تركيز من الإعلام وبعض المحسوبين في الراتب مايكفي الحاجة

يااخوي تكفى وثم تكفى خلنا في همنا لاتزيدني هم العالم تتطالب للموظفين وحنا العاطلين وش نقول يزيد الراتب وتزيد الاسعار وحنا الي ماكلينها لكن ماقول الا كلكم راعي وكلكم مسؤل عن رعيتكم وانا والله لااحلل ولا اسامح من رضى لي بهذا الحال

الخلاص والله انك صادق

ودائما اقوله

لو زاد الراتب طلع كيلو الطماط 20 ريال بدل 10 ريال

وطلع اجار الشقه 50 الف بدل 25 الف

واللي يروح فيها المساكين اللي ما عندهم راتب

غلاء الاسعار مايحكمه رفع او خفض الراتب الامر متعلق بالعرض والطلب بالسوق
بعدين اي سلعه تغلى بدون مبرر المفروض الشعب يقاطعها او يلجئ للبديل حتى يعتدل سعرها
مثلا الطماطم وصل 50 الصندوق بالعثيم تركته واخذت معجون طماطم ب 8 ريال مقدار التوفير 42
وقس على ذلك...
رفع الرواتب ضروووووووووووووووووووووره حتميه وسترفع الروووووووووووووواتب او ستكون هناك فجوه مابين الحكومه والشعب وهذا اخر كوابيس الحكومات

يعني وش قصدك نشري ابو ريالين لعيالنا ياخي والله ماهو حل على عهد الملك فهد الله يرحمه كان اراتب 3000 الاف لكن تستلم راتبك الثاني وانت باقي من راتبك شوي يكفيك بعد كم اسبوع الحين تستلم اراتب وبعد اسبوع تروح لراعي البقاله سجل وصلت فينا نتسلف حليب عيالنا من الصيدليات

1. بقلم: الخلاص
صدقت اخوي .. المشكلة عندنا التضخمات في الاسعار .. وفي المقابل يروح فيها الجميع واذا حصل تعديل للمرتبات بيروح فيها العاطلين والقطاع الخاص .. وهذه ام المشاكل ..
ولكن الحل هو الرقابة على المواد الاستهلاكية ووضع قوانين صارمة على الاراضي والبيوت وعمليات البيع والشراء وتفعيل قوانين رادعه لكل متجاوز ...

2. بقلم: Applee-2012
فعلاً اخوي .. الحل موجود .. وهو الرقابة الصارمة والقوانين الجزائية لكل من تسول له نفسه بالتلاعب ...

3. بقلم: saadnmmm1
صدقت ياخوي ... ذكرت مشكلة كبيرة جداً نعاني منها جميعاً .. للأسف ..
البحث عن البديل ... معدوم لدينا ...
هنا يكون توعية المواطنين في البدائل .. وتثقيفهم بكيفة ايجاد بديل مناسب وارضاخ المتآمرين عليهم .. ولو تذكرنا قضية المراعي وكيف تلاعب بزيادة السعر ومن ثم اعاد السعر القديم وتلاعب بحجم العلبة الواحدة .. والله اعلم مدى تلاعبه ب الكمية من اللبن داخل العلبه ايضاَ ..
وطبعاً من اهم الاسباب هو عدم وجود عقاب صارم ...
ف لو قامت الدولة بمعاقبته عقوبة صارمة جداً .. لاتعض البقية .. ولكن للأسف ..

4. بقلم: الخلاص
في البداية تشتري ابو ريالين .. ولكن بعد فترة وجيزة تشتري ابو 50 ب ريالين ...
في ايام الملك فهد .. كان التلاعب اكثر واكبر .. ولكن كانت المواد الاستهلاكية في متناول اليد والراتب يفي .. و بطبيعتنا ك شعب طيب وحبيب ... بما إننا ولله الحمد مكتفيين .. ف لانتكلم ابداً ... واما الان التضخم العام قتلنا .. واستمرار الوضع على ماهو عليه راح يقسم الشعب لقسمين ..
قسم : مرتاح على الاخر وقسم مكدود ومكروف ويالله يكفي نفسه ...

ء

أخوي وسيط المواطنين في بلادي أصبحو 3 طبقات .

طبقة الهوامير واللي تزيد أرصدتهم فوق مليون وأنت طالع تمثل نسبة 5%

وطبقة متوسطة وهي الكادحه وتمثل 70% .( لا تملك بيت )تعتمد ع الراتب فقط

وطبقة تحت الصفر لا بيت ولا حتى تستطيع دفع الايجار 25% وتعتمد ع ماتعطيه

الجمعيات والضمان من ( هلللات ) وأغلب ابنائهم عاطلون او في السجون بسرقات

او مخدرات لانها طريقهم لكسب المال ( أضطراراً ).

