تفكيرك يعجبني

اثبت فشله ؟؟؟

اتق الله

رمضان على الأبواب , والشيخ قائم بشعيرة عظيمة .

الشيخ يريد أن لا يجعل لأعداء الهيئة مآخذ كما كان في السالف ,,

عموما الكلام سهل في النت , والله يحاسب الجميع ,,

صدقت في كلامك عن ضبابية عملها ولابد من تحديد مهامها وتوضيحها

لكن هذا لا يعني سحب كامل الصلاحيات وتصير شكل كما يسعون له الان ... منظر

اخوي الكريم الكلام ماهو سهل اعرف الهيئه بأغلب مدرائها السعيد .. الغيث .. الكهنل .. الحمين

بل راجع الذين عملو في الهيئه كلهم لهم باع في الهيئه والمحاكم والتدريس العلمي للففه

إلا ال الشيخ لا يمتلك اي خبره عن الهيئه ولاعنده اي خلفيه عن ادارتها ولا طريقتها

بل راجع وظايفة السابقه وستتعجب من وضعه في هذا المنصب ...

وارجع واقول لك ... راجع سبب اعفاء الحمين والذي يثني عليه الكل ... وتم اعفائه

صدقني ما تكلمت من عبث بس الرجل حتى كسر النظام ولم يجعل مندوب من الهيئه يشارك في التحقيقه لقلة خبرته في هذه الامور ... وعلى العكس قال سأحاسب من اخطأ

طيب ياعمي لو عندك ادنى ذرة حس مسولية كان عرفت ان جمس الهيئة ليس من قام بدور المطارده حسب التقرير الاخير انا اقول هالكلام وانا من عامة الناس كيف بواحد رئيس للجهاز هذا وعلى منصب معالي .. ونايم في العسل وفقط يطبل في الجريدة عشان يتقي شر الانتقادات !!!!

رجل كشخصه محترم ... لكن وضع في منصب غير مناسب له

abolimonh1الأخ الفاضل

كلامك متناقض جدا

رؤساء الهيئة السابقين مع كامل الإحترام لهم لم يغيروا شيئا في طريقة عمل الهيئة

بل في عهد بعضهم وجد رؤساء هيئات زاحفين كما حصل في مكة المكرمة

وغيرها كثير من المشاكل التي تسبب بها بعض المتطوعين معهم وتحملها الجهاز ,,

ال الشيخ وفقه الله أثبت أنه ينطلق من مبدأ شرعي أصيل

وأثبت أن قراراته تمنع نقمت المسئول والمواطن على جهازه

لا تقول ما أرسل مندوب

شوف التحقيقات كيف جرت وانتهت لصالحه ,,,

عموما الجهاز يحتاج الكثير من الصبر حتى يسير بعفوية بين الناس يفيد ويقتنع به بعض الناس

والأهم من ذلك هو أن نكون كما يريد الله عزوجل ما استطعنا إلى ذلك سبيلا

وشكرا على المشاركة الطيبة

اخوي انور ... الرئيس الزاحف اعفي من قبل الرئيس العام .. وجاء امر ملكي بإعادته لو تتذكر هالكلام ... عشان تعرف وش اقصد يوم قلت السالفه سياسيه بحته
وهذا مجرد مثال ان نظرتك سطحيه فقط

واكاد اجزم انك ما تعرف اسماء ولا منصاب ولا حتى شهادات السابقين للشيخ عبد اللطيف


لاحظ انك طمرت ملاحظاتي عليه وجاوبت كلام عام .... ليش اعفي الحمين ... ليش وضع ال شيخ وهو ما يملك ادنى فكره عن ادارة جهاز مثل هذا الجهاز بل هو اصلا ما استلم ادارة فرع ولا ادارة اي شي في حياته المهنيه

فجأه تصير مدير عام !! من السماء

كلامي غير متناقض والرؤساء السابقين وضعو ضوابط كثيره لكن ما كان في اعلام زي الحين كل دقيقه والثانيه يقدر ينزل بيان زي ال الشيخ

ثم ال الشيخ مدعوم في سياسته عشان كذا ماخذ راحته بيانات يمين يسار

الي قبله كانو مكتفين اكثر

اتمنى انك تنظر للموضوع بعين شاملة ...

