| جميع الحقوق محفوظة © |

تعليم مصطلحات تقلبك حجازي

منقول من البريد

الغرض فهم البيئة الحجازية بحلوها ومرها - مع إني حاولت أطش كثير من المر بس مافي فائدة -


نبدأ :

- أبو ؟لب -

ههههههههههههااااي .. وهادي الكلمة تنقال لما يكون في شي ما يعجبك ، يعني زي لما يكون جوالك قديم ومعدوم العافية تقول عليه جوال أبو ؟لب ، ولمن يكون قلمك ما بيكتب زي الأوادم ويقطع تقول قلم أبو ؟لب


- أشكل -


جات فترة انتشرت دي الكلمة بصورة كبيرة وهيا بشكل عام معناها الطناش ، فلمن تجي تبغى تطنش شي .. تقول أديه أشكل ، ومأخوذة من لعبة البلوت أو الورق للأخوان اللي ما يعرفوا معنى البلوت

- أطبعو -


ههههههههههههههاااي .. من الألفاظ المضحكة جداً وتنقال لمن الشخص ما يسمعك ويسأل إيش قلت ؟؟ وإنت مافيك تعيد الكلام تاني فتقولو أطبعو .. بلاهة وربي بلاهة

- الـ ـ ـ ـ -

انتشرت بشكل رهيب إضافة أل التعريف من باب المبالغة في الفترة الأخيرة .. زي مثلاً لمن تشوف واحد غشيم تقول مو بس غشيم .. الغشيم ههههههه .. << ماراح يفهمها إلا أهل الحجاز وبصراحة لأنها تتنطق بطريقة مميزة .. << أموت في الطرق المميزة ههههههههه

- انبراش -

نعرف إنو لمن تلعب كورة واحد يدخل عليك معناتها انبرش عليك .. لكن عند الشباب سار لها معنى تاني ، انبراشة سار معناها إنو دخلة غلط وسط الكلام ، يعني تكون إنت والشلة بتهرجوا في موضوع ويجي واحد يقول كلام مالو أي علاقة بالموضوع هنا نقول فلان انبرش .. وهادي تسير انبراشة .. ولا لمن يكون الكل ساكت ويجي واحد يقول كلام مالو اي داعي زي نكتة بايخة مثلاً هنا نقول على الحركة دي انبراشة

- بسط وهز وسط -

تخيلوا الفلم الهندي دا كلو عشان تجاوب على أحد يقولك كيف حالك
هههههههههههههههه أتحداكم تقولها عشرة مرات وبسرعة زي الصاروخ

- بلف -

هههههههههههههههههااااااااي ، من أضحك المصطلحات بصراحة ، طبعاً الشباب يعرفوا البلوف : معناه إنو شخص ينبلف يعني يسوي الشي بسرعة بدون تفكير ، مثلاً لو شاف صاحبو اشترى سيارة جديدة وعجبتو قوام يجيب وحدة من نفس النوع .. هنا نقول إنو بلف ينبلف بسرعة هههههههههههههه .. وكمان لما يكونوا اتنين بيتضاربوا ويجي واحد يحرش نقولوا لا تبلف يعني لا تحرش .. ولا لما يكون واحد يجري بالكورة ولساعو بعيد عن المرمى ويجي واحد يقولو شووووت يقوم يشوت كدا بسرعة دا نقول عليه انبلف ههههههههههههههااااااي .. أحس بعض الناس ما حتفهمها بس هوا معناها كدا وخلاص


- تغريز -

نعرف إنو التغريز للسيارة لمن تغرز في الرمل لكن بين الشباب المصطلح دا غير .. يعني لمن إنت تجي وتقول
هرجة صعبة أو سؤال صعب يقوم السامع ما يقدر يجاوب ويحتار
إيش باللهي الكلام الفاضي دا نجيبلك ونش أحسنلك هههههههههههههههااااااااااي

- حمزة -

هادا اللفظ اللي المفروض يتلغى من قاموس الشباب بتاتاً البتة .. لأنو على اسم صحابي جليل وحرام نهين الاسم بالصورة هادي
حمزة هادا اللفظ معروف حالياً بين مجتمع الشباب بالشخص الركاب يعني الكداب فلمن تلاقي أحد يبكش يقولولو بس يا حمزة
- جنط -

الكل يعرف جنوط السيارات طبعاً ، لكن اليومين دول سار برضو للجنط معنى تاني .. يعني لمن واحد يطفشك ويقرفك من كلامو يقولولك الشباب أعطيلو جنط يعني طناش ، وهادي ذكرناها فوق بمعنى أشكل
- دافور -

دافور معناها زمان في الحجاز الفرن ، ولكن دحين سار معناها البنت أو الولد الشاطر/ة في الدراسة نقول عنه/ا دافور/ة
اللي دايماً شغال ع الكتب ولا يسيبها زي ما يسموه المصارية عثة كتب
- دعس -