هذا هو حال المواطن بشكل عام علماُ أن الطبقة الوسطى تعتمد على قروض البنوك

الظالمه ( مضطره ) لانها لن تستطيع سداد متطلباتها الحياتيه الرئيسية .



بينما البلد يعتبر أكبر مصدر للنفط وتعداد سكانه ( السعودين 15 مليون + 15 ) = 30 مليون

لو فرضنا ماتنتجه بلادنا من نفط وتحسب بمتوسط سعر منتصف السنه يأخذ كل مواطن ريال

سنوياً بدون ما تتأثر خزينة الدولة .

ء

قالت وكالة موديز العالمية أن السعودية تحتل المرتبة الأولى خليجيا من حيث أصول الصناديق السيادية ب 641 مليار دولار, وجاءت الإمارات في المرتبة الثانية ب 397 مليار .. ؟

ء


ء

أخوي أعز
كل عام وانت بخير ..

بخصوص ما ذكرته لي تعليق بسيط وهو
الطبقة الثانية اصبحت قريبة جداً من الطبقة الثالثة .. كونها تعتمد على الاقتراض ..
صحيح يوجد لديها راتب ثابت ولكن اصبح الراتب هشيم .. يؤكل من كل زاوية .. فلا يتبقى
الا القليل .. لذلك في وجهة نظري .. بأنه في غضون سنوات بسيطة وسوف نرى
طبقتبن فقط .. الاولى وقد ركبت صاروخ وطارت
والثانية تكافح لاجل ايجاد لقمة عيش اليوم الواحد ..

طيب في حل!

أمسكوا لي سافر دبي واخصموراتبه. هاذ اذكان له راتب اصلا.

بكذا يكون

الراتب مايكفي. الحاجه

الهاشتاق #الراتب_مايكفي_الحاجة

انا من الطبقه الثالثه الي تعيش على الاجارات ولا لي عمل وفوق هذا اقسم بالله العلي العظيم اني ماخذ ريال من الجمعيات الخيريه ولا الضمان الاجتماعي وخواني يدرسون وانا المكدود كد اطقطق منا ومنا اخاف والله اصير اخر شي خريج سجون وسبه تضخم الاسعار يكفي خلاص والله ماعاد فينا حيل
الحراميه تسرق وتنهب بنظام والحكومه ترضى بالقليل من ضرايب الحراميه وهذا اكبر خطا والخطا الاعظم توضيف ناس مرتشيه تبيع وتشري بالامانه الي موكل عليها خافو الله نحن في ذمتكم

انا راتبي 6000وساكن بيت ملك واستراحه ملك بس اقسم بالله اني راتبي مايكفي اتزوج واشتري سياره يعني 6000الحين تسوا اول 2000والحكومة تدري بهذا الشي بس نصيحة لوجه الله ترا الخير واجد اصلحوا وشوفوا مشكلة البطاله والسكن ماهي اختراع ذره عصب الحياة موجود وهو المال اخلصو علينا وشكرا

ومن قال لكم ان اللي يسافر معه فلوس اكثر من اللي قاعد ؟
اللي يسافر للخارج للسياحه ما يكلفه نص ما يصرفه داخل السعوديه !!!!!
وخلونا نشوف رحله الى شيانغ ماي كم تكلف وفي المقابل رحله الى جدة كم تكلف
علما بان جميع الاختيارات من نفس الفئه

1- طيران نوك داخلي من بانكوك الى شيانغ ماي ( الرحله ساعتين ) يعني اكثر من 1000 كيلو متر بين المدنتين
وطيران ناس الداخلي من الرياض الى جدة ( الرحله ساعه ونص ) يعني المسافه لا تتجاوز 1000 كيلو متر
http://www.mstaml.com/files/11065-1376270066.jpg

2- ايجار سياره صغيره في شيانغ ماي ( كيلو متر مفتوووووح ) مقابل ايجار سيارة في جدة كيلو متر (محدود) !! وانظر السعر
http://www.mstaml.com/files/11065-1376270087.jpg

3- فندق ( 5 نجوم ) في شيانغ ماي (مع افطار مجاني) .. مقابل فندق 5 نجوم في جده بدون افطار
انظر الى الاسعار
http://www.mstaml.com/files/11065-1376270932.jpg

يعني لو بتسافر مو لدبي جيراننا لو بتسافر 7000 ميل بعيدا عن الشبوك لمدة 10 ايام في احلى المدن (((ومع التذاكر الدوليه لشخصين))) تقريبا (5000 ريال ) ساكن فندق خمس نجوم مع الافطار ومعك سيارة تقطع فيها المدينه كلها بدون حساب للكيو متر ومصروف يومي 300 ريال للغدا والعشا والتنزه
14512 ريال لشخصييييين