للعلم كون التحقيق طلع صالحه هذا ما يعفيه انه ارتكب حماقه يوم سحب المندوب وخالف النظام واسقط حق موظفينه والدفاع عنهم

من واجبه الحرص على موظفينه


انا لو كنت اشتغل في الهيئه .. وميديري كذا استقيل من ثاني يوم لما يكون الناس يتصيدون الغلطات ومديري جلاد علي ....

طبقو النظام لكن ماهو بالاسلوب هذا

واتمنى تعطيني رأيك في موقفه من بنت المناكير .. لما قال عادي خلوها تسوي الي تبي !! انصحها وبس

اخص على الرجال ... اجل موقف الهيئه صار انصحها وبس !!!!!! ولا حمل الخطأ رجل الهيئه

اشكر لك مناقشتك لي ... لعل وعسى نبين لبعض بعض النقاط الي يغفل عنها الطرف الثاني

واقولك ظلمت الروئساء السابقين للهيئه ظلم مبين .. يوم قلت انهم ما سوو شي ... لكن لا تنسا سابقا الامور كانت مختلفه واضرب لك مثال

الحكومة اول من دعم مجاهدين افغانستان والحكومة الحين اول من دعس عليهم وقاتلهم لان الاوضاع تغيرت

الحكومة اول من دعم المشايخ بكل مكان والحين الاحمد .. خالد الراشد ..ألخ مساجين


الدنيا تغيرت


في كل الاحوال اتمنى فقط منك انك تراجع موقف وزارة الداخليه يوم طلبت من الهيئه التدخل في موضوع مظاهرات حريم المساجين .... اسأل عن الموضوع ولعل وعسى انك تفهم مقصدي في بعض الامور .... الدعوة سياسه وبعض السياسين الان يلعبون البيدق ويضربون بعض

اقرب مثال الشيخ العبيكان ... الشيخ المدلل .. والحين الشيخ المنبوذ

جرايد تغني وتمدح فيه من اول .... والحين الخاين الفاسق ...

الله يهديك واضح إنك متحاااامل عليه

ولا اعلم السبب الرئيسي الذي يدفعك لكل هذا التحامل

مرة تقول ما أرسل مندوب ومرة تقول سحب المندوب

يا اخي لو بقي المندوب لقلت مندوب ما يفهم ؟؟

بالنسبة لوقحة المناكير , مهو انت الذي تعلم الرئيس النظام

لا تقول لي أدلة وشرع عندي مهو عنده

نظام الهيئة لم يوضع إلا بأدلة واجتهاد وقياس وغيرها

موقفه واضح جدا وهو عدم التعرض لقليلات الأدب بالجدال , وأنصحك بمثل ما نصح به الاعضاء

إذا شفت حرمة ما تستحي لا تراطن معها تراها فاسخة وواضح من فعلها أنها ماكرة ,,

ولكنه في المقابل رفع عليها دعوة واستجلب وليها بالرقم ,,

إذا الموضوع الأحمد وغيره فالشغلة عندك كبيرة وما سبق فقط تنفيسة منك

هداك الله

نصيحة لك كن مع ولاة امرك ومع العلماء الكبار واترك من يريد الفتنة بزعم أننا كفار ومتحالفين مع كفار وأن سجوننا مليئة بالمظلومين وهم في الأصل مكفراتية ونساء إرهابيات ,,

الحين ظهر واضح من الذي لا يعجبه آل الشيخ

شكرا لك على الوضوح ,,

معليش اخوي انور انت تقول اني متحامل على الرجال .. وانا ما ذميت الرجال بشكل كامل .. بالعكس ماحد يقدر يذمه بشكل كامل

لكن هو ما يصلح للمنصب هذا

بعدين لو تلاحظ ردك انت ماخذ سياسة رأئيك انت الصح وبس ... عادي تقبل رأي الغير

ثانيا موضوع بنت المناكير اذا انت تشوف ان الوحده تقل ادبها وتسوي الي تبي والهيئه تتفرج اجل وشوله الهيئه موجوده ؟

