تويوتا سحبت السيارة ورفضت إعطاء الإثبات

السلام عليكم ورحمة اللة وبركاته


سحبت سيارة أخوي من قبل شركة تويوتا

وكان فيها اثباتة وبطاقة عسكرية

وبدلة عسكرية

ورخصة سواقة

وعند مراجعة الفرع قام المصري يماطل ويتعذر ويطلب باقي المبلغ أو التوقيع علا التنازل ومطالبة باقي المبلغ


وقمت بمراجعة مركز الشرطة للأسف حيث قال العسكري ( ليش ما تعطيهم حقهم ومن هاذا الكلام ،، ورفض يكتب شكوي

فقررت الأسبوع القادم أن اذهب الي وزارة الداخلية لتقديم شكوي رسمية

مدري احد صار معة موقف زي كذا

الي أعرفة أن ممنوع بأي سبب رهن البطاقة بأمر من الداخلية

مدري وش أسوي

والمشكلة يحاول الأخ الاستفزاز بالكلام البذي

لخلق مشكلة

مصري معروف عنة الاستفزاز وأنا ماسك نفسي أقول لة طيب ممنوع رهن البطاقة في الدولة يقول سدد اول وأنا أجيبها

أو روح اشتكي مش حتقدر تأخذ حقك هنا الي لما تسدد

تويوتا سحبت السيارة ورفضت إعطاء الإثبات
عندك أي منتج؟
الكل: 25
عضو قديم رقم 329313
قبل 10 سنوات و11 شهر
1

سدد وفتك ياخوووي

عضو قديم رقم 329313
قبل 10 سنوات و11 شهر
2

سدد::: لوتسلف صارت مع وبغويبيعون السياره والحمدالله لحقت عليها وسددت ونتضمت والحمدلله خلصت منهم ::::

روح وأشتك ع الشرطة وقول بالسيارة جهازين آيفون بالدرج ....وصدقني يرجعون بطاقاتك على طول ...أما الكلاب يجبرونك تسدد بالطريقة ذي ... ممنوع هذي مساس بالدولة

شوف إذا جيت تشتكي أطلب الظابط وإذا ماتجاوب معاك روح للمديرية يسحبون به البلاط ... ما يحتاج تروح الوزارة

نعم مثل ما قل الاخ هددهم بأن السياره فيها اشياء ثمينه وهم المسئولين عنها .

للاسف عندنا عشان تأخذ حقك ما لك الا طريقتين تطول لسانك او واسطه

أخوك الحين طالب ولا مطلوب

مع إحترامي لك ولاخوك انتو الغالطانين


ليش ما عطيت الناس حقهم . . وإذا ما تقدر المفروض تتواصل معاهم وتحاول إعادة جدولة الققسط أو تأخيرة

لأن تطنيشك هوه اللي خلاهم يتصرفون معاك كذا

عضو قديم رقم 311024
قبل 10 سنوات و11 شهر
7

معقوله هلاشي يصير ببلدنا بلد الاسلام يعني شركه تتصرف من نفسها كذا ولاكان في حكومه ولاشي بعد الله يهدي اخوك هذا في احد يخلي اثباتاته بالسيارة والبدله كمان شكله من الحرس الوطني الرتبة جندي ومطلع كامري 2013 بس ماشوف ان من حقهم انهم كمان يستحوذون على الموجودات الي بالسيارة خالص الشغلة بسيطه ياخذون سيارتهم ويرجعون الاشياء الخاصه

للاسف في عقد تويوتا انك تخلي مسؤوليتك من اي شيء ثمين داخل السياره
والي وقع العقد ,, اكيد ماقراء هالشيء
ان الشركه تنبه على عدم ترك اي شيء ثمين داخلها

واذا بغيت تشتكي مالك الا وزارة التجارة

وانا لي عندك راي
قول للمصري ,, ان كل الاثباتات والاوراق بالسياره
كيف تسحب الفلوس وتجيبها ,,
مالك الا تاخذ بوكك والبدله علشان تعطيهم فلوسهم ,,
وصدقني لو تتركها عندهم ,, بيبهذلونك بالاتصالات تعال وخوذها لو تدفع قسط

عارفهم وعارف نظامهم
واذا كان الاقساط ثلاثه بالضبط ,, حاول تقول لهم بسددكم واحد ,, والباقي بالشهر الجاي