اما لو بتروح سياحة لجده غير وساكن في فندق 5 نجوم بدون فطور ومعك سياره محدوده ب 1000 كيلو متر فقط وتذاكر داخليه بدوووون تذاكر دوليه ومصروف يومي 300 ريال ( هذا اذا تكفيك وما زدت عليها ) للفطور والغدا والعشا والتنزه في حفريات جده والاستمتاع بمشاهدة شاليهات الهوامير من بعيد ستكلفك الرحله
25330 ريال بدووووون تذاكر دوليه

فلا يضحكون عليكم في الصحف ويقولون لكم السعوديين حجوزاتهم فل ترا برا ارخص 60% تقريبا حتى في دول اوروبا
ولك ان تقارن اسعار فنادق اسبانيا على سبيل المثال بنظيراتها في جده ذات فئة ال 5 نجوم سيذهلك فرق الاسعار على BOOKING.COM

وللمعلوميه فانه يوجد مكاتب سياحيه داخل اكثر الدول تستيطع شراء فاوتشرات لفنادق بسعر اررررخص من موقع بوكنغ توجد غالبا في المطارات

والله الاسعار عندنا اغلى من برى على طاري السفر داخليا او خارجيا

بدات اجازتي 15 رمضان و قلت اخذ عيالي و نروح الخبر عند أهلي

المهم اخذت شقة غرفتين و صالة اليوم حسبوها 250 ريال لمدة 14 يوم عشان رمضان
قلت طيب ابي شهر قال الموظف حق الشقق في العيد السعر يتغير يصير 700 ريال الى بداية الدراسة !!!!


دخلت بوكينج و دورت حجز على فنادق الامارات ولقيت الاسعار تترواح من 300 الى 600 درهم في حدود الميزانية

والله رحت يوم 27 رمضان و سكنت في فندق جوراند او جراندو في الشارقة غرفيتن و صالة بـ 400 درهم لليلة سواء رمضان او عيد السعر نفسه

سكن معقول سعره و منها تمشيه للاطفال و للكبار مجمعات تفتح النفس و اسواق و ملاهي اطفال ومطاعم عالمية

والله اللي يبي يسافر لا يفكر يضيع فلوسه بالسياحة الداخلية صرف على غير فايدة لا اسواق و لا اماكن تستاهل تتمشى و تدفع فلوسك عليها هذا طبعا غير الاسعار الناااااار للفنادق و الشقق

سبحان الله حتى حليب الطفل اشتريه 37 ريال لقيته في الامارات 30 ردهم

مدري ليه الفرق في الاسعار

كل شي له حل لجل عيون تكرم مرجعيون

يإخوان والله كلمة الراتب مايكفي الحاجه محومه بكبدي لأنها كلمه ماهي مستقيمه لفظاً
إش اللي مايكفي الحاجه
حنا عرب ياناس
تكلمو زين
لا والناس كلها متفاعلين مافي ولا احد وقفت الكلمه في حلقه ولا ماأستساغها
عجيب أمر العرب في ذا الزمان
والله عجيب
لاسياسه
لادين
لاإقتصاد
حتى كلامكم ماتعرفو تتكلموه عدل

الحمد لله على كل حال

15. بقلم: السيدالهاشمي99
اشير له باصبعي الى القمر ... فينظر الى اصبعي

إخواني أتوقع والله اعلم آن الحملة هاذي مجبرون الشعب للمطالبة بزيادة رواتب ونزول أسعار

في عهد الملك فهد رحمة اللة كانت السعودية في أزمة الخليج وهي أصعب أزمة مرت علا المملكة لم يستطع التاجر رفع سعر هللة واحدة بل دعموا الشعب
جمع الملك فهد رحمة الله التجار حسب علمي وقال لهم انتم كل الأموال هذة من الله ثم من الدولة اعزتكم ورفعتكم وأغلبهم الحظارم
ونحن نمر بظروف ونريد وقفة منكم ودعم أو الاستغناء عن خدماتكم ومغادرة البلد ،،
كان رحمة الله اذا زاد سعر اي سلعة قاطعها مهما تكن
اذكر زاد سعر الأرز فقال لا نريدة أبدا

كان حاكم وسياسي وظاغط علا التجار

وكان اذا اصدر أمر ينفذ في اليوم التالي عاجلا

اقول شوفو لهل موضوع حل والله اني ادخل مستانس اشوف هل موضوع وردودكم احس اني كاره الدنيا يكفينا الي فينا تكفون