اذا انت تشوف ان هذا الصح وان الفلتانه تسوي الي تبي ... فأقولك ان الرسول عليه الصلاة " من رأى منكم منكراً فليغيره بيده "

لا آل الشيخ ولا غيره يقول ... انت منبع ايمانك كتاب الله وسنة رسولة والدولة ما قصرت وحطت جهاز خاص بالشعيره هذي عشان ما تكون الدنيا فوضى لكن انك تقول خليها سبهلله تسوي الي تبيه وحنا نتفرج هذا امر خاص فيك ... وما اظن احد سليم دينة يرضاه

مسألة المندوب .. انت تشوف انه شي عادي لانك انسان عامي .. عشان كذا شي ما تفهم فيه عادي قول ما افهم ولا تكابر وتدافع عادي ياخي الكريم قول الرجال ما يملك خبره وتوهق وهذا الي صار

اجل جلس يطبل سأحاسب ويرسل خطاب لاهل المتوفي اني بحاسب واعاقب وفي الاخير اصلا دورية الهيئه مالها دخل ؟ بالله عليك واسألك بالله مو شي محرج ؟

لو كلف على نفسه اصلا واتصل على فرع الهيئه هناك وسألهم كان عطوه الجواب انهم ما طاردو ...

للعلم عشان ازيد ثقافتك ... قانون منع المطارده طلع قبل لا يجي ال الشيخ ... قانون منع المتعاونين جا قبل لا يجي ال الشيخ

ياليت تجاوبني وتقول بس وش النظام الي جابه ال الشيخ ؟ وليش اتهمت الي قبله والي واضح انك اصلا ما تعرفهم انهم ما وضعو قوانين ولا غيرو ؟


اخوي اتمنى منك الانصاف في الكلام وعدم المكابره


انا ما اقول الرجال كله غلط لا .... كلن لديه اخطاء ليست بالبسيطه لو كان عضو هيئه بقول موب مشكله لكن لما يكون الراس الكبيره مضيع السالفه ... عادي طبيعي اقول ما يصلح للمنصب هذا

اما مسألة كفار وما كفار انا ما جبت لا من قريب ولا من بعيد مسألة التكفير

وللعلم الشيخ يوسف الاحمد ما يرى التكفير ولا كفر لا من بعيد ولا من قريب

اما سجوننا مليئه بالمكفراتية ... اتق الله ياخي الكريم والله عندي ناس اعطيك ارقامهم عيالهم سجنو بدون ذنب فقط انهم شكو

هذا كلام ما يختلف عليه اثنين ان في كثير مسجونين بدون محاكمات ولا جرايم فقط من باب الحيطه والحذر


كون مالك احد يقرب لك مسجون ما يعطيك الحق انك تقول لا خلهم يخيسون في السجن وانت اصلا لا تعرفهم ولا تعرف قضاياهم

بأي حق تتكلم ودي افهم وتقول انهم يستحقون السجن ؟ ابي افهم انا بس كيف تحكم عليهم مكفراتية !! ياخي في الصحيح الي يستحق السجن وعليه تهم وفي الي ما عليه تهم

مليان صدقني ناس ما عليهم تهم


اخر الكلام بقولك اتمنى انك تمحص في كلامي زين وتقراه زين ولما تجي تدافع تدافع زين وعن حق موب بس من باب ان لحيته عجبتك .. وشكله زين وياولد كلامه زين شوي خلاص هذا الرجال الزين .... ودي احلف يار جال انك لا تعرفه ولا تعرف وش شهاداته ولا وش اشتغل ولا وشو من لحيه .. بس شفت لك بانين عجبوك قلت ابد هذا الصح


اما ان الهيئه ما بنيت على دين وعلى اجتهادات وفقه ... ياخي الكريم كل اسلامك مبني على الدين هذا والادله والاجتهادات الي مهيب عاجبتك ولا تبيها ... علمنا ان كان دينك غير ؟

