تعبت من العيش مع الحيوانات

الأخ المجمعه
فعلاً الفكر والأدب والأخلاق صفر عند كثير من الناس وأتوقع والله أعلم أن مثل هؤلاء لاينفع معهم وعي ولاإرشاد ولاينفع معهم إلا مثل درة عمر

سلام عليكم
هو غلط عليك صح لاكن عندي لك سؤال ؟؟
وشوله تكلم هالاشكال .. انت احكم على عقولهم من وقفتهم
الحين فرغو الي بنفسيتهم فيك يوم قلت وخرو .. هم ماوقفو بهالشكل الا ماهمهم احد والنفسيات ضاربه .. هذي في نظري مهمه المرور المفروض اذا شافو مثل هالاشكال ياخذونهم على التوقيف علشان يحدون من هالضاهره الاستهتاريه بمعنى الكلمه
انا اصادف من هالنوعيات واطنشهم وامشي ولا كان قدامي الا حيوان وانت بالكرامه ..

لأخ كاتب الموضوع في المريخ لأحد يحدك ولاأحد يسقط عليك وهناك حيوانات أليفه. والمخلوقات الفضائيه بتحترمك وبتضرب لك تعظيم سلام. هههههههههه.

27 مليون مواطن وضعفهم من أنحاء العالم. لايفهمون ولايفقهون وتعبت من التعامل معهم. وكلهم حيوانات متوحشه.
يأخي غير النظارة التي تعكس لك صوره الإنسان قطيع من الضأن وترى من حولك بحجمهم الحقيقي.

راجع حساباتك قد تكمن المشكله في شخصكم الكريم.

ابو الشباب الي رد رقم7 ياعزيزي انا ماني من النوع الطائفي ولا كنت كذا بس بعد الموقف هذا عرفت حاجات كثيرة والشاطر يفهم

الأخ AborobA
كلامك صحيح ولكن أتوقع أن الخطأ مشترك من جميع أطياف ومؤسسات المجتمع لأن هؤلاء لو وجدوا من يقف في وجوههم لما كثروا بهذا الشكل المزري

الحل المنطقي مايصلخ مع السفهاء اشوف الافضل تلصق وراه وتعلق على البوري الين يمشي

الأخ السناايدي
ولاتنسى أن عدم التربية وضعف الرقابة أدى بالمجتمع إلى هذا الحال
شاكر مرورك

أخي flattah2
لاتروح بعيد شوف عندك في الرياض كيف الأجنبي
صار مثلهم يقطع الإشارة يساقط ويحد ويتكلم ويسب ولاعليه من أحد

الله كرم الانسان بنعمت العقل ليمزه عن سائر المخلوقات
تقول عنه حيوان اجل اسمحلي اقول الطيور على اشكالها تقع
اذا زعلت من تعليقي ذا فتأكد ان الناس زعلو منك
سهل الواحد يكتب اي كلام ويسير عنده مواضيع لا كن مو اي كلام ولا اى موضوع ينطرح للعاميه بالطريقه ذي الحيوانات الله يعز الملآئكه والقرء تفعل اي شي بلا مبالها والكل يعرف وش اقصد بل البعض منها يغارمثل الجمل هل الى تقصدهم يفعلون امامك كذا لا والله اذا هم ناس ارتكبو خطىء ومازالو بشر استغفر ربك وغير اسلوبك

الأخ بربيكان
ياكثر المواقف اللي مثل كذا وأسوأ مع الأسف والبعض منهم عادي عنده لا يستحي ولايهمونه الناس وكأنه يقول ياأرض إنهدي ماعليك قدي

الأخ عبدالعزيزمحمد2011
والله شعب هذه صفاته أنه شعب متخلف

كل الردود الحمد لله تحتقر اصحاب التصرفات السيئة ، وكل الردود تعترف بوجودهم وكثرتهم ..

إذا لاغبار أن تسلكهم الدولة بالغرامات في الشوارع .. والى الان لم تفعل جميع غرامات ساهر ولم تفعل الى الان غرامات كثيرة .. شعب هذه تصرفاته مايربيه الا الغرامات ..

اذكر مرة كنت واقف عند محطة وبعدها تقدمت لموقف فاضي امام البقالة وماادري ذيك اليوم كنت حاملا لسلاحي بالصدفة .. المهم امام البقالة تقف سيارة درباوية وشايفهم من بعيد حركاتهم مشبوهة راكبين كابريس 79 وعليه بوري منبه يعني يخرم الاذن .. عاد تصورا واقفين امام الرصيف بمواجهة باب البقالة ويضرب البوري على اذني .. حقيقة من شدة المفاجأة انفجعت وطليت فيهم قلت يمكن بالخطاء .. الا وهم يتضاحكون ويؤشرون باصابعهم نحوي .. عندها نزلت للساق وسحبت المسدس عليهم امام الناس .. الا وهم يتنافضون .. ويجيك عسكري من الخلف من فين جاء والله ما ادري .. ويكلمني بهدؤء وطلب المسدس واعطيته .. وقتها وش تتوقعون التصرف اللي حصل ..

بكل بطولة صوب المسدس عليهم مرة اخرى وقالهم تحركاتكم مراقبة لها يومين وفجأة يجيك الجيب ويرزعونهم فيه وشرطي ثاني ياخذ الكابريس . جاء الضابط سألني سؤال واحد قال سلاحك مرخص قلت نعم .. امر العسكري يرجعه علطول ...

فاقول الحمد لله ان الله فكني من شرهم وشخصيا انا رجل وديع كما يقال عني لكن للظروف احكام .

(تم الحذف بواسطة الإدارة)

الأخ الرويال
المناظر التي نراها في شوارعنا كثيرة وأنا فقط طرحت حالة واحدة فقط ولا الحالات كثيرة مع الأسف
ومانقول إلا زود النعمة والفراغ يفضي إلى مشاكل في كثير من الأحيان

اخوي حبيت اقول ترا مو السعودي بس اللي اخلاقه كذا حتى الاجانب اخس واخس لايغرفون يسوقون ولا فيه احترام وياما سعوديين يرفعون الراس يس للاسف كل بلوة تحطون السعودي فيها

لاتعلق .................................
؟؟

الأخ زوزو 1400
قاعدة صحيحة وواقع نعيشه الآن مع الأسف
تحياتي

يا رجال وسع صدرك ولا تشيل بخاطريك هذي الدنيا في أشياء أهم من هذي

على قولت الشيخ عائض القرني لا تحقد فأنت أول من يحترق بها

مثل مايقولون الكويتين ( قط وراك ولا تفكر )

يجيك يوم تقابل ناس يذهلونك بأخلاقهم ويجيك يوم تقابل ناس ماتسرك

الأخ خفجاوي
صدقني حتى المحافظات الصغيرة غزاها ماغزى الكبيرة بس على إستحياء وسيأتي اليوم اللي تشوفها مثلها

ربما انت لم تعرف الكثير عن الحيوانات
الحيوانات ليست بلا نظام علي العكس اكثر الحيونات خصوصا كل فصيل له طريقه محدده في العيش والتعامل
حتي الحشرات يضرب بها المثل في النظام مثلا النحل والنمل تجدها اكثر تنظيما حتي من الناس في الدول المتطوره
فالمقارنه هنا خطء
بني ادم اذا رقي يصبح ارقي كائن حي واذا هبط يصبح اخس كائن حي بدون منافس