لا توصل ابدا ثلاث شهور مع تويوتا ,,

بلغ انها مسروقه

عضو قديم رقم 332349
قبل 10 سنوات و11 شهر
10

اخوي العسكري عليه خطاء ليه ما قدم شكوى ... تقدر ترفع عليه قضيه .. الشيء الثاني الاثباتات . الشركه مالهم حق الا بالسيارة فقط " مالهم شغل بالاغراض نهائي . وأنت ارفع شكوى على الشركه وعلى المتسبب اذا كان المصري . بالاخير اذا كان موضوعك قسم الروضه . كلمني خاص .

شف ياغالي

اطلع بجوار الفرع واتصل على الدوريات وقلهم فيه مصري يتطاول علي وخلهم يرسلون لك دورية ويثبت الواقعة بمحضر رسمي ان الاثباتات عندهم واحتمال الدورية تشيل المصري لو قال السيارة عندهم لانه المفروض السيارة ما تسحب الا بعد ان يتم التعميم عليها من قبل الشرطة حسب توجيهات وزارة الداخلية

اوكيه كل الكلام صحيح رح عندهم وسوي فلم لا تروح الي وانت ماخذ اغراظك صارت معي وسويتلهم مشكله وللمعلوميه كل السيارات المنتهي باالتمليك فيها شريحة تحديد موقع السياره الله لا يوفقهم

الي يركب تويوتا يشوف العجب

إخواني شكرا علا الردود

قلت لهم بسدد كم بس عطوني اثبات وبطاقة الأحوال

قال المصري جيب كفيل او شيك

لو خذيت إثباتك مش حتسدد

نوع من الاستفزاز محتفظ جداً ومبسوط علا رهن
البطاقة

قلت خلاص بيني وبينك وزارة الداخلية

والأغراض بترجع ونشوف

قال كلكم بتقولو كذا وبلا خير ترجع تسدد

إخواني استفزازي لأبعد الحدود

بس أنا عارف أنة يبي مشكلة او ظربة علشان

يشتكي ويأخذ فلوس

قالي زميلي أنتبة تفقد أعصابك
وتهور تراهم مرسلين مصري علشان كذا

اخي حسب النظام لا يحق لهم اخذ السياره او سحبها دون علمك واذا حصل ذلك فلك حق الادعاء عليهم لانه هناك قنوات اخرى لمطالبتك بما لهم عليك غير سحب السياره والخطاء الاخر منهم عدم اعطاءك اوراقك الثبوتيه .

بالقانون اذا انت متاخر عليهم بالاقساط اكثر من ثلاث اشهر يحق لهم سحب السياره وانت موقع على كذا واذا شهر او شهرين يحق لك تطالب فيها بموجب العقد وخصم الايام التى بقيت عندهم من الاقساط بااعتبار انك مستاجرها باليوميه واقرا العقد زين وانت تعرف وش لك وش عليك ....ولاكن نصيحه تويوتا دارسيناها صح ولا يخالفون العقد ويحجونك بالنظام

صحيح اخ ريال

متاخر بالعقد ويحق لهم وانا مطالبهم بالسيارة اطالب فقط باثباتي

عطوني اثباتي وروحوا اشتكو وطالبوا لين تشبعون

اما تساومني علا اثباتي وتقول اول سدد واعطيك اثباتك هاذا خطاء

بقرار من وزارة الداخلية (ممنوع رهن بطاقة الاحوال )

هاذا من وزارة الداخلية مو من تويوتا

انا اطلب اثباتي فقط

اليوم رحت لهم بعد قال

بنقيم السيارة ونسوي عقد جديد بالمبلغ المتبقي والمتاخر
وجب شيكات وكفيل

قلت حقك

بس عطني اثباتي وسو الي تبية

قال لا وقع علا العقد وبعدين نعطيك

السالفة ياخوان استفزاز ومساومة ولا يوجد رادع قلت لة بشتكي قال روح اشتك

يعني نايم في العسل والدليل يقول كلكم بتقولو كذا

لو قرأنا عقد التقسيط بدقة لوجدنا فيه استغلال وغبن شديد من قبل الشركة.. الله يكون بعون اللي ما معه كاش

أضف رداً جديداً..