ما أدري ايش أقولك اكثر مما قلت

لكن الصراحة كونك تعرف إنه قرارات قديمة + ينتقد أول ما فعلها وشدد + لا يشكر عندما تؤتي ثمارها = لازم ينفصل ههههههه

ثانيا موضوع المعتقلين

أنا مع الدولة وولاة أمري ومتأكد انه لا يقبض على مظلوم وإلا من شبهة قوية ويعوض إن كان بريئا

ولأجل أنك فتحت الموضوع ابتداءا أريد منك التعليق على كلام هذين الشيخين

الأول : سعيد بن زعير هداه الله ظل في السجن فترات بسبب تأييده للمكفرين بل هو منهم
والناس كلها تقول مظلوم بل حتى شيوخ مشاهير تباكوا عليه
ليظهر لنا أنه يؤيد قتل العسكر بدعوى أنهم متاريس للعدو الذي يجب اخراجه من جزيرة العرب
http://www.youtube.com/watch?v=pwDvZYQBoVY
وللعلم خرج بعد ان نفى عن نفسه التهم أمام القاضي , وقبل منه لأنه اخذ فترته وما يستحقه , وإن عاد عدنا ,,
الثاني يوسف الأحمد ظل يتهم الدولة بانها تسجن المظلومين ويمدح المكفراتيه ويطالب بمطالبهم وهذا كلامه هو عين كلام القاعدة في اليمن
http://www.youtube.com/watch?v=1IHOgiroHwI

أسأل الله أن يهديهم لمذهب السلف الصالح ونبذ الخوارج

وأنصحك جدد صحبتك مع الله عز وجل

لا تغتر بأناس قد تحقر صلاتك إلى صلاتهم
وصيامك إلى صيامهم
وحماستك إلى حماستهم وفناءهم في غوايتهم التي تظهر لك أنها الدين وهي والله ضده

فما بهم إلا داء البدعة لم يترك منهم مفصلا إلا دخله ,,

اخي انور للتوضيح الشيخ يوسف الاحمد طالب بتطبيق النظام فقط على جميع المعتقلين

وانا معك قلباً وقالباً في ان الدولة لا توقف الا من كان صاحب جرم وتطرف

بل وكان مركز محمد بن نايف عنوان الصدق في ان الدولة ايدها الله بنصرة تريد الاصلاح الحقيقي

وحمل الناس على عقيدة اهل السنة والجماعة

لكن تشبيه الاحمد بباقي المعتقليين فيه نظر

مع ان الشيخ من اشد الناس تحريم للمظاهرات

ربما اخطأ في انكر المنكر لكن لا يوصف بانه يحرض على الدولة

الله يصلحك لا تعرف لا قرارات قديمة ولا جديده ولا تعرف منهم السابقين ولا وش سوو

ولا تعرف الشيخ عبد اللطيف ولا مناصبه ولا شهادته ولا تعرف ولا شي عن الاحداث ولا تعرف اسباب الاقالات ...

ياعزيزي انا مع الدولة ماني ضدها ولا جبت لا من قريب ولا من بعيد ان الدولة كافره او الدولة ماهي سوية بالعكس الحمد لله اكثر دولة مستمسكه بالدين على مافيها من اخطاء السعودية


سعيد بن زعير ما اعرفه ولا اعرف عنه شي ولكن لنتفق ان التكفيري لا انا ولا انت نبيه ولا نعترف فيه

لكن يوسف الاحمد عطني مشكلة في مطالبه ؟ طلب طلب عادي حاكمهم .. ولا تسجنهم بدون محاكمه مطلب عادي وصاحب المقطع اما ابله او غبي لما قارن بين حق القاعده الي قال اطلقو سراح الكل بدون محاكمه .. على عكس كلام الشيخ قال حاكموهم

ثم ياخي الكريم اي واحد مهوب معاكم خلاص ينسجن ؟ عادي الرجال عبر عن رايه والكل له حق التعبير

مافي شي غصب ... طالما الكلام بالعقل

اما عشانه يتكلم ينسجن ؟ ليه والشيخ في كل كلامه كان عقلاني صراحه وان كنت اختلف في بعض النقاط معاه منها الشده في الكلام وبعض الكلام ما يصلح ينقال علانيه وان كان صحيح

لكن الشيخ ماهو تكفيري ولا ارهابي واعرفه عز المعرفه ... انسان بسيط مرن


اختصار الكلام يا اخ انور الحقيقه يتبين لي انك غير ملم في كثير من الامور ولكن من النوع الي يحكم من الظاهر والي يشوفه في النت وخلاص ...

