جميع الحقوق محفوظة ©
احسن شي حفظ جدول الضرب
والباقي كل بربره
والي قد ربى يعرف معنى كلامي
انا اتذكر يوم اختي تعلمني كيف "احفظ" جدول الضرب
طبعاً كنت استخدم الجدول اللي يجي مرسوم اخر الدفتر المدرسي وشكله يخرع عشانه كثير
علمتني اختي احفظ جدول رقم واحد
اي شي يظرب في واحد يطلع نفسه
بعدين جدول رقم ثنين ، وجابتها لي بطريقه شيقه قالت لي ان الرقم اللي ينظرب في ثنين يطلع (دبل) الرقم
وعطتني امثله بسيطه وشيقه مثل رقم 22 ورقم 1 وهكذا
بعدين جربت معاي جدول الثلاثه ، طبعاً تبدأ الصعوبه ولكن لم يكن فيه مقاومه من قبلي انا يالطفل
وصلت اربعه او خمسه ما اتذكر ولكن بديت اقاوم الحفظ ونا مبوّز ...
بعدين راحت اختي و وجهتني لشي شيق في الجدول عشان يصير الامر ممتع قليلاً ،،، واللي هو جدول الارقام المتشابهه ،،، طبعاً الجدول وهو مصفوف جمب بعض شكله ممتع شوي احسن من شكله وهو متناثر او على شكل روتيني ولكن عيبه انه يظهر بشكل كأنه صعب...
طبعاً عطتني امثله
ويوم وصلت رقم سبعه وثمانيه بديت اعنطز شوي ولكن قالت لي اختي لازم احفظهن وحفظتهن
كل هذا في يوم ،، جلسه وحده ،،، طبعاً حفظ بسيط
اليوم الثاني مراجعه بسيطه عالسريع لنفس الكلام
بعد كذا عاد بدا الجد ، وحبه حبه بالتقسيم ،،،
طبعاً بعد المراجعه يكون الشخص عرف اللي حفظه الطفل واللي ما حفظه بطريقة انك تشوف جدول رقم واحد بعدين ثنين وهكذا ... ويقيس الشخص على النسبه : يعني اذا الطفل حافظ ثلاث ارباع جدول وقم ثنين وثلاثه فهذا شي كويس
يكون الزام الحفظ لجدول اربعه ،،،
وبعدين خمسه وسته الخ بطريقة النسبه
طبعاً اكيد راح يعصلق الطفل ويعنطز عند جدول الثمانيه والتسعه ولكن عند ذالرقمين لا تددقون يعني
جدول عشره يعني سهل زي جدول واحد
اهم شي الصبر وطول البال :)
1. بقلم: ابولجين
هههههههه كل شخص وله طريقتة في التعليم والحفظ
2. بقلم: العالم0بين0يديك
طريقة جميلة ويحفظ منها الواحد الجدول بسرعه