دي الكلمة تنقال للإقدام على الشي ، وتنفع مرادف لكلمة قدام .. يعني لمن مثلاً يجي أحد يقولك تجي نروح التحلية ؟ ترد عليه وتقول والله دعس يعني ياللا معاك .. ولا هيا شباب نلعب كورة .. يقولوا دعس

- زي الكرتون -

تنقال للواحد الأهبل

- شاكوش -

معناها الأصلي طبعاً المطرقة ، لكن دحين سار معناها البنت ولا الولد اللي مو حلو هههههههههه .. نقول عنو شاكوش

- شباب في رحلة -

وهيا مرادف لكلمة مشي حالك اللي أستخدمها كتير في كلامي .. فلمن تعمل شي وما يطلع مرة مزبوط تقول للي جنبك ياخي عادي شباب في رحلة ههههههههههههههه من فين جات هادي الله أعلم
ولا تسوي شي مو معتاد كدا وتحس إنو في أحد أستغرب فتقولو شباب في رحلة ياخي
- شوربة -

طبعاً كلنا نعرف الشوربة أحلى شي عندنا هنا شوربة الحب على الفطور يا سلام سلم
لكن هنا معناها غير .. فلمن إنتا تقول شوربة يعني شي سهل ، فلمن مثلاً يكون عندك اختبار ويكون سهل مرة تقول الاختبار كان شوربة وكدا
ولا مثلاً تكلم أحد وتقولو أنا أروح شوربة .. يعني أروح وطي هههههههههههههه
ولا تجي المدام تجيبلك الأكل تقوم تقولها حياتي من غيرك شوربة << كأنو إعلان
- صاروخ -

ههههههههههههه طبعاً نعرف الصواريخ .. ولكن هنا معناها شي تاني .. معناها البنت الحلوة فلمن الأولاد يشوفوا بنت حلوة يقولوا عنها صاروخ
- طقطقة -

ودي الكلمة تنقال لمن تبغى تتسلى في واحد ، يعني تستعبط عليه وهوا أهبل يكون مسكين على نياتو فالشباب لو كانوا متجمعين مثلاً يقولوا جا فلان نطقطق عليه ولا تلاقي واحد يجي يقول أمس طقطقنا على راس فلان وزي كدا

- في الألف ولا في المليون -

دي حلوه مره وهيا لمن تشوف شي يعجبك ويكون مميز مافي زيو يعني أو تعمل حركه مميزة أو شي زي كدا لنفرض مثلاً جوال عجبك تقول والله جوال في الألف أو تقول جوال في المليون
- ما عندك احد -

هههاي كلمه فله ولمن مايكون عندك هرجة وتنقال للشي اللي مو تمام
- نمرة واستمارة -
ودي تنقال عند التأكيد وغالباً في الغباء والهبالة زي مثلا تقول فلان أهبل بنمرة واستمارة

- كاااااي -

وهادي هيا ضحكة الشباب الجديدة ويضحكوها وقت التريقة والشماتة و لا دحين
سار الضحك تقول كاااااي بصوت عالي وتمد الألف

- هبقة -

هبقة زمان أعتقد كان معناها سرقة لكن دحين اتغير المعنى فلمن تقول مثلاً والله هبقت أنا والشباب ورحنا الكباين مثلاً فهبقة هنا معناها طلعة وليها معنى تاني بمعنى هروب زي لمن طالب يقول أمس هبقت من المدرسة يعني شردت منها أو تسوي حاجة غريبة على حركاتك انتا تقول ياعمي هبقة

- يعطيييييك -

دي الكلمة من الكلمات الجديدة وتنقال للتشجيع يعني لمن تلاقي أحد عامل حاجة رهيبة تقوله يعطيييييييييك بمد الياء التانية زي مثلاً يكون سجل قول ولا شي زي كدا

- أرنب .. ركبتي -

من الكلمات اللي تدل إني أنا بسمي بكشة قدامي ، فيعني قلك بيسوا إنهم محترمين ومايبغو يقولوا للي قدامهم إنو كداب يقوموا يقولولوا كدا يعني زي واحد قاعد يتكلم ويحكي وكل كلامو بكش يقوم واحد يقول للتاني يووواد شوف شوف أرانب

- يلعن أم الفله -
وهادي من الكلمات الي ماسكة في لساني ، لمن يكون في شباب وعجبتهم مره الطلعة ولا في أاولاد يبسطوا الواحد يقوموا يقولوا على الطلعة مثلاً يلعن أم الفله

