توظفت ولله الحمد ولاكن ماني مرتاح أبداا

يالله ذكرتني بأيام زمان كنت مثلك أقول أبي أكمل جامعة خلاص ...
العسكرية مو سيئة لذيك الدرجة بالعكس من أسهل الوظائف ...
أنا دخلتها وكونت حياتي فيها وخرجت منها بعد تقريبا 20 سنة ...
أقول لك أسوأ شيء فيها هو من فيها تلاقي المدمن والكذاب والجبان أما العمل من أفضل ما يكون ...
أحسن شيء حاول تستقل ولا تحتك بأحد كثير .
أنا عشرين سنة فيها وخرجت منها لكن للحين مو متخيلها ولا فكرت بيوم أنها اختلفت حياتي .
بالعكس عايش عادي مثل أي إنسان أسافر برا وأروح وأجي .

السلام عليكم ورحمة الله وبركاته
اخي العسكرية وظيفة حالها حال باقي الوظائف وبما انها وظيفة حكومية فتعتبر مضمونة اكثر من اي قطاع اخر.
وللعلم تقاعدت السنة الماضية بعد خدمة 31سنة وبالنسبة للدراسة على العكس فيه نظام يجيز لك الالتحاق وتكملة الجامعة بنظام الانتساب الذي اصبح التعليم عن بعد.
وكما ذكر الأخ الذي رد قبل ولكن كأي مكان اخر يوجد الطيب والبطال وفي الواقع الطيبين اكثر بل وتعرفت على العديد من الزملاء الذين كانت ولا تزال لهم مكانة
وفيه شي اخر نحن في حال المرابطة والمهمات والمناوبات نكون ممن ذكرهم الرسول صلى الله عليه وسلم
في الحديث. عين بكت من خشية الله وعين باتت تحرس في سبيل الله.
اترك عنك المحبطين وتوكل على الله.
اي استفسارات اخرى.

احمد ربك ونفسيه لازم منه كلنا مرينا فيه السنين تمشي انا للي 15 سنه كانه سنه الحمد الله لك يارب

تدبر كتاب الله، وسترتاح نفسك.

شف يالغالي اذا انت موظف مدني توك في بداية حياتك العادة الانسان في بداية حياته العمليه يكون نشيط ويعطي عطاء كبير اما انت فالعكس والله اعلم انت من النوع اللي يحب العمل الخاص اقصد ان تعمل لحسابك لذلك من الان رتب حالك في مشروع صغير وطقطق ومن اول فرصه تشوف النجاح انحش نحشة البدو واضح يالغالي ان مالك بالدوامات الدوام يبي له ناس عندهم صبر ايوب يمكنك من امثالي

والله ماتنلام يالغالي والله يلوم الي يلومك من جد هالعسكريه يبي لها صبر ايوب وتنسى كرامتك ووقتك وصحتك ونفسيتك لان الي يميزها فقط انها حكوميه وراتبها ستة الاف ريال وغثاء صراحة لكن تصبر عليها دام ماعندك خيارات ثانية ولاوظائف بالقطره فاصبر عليها ممكن تتحسن ضروفك بعد 10 سنوات والله العالم

اذا باقي ما تخرجت فانا معك ان التدريب الشاق والاهانه النفسيه سمة العسكريه .. ولكن بعد التخرج شئ ثاني بترتاح وتذكر كلامي بس من الحين دبر لك واسطه علشان تتعين في مكان مضبوط ..

كيف مافيها دراسة كل العالم تدرس حاليا وفيها تعميم انك تاخذ اجازة رسمية وتقدم خطاب مرفق جدولك الدراسي ..
والامور زينة والعسكر اغلبهم حاليا انتساب بجامعه بجامعه الامام وفيصل واعرف وكيل رقيب معه ماجستير,,

شكرآآ لكم جميعآ
وشكرآ على
نصائحكم جميله
حاليا أفكر بمشروع يفكني منها وبإذن الله أجده في أقرب وقت
والله يعين عليها
وفعلا سألت بعد ما داومت عن الدراسه قالوا خل ملفك يجي ويسير خير

انا باقيلي 16 سنه على التقاعد المبكر الله يقضيها على خير .. نصيحتي .. لا تسلف اي عسكري اي مبلغ واقترح عليك انك تفك حساب في بنك ماهو منتشر بين العسكر عشان تتجنب الاحراج

الله يعين الجميع

وبالنسبه للسلف نصيحتك ع العين والراس
شكرآ لك