
اخوي اتوقع والعلم عند الله ان جارك متقاعد
فلا تلوم الرجال فاضي ويبي يسولف ..
خاصة كبار السن .. تلاقيهم يدورون اي شغله اهم شي يسولف مع احد
الفاضي يعمل قاضي
ممكن يحس بوحدة ...
شوف وين كان شغال .
طيب يبي يسولف معك انت وش مشكلتك ما تحب السواليف ؟
سولف معه واشبع فضوله
والا اطلب منه سلف وكل ما شفته قل له هاه وش صار عندك تعطيني صدقني بينحاش
شور عليه يتزوج الثانية وأنت تفتك منه
احسن اليه وعامله معامله حسنه والايام كفيله في تغير تصرفاته
ولاتحاول تتكلم كثير وحسسه انك مشغول
واهم شي تحصن منه لان بعضهم الحسد معمي قلبه
كل ماشفتة أنشب لة قل نزلي من الاجار انت اجارك غالي ياخي دوري سلف طفشة وشرط ينحاش
وقل شغال في المباحث والاستخبارات
اهلا
كان عندنا جار ( الله يرحمه ) من نفس النوع
كل ما شافنا يحقق معانا وين رايحين و من وين جايين
ادكر مره واحنا جايين من المزرعه واول ما وصلنا البيت راح لصندوق السيارة وفتح الغطا حتى يشوف ويش الخضره الا عندنا
ولكنه طيب واحنا ماخدينه على قد نيته
النصيحةانك ماتسكن بيت يسكن فيه صاحبه لكن يوم انك ابتليت اصبراحمدربك فيه ناس سكنواعند عجيزوكلماطلع الزوج رقت العجيزتتفقد وش غيروا وش خربواواللي يقطع عنهم الموية كلماتاخرواعن التسديد
الرسول صلى الله عليه وسلم وصى على سابع جار
انا بقول لك ايش تسوي
مثل مايسوي فيك سو فيه
اعزمه او كل ماشفته اقلب الوضع تحقيق معاه وين كنت وايش كنت تشتغل وليه تركت الشغل او تقاعدت واقلب الوضع طقطقه لحد مايطفش منك
مشكورين على ردودكم الجميلة
هو فعلا متقاعد وفاضي ...
بس شكلي بزعجه بانزال الايجار خليه ينحاش مني كل مايشوف خيالي
اتوقع انه قارش عليك ,, او الرجال زهقان ويبي يطقطق
سلم عليه ولا تكثر معه الكلام وبين له انك مشغول
انا اقلك
قله والله عندنا فلان جيب اسم من راسك مريض
وفلان بعمرك فيه مرض ال ....
وفلان كان جاري ومات
وفلان الي مخاويني بيحتظر
وفلان وفلان وفلان كلهم مرضان وبنفس عمرك
بينحاش مافيها كلام
للأسف هذا واقعنا المرير ..
انا توقعت انه متقاعد .. لإنه حنا كذا .. ما يوصل الشخص لسن التقاعد الإ وقد تبهذل .. وتبدأ حياته الجديدة المملة .. واللي الناس ماتحبه فيها ولا يجلسون معه ويملون منه ..
في امريكا او بقية دول العالم
الرجال اذا تقاعد .. تبدأ حياته الممتعه الشيقة ..
ويكون في فترات عمله جالس يخطط لمرحلة التقاعد ... ايش يسوي فيها
منهم من يشتري بوت ويبدأ في جدولة رحلة في البحر حول عدة مدن تستغرق سنة او اثنين
ومنهم من يتعلم هواية .. ومنهم من يحجز تذاكر طيران ويسافر حول العالم ...
ومنهم من يقضيها رحلات مقناص وغابات وإستكشافات ...
عندنا للأسف مرده وحده من ثلاث
يا كداد .. يا في محل عقار .. يا جار ملقوف ... !!