- أمّووو -

يعني مثلاً مين فين لأمو حلو .. يابن الناس سيب أمو في حالها هيا إشلها صلاح

- فُكّنا -

يعني تكون مافيك و واصلة معاك على النهاية .. وأحد مطفشك تقولوا ياشيخ فُكّنا

- فُكّها -

هههههههههههاي هادي المرة هوا حيفكها ، لمن الواحد تكون أخلاقو زفت ومرة طين تقولو ياشيخ خلاص فُكّها

- قوية -

لمن يسير شي مو عاجبك ولا شي كدا مو زي الناس .. تقول قويييييييييييييييييية بشد الياء

- خرّييييش -

دي الكلمة لمن تكون جالس بين الشباب ويجيك واحد يجلس يكدب ويلفق في الحكاية ويملح فيها تقوم تقول خرّييييييش

- كووول -

وتنقال على أي شي يعجبهم .. وهادي حكتّر منها

- جييييّييييد -

بشد الياء .. لمن يعجبك الشي الكول تقول عليه جيييّيييد

- باااااد -

لمن تشوف شي مو حلو ولا ولد منظرو سيء تقول عليه بااااد .. بمد الألف
- هيّااا خيــــر -

كلمتي المعتادة .. لما يسير شي مفاجئ ولا يكون في حاجة غريبة كدا .. ولا بسوي نفسي مستغرب ولا بستهبل إني مو مستوعب فعلى طول هيّااا خيـــــــر

- كل فطير وطير -

يعني ياللا روح سرّي راحت عليك خلاص

- انشكاح -
ومعناها يعني لمن الواحد يسمع خبر حلو ولا عندو خرجة مرة خطيرة وفيها فله تلاقي طاير من الفرح ومين قدو .. تلاقيه منشكح .. فتقولوا بطل انشكاح

- لا تدف -

كلمة حلوة وتنقال لمن تكون بتتكلم ومتحمس في الهرجة ومتفاعل في كلامك وبتأشر بيدك كدا وتطلع فيها وتنزل .. فأقولك لا تدف .. ولا لو واحد معصب وبيهزئ في الكلام ولا كدا يقول يللا بسرعة سوي كدا دحين .. تقوم تقولو طيب لا تدف

- زرقنة -
هههههههههههههههههههه كلمة جييّييدة .. واحد مخو ناشف يعني لو تقعد تقولو وتشرحلو وتترجى وهوا مُصِر كدا يعني كدا .. فهادا يكون مزرقن بقوة

- قردنة -


هادي غالباً ما تنقال على الناس اللي مزرقنين ، مثلاً تبغى تخرج وأبوك مُصِر إنك اليوم معاقب مافي خروج ، على طول يقولك صاحبك ياشيخ روح قردنو ، يعني روح جيب راسو .. مو تجيب راسو يعني تروح تقتل الرجال وتجيب راسو ههههههههههههههه

لا لا يعني تجيب الموافقة ويقول طيب

- أخرشها -

يعني أصرفها .. ههههههههههههه كلمة في اللزيز .. عندك كدا كدبة ومنتا عارف تكدبها وخايف وعامل الولد اللي عمرو ما يكدب وإنت دحين في ورطة ولازم تكدب يقوم صاحبك يقولك ياشيخ خلاص أخرشها ولا أصرفها

ولا سويت مصيبة وتبغى نلف الموضوع فتبدأ تفكر كيف تخرشها ولا تصرفها

- نص كُم -

حركات النص كُم دي بطلوها .. تقعد تعملي إنك ولد كووول وفي النهاية إيش تبغى !! قول كدا من الأخير .. عندك شي تبغاه مصلحة تبغاها قول لكن لا تقعد تدّحلس عندي وتعمل حركات النص كُم