وتشوف ان كل تصرفات الحكومه صح ... وملائكه منزله وتهز الراس ... وانا عكسك اقول الحكومة فيها خير لكن ايضا في فساد ولابد من اجترار الفساد وابقاء الصالح

يتميز هذا الشيخ حفظة الله بالتواضع والانصاف وابعاد الظلم وعدم والتبلي على الناس بالباطل والانتصار لنفس لابعاد الادانة عنهم كما كان في العهود السابقة . يكفي شي واحد انه هو الوحيد ولم يفعلها رئيس جهاز من قبلة لم يتكل على المتحدث الرسمي كما كان في السابق بل هو المتحدث ولم يجلس على برج عاجي ويعرف مايدور في جهازه وهذا الرجل المناسب في المكان المناسب

ابو شقير ... ثق ثقه تامه الي قبله ما كان يسمح لهم بالتصريح اصلا ... والحمين كاد ان يصرح ... وطار من كرسيه

في ناس تبيك تصرح الي يبونه فقط ... سلسلة الاعفائات ياخوان الي صايره الحين ماهي عبث منها ناس تسوا ومنها ناس ما تسوا .... لكن هي تحريك بيادق لمصالح

29. بقلم: الشيخيaaz
بارك الله فيك , والله يصلح لنا امراءنا وعلماءنا ويكفينا شر الفتن ,,

30. بقلم: abolimonh1
لا يظهر لي أنك منصف , اعذرني

وبالنسبة للأحمد فالفديو واضح جدا , أضف إلى ذلك ان القضاء ادانه , وما أرجوه من محبيه أن يكونوا له أصدقاء صدوقين يرشدونه ولا يغررون به ,,

31. بقلم: ابوشقير
سلمت وبارك الله فيك .

32. بقلم: abolimonh1
يا أخي اسمح لي , إنت ذاك الشخص أبو بيالة إللي كل أسرار الرئاسة بالرياض عارفها ؟؟؟

الله يصلحك ,,

نبي كم وزير

الاول

السعاف
الثاني

العنقري
الثالث
التجاره

الرابع ا
المواصلات
الخامس
الصحه

وحنا بخير

أختلف معك ولك كل الإحترام والتقدير

والله يصلحنا ويصلحهم

مؤثرة: كلمة رئيس الهيئات (نعمة الأمن في بلاد الحرمين )


http://www.youtube.com/watch?v=SbrIOKLgL0E

قبل ان تسمع لكلمات صاحبك المؤثرة في أمثالك اقرأ للعلامة عبد المحسن العباد في اخر بيان له عن صاحبك وستعرف من هو وماذا يخطط

37. بقلم: أبوعمار
الله يهديك ويسلل سخيمة قلبك على المؤمنين وخاصة القائمين على شعيرة الأمر بالمعروف المجاهدين في سبيل الله

سلم منك الإخوان الفجرة أحباب الروافض ولم يسلم منك السلفيين وأخذت تبحث عن زلاتهم

وعند الله تجتمع الخصوم

اه فهمت يعني نستطيع ان نقول الله يهديك يا شيخ عبدالمحسن العباد البدر ويسلل سخيمة قلبك على المؤمنين وخاصة القائمين على شعيرة الأمر بالمعروف المجاهدين في سبيل الله

سلم منك الإخوان الفجرة أحباب الروافض ولم يسلم منك السلفيين وأخذت تبحث عن زلاتهم

وعند الله تجتمع الخصوم

اللهم أرنا الحق حقاً و ارزقنا اتباعه وارنا الباطل باطلا ً وارزقنا اجتنابه .

الله يكفينا شر الليبرالية و العلمانية و يكفينا شر الفتن ماظهر منا وما بطن