وسلامتكم

الردود
نقاشات مشابهة
الكل: 18
1.
عضو قديم رقم 165651
00:29:22 2010.06.06 [مكة]
الله يعطيك العافية كلفت على السيرفر
2.
02:06:55 2010.06.06 [مكة]
وانا اقووول وش معنى ياحمزة <====== ياما انقالت له
3.
عضو قديم رقم 250068
02:25:45 2010.06.06 [مكة]
من جد
4.
عضو قديم رقم 244308
02:26:07 2010.06.06 [مكة]
ربنا ماحبنا ولا كيف ههههههههه يالبى اهل جده ...يسلمووو خيووووو
5.
عضو قديم رقم 215395
06:26:29 2010.06.06 [مكة]
- كووول - وتنقال على أي شي يعجبهم .. وهادي حكتّر منها - باااااد - لمن تشوف شي مو حلو ولا ولد منظرو سيء تقول عليه بااااد .. بمد الألف اسمحلي اللي فوق دي مو على الكل اما الباقي ما اختلفنا فيه
6.
22:07:10 2010.06.06 [مكة]
والله جايك منبرش وشفت موضوعك دا واقول ايش الدافور اللي دبح المنتدى بمواضيعه عيني عليك بارده ياهوه بس موضوعك فله انا داري ان تقول روقنا ياحمزه <<< طيب خلاص لاتدف ههههههههههه تحياتي اخي الحبيب انور
7.
23:34:33 2010.06.06 [مكة]
مرحبا بجميع الإخوة ونورتم الموضوع الفزاع شكلي في النهاية بقشر الطلي بدل ما أسلخه ههههههههه
8.
عضو قديم رقم 3037
00:23:42 2010.06.07 [مكة]
بعد اذن الاخ اللي كتب الموضوع المزه : يعني الحبيبه وهو وصف ينطق على اي بنت حلوه يعني لو شافوا بنات حلوات يقولوا مزز شقلب : اقلب وجهك وفي روايه ضف وجهك اديلوووهـ : يعني لا تسيبه انشب في حلقه وفي وقت البلاي ستيشن يكثر استخدامها لاجل الحماسه والاستهزاء بالشخص المهزوم بس ياليل : تقال للتعجب عند الانصدام من موضوع معين او حدوث مشكله كيف يجي : هذي تفسيرها حسب موقعها في الموضوع مره تنقال ( للراشدين فقط ) ومره تنقال عند شحذ الهمم لطلعه او لعب كوره او خرجه طبقتهم : كفشتهم او كشفت امرهم احا ياواد : اقوى اداة استغراب وتعجب وعدم تصديق سريلك : ضف وجهك باختصااار واسف على المداخله
9.
09:56:24 2010.06.07 [مكة]
صراحه رهيييب والظاهر انك ولد مكه او جده .... ههههههههه مابقيت شي
10.
عضو قديم رقم 215395
14:36:43 2010.06.07 [مكة]
ملاحظة على الرد رقم 9 اهل مكة اكثر ماهو مكتوب ليس من كلامهم هذا كلام مؤلف من الشباب
11.
14:47:12 2010.06.07 [مكة]
بودعك البيت بيتك وشرفت الموضوع kayla شكله وعلى قولتهم - شمس تطلع خبر يبان - alqurashi نعم صادق هذا كلام الحبرتية وبعض الشباب أما رجال مكة فأكثر الكلام يأنفوا منه يأنفوا ===) يعني يشموه بأنفهم ثم يرفع الواحد منهم ذؤابة أنفه مما يسبب استطالة لفتحتي الأنف وشد غير عضلي.
12.
عضو قديم رقم 215395
01:44:21 2010.06.08 [مكة]
شكرا يا دكتور ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
13.
20:56:53 2010.10.25 [مكة]
لا شكر على واجب وهذه مصطلحات حجازية بالصوت http://www.youtube.com/watch?v=nspeBcZgNa4
14.
عضو قديم رقم 308535
00:35:49 2012.10.02 [مكة]
- أطبعو - ههههههههههههههاااي .. من الألفاظ المضحكة جداً وتنقال لمن الشخص ما يسمعك ويسأل إيش قلت ؟؟ وإنت مافيك تعيد الكلام تاني فتقولو أطبعو .. بلاهة وربي بلاهة ..................... الظاهر انك تنقل بلا علم ..انا من عيال الحواري وهذي الكلم معناها ,,,باااااايخ جداً استحي من ذكره انتبه من نقلك يا استاذ
15.
07:39:09 2012.10.02 [مكة]
جزاك الله خيرا على التنبيه فعلا كلمات تقال وتفهم بكذا معنى اما أهل الحواري فمصطلحاتهم غير يبالهم موضوع بس طبعا مو في مستعمل
16.
09:15:23 2012.10.02 [مكة]
تغريز لها معنى تاني يبو :)
17.
عضو قديم رقم 250669
10:29:38 2012.10.02 [مكة]
هذ كلامات اختلاقها الشباب بين بعضهم وليست حجازية شكل انت مو انت وانت مش حجازي
18.
20:36:59 2012.10.02 [مكة]
16. بقلم: kayla كلمات كثيرة تحرف عن معناها لمعنى سيء أذكر أحد زملائي معلم وكبير في السن كان يستهزء بكلمة في نشيد ( إلا صلاتي ) لأنها في باله شيء ثاني وهذا خراب فكري يحتاج صنفرة قلب وأيضا قبل فترة واحدة كتبت لوحة ( ذكرياتي مع أول خيط ) وقصدها تجربتها في الخياطة عاد شوف الشباب إللي معشعش في مخهم مصطلحات الحواري الزبدة خلونا في إللي كتبه الحجازي والنية الطيبة 17. بقلم: نهار1980 أنا بارك الله فيك من اشراف وادي فاطمة ومثلكم تفاجأت بمصطلحاتهم وحياكم الله