تجربتك مع مطعم لم تكن جيدة ؟ تفضل اذكرها

معنى كلامي

بتعرفه ي غالي اذا اخطائت في حق الكاشير او الي يطبخ
ماتدري وش يحطلك مع الاكل


تقبل مروري

الاخبارية حسبي الله عليك وعلى كل من يغش الناس ولاينصف مع الناس

جزاك الله خير
هاذاك قبل اكثر من 12 سنة
ايام الغفله و الطيش
---------------
وصراحتاً كانو الناس يستفزون بس كان غلط مني والله يغفرلي

الإخبارية

اسأل الله بأن يتوب عليك ويوفقك لمايحبه ويرضاه

لك مني كل الود والإحترام

احد راح للمطعم هذا قريب ؟؟؟

كودو مبدع وممتاز

مطاعم الارز كلها بدون استثناء غش وخياس وكثره زيوت وادويه تضر ولحوم رخيصه ودجاج مضروب


انتبهو من القصابين
لقيت نعيمي كامل 200 ريال عمى لو هو قطو ماصار 200 ريال
غش عند الكل للاسف
مافيا الاجانب يغشون في الطعام البناء الادويه وووو

اسوأ مطعم رحت له كان بوفيه توه فاتح عند بيتنا وقلت نجرب
طلبت شاورما بعدها تهاوش معلم الشاورما مع اللي يسوي بيتزا وزعل ومشى والى يومكم ما ذقت الشاورما لكن واحد جربها وقال لي اننننححححششش

التجربة الثانية مطعم بيتزا في كندا طلبت بيتزا منه ويوم كلتها اوجعني بطني اسبوع

والقائمة تطول بس اني ذابحني الجوع

عزيزي نجدي
عزيزي عزوز

شرفني مروركم العطر

شكراً عالموضوع اخوي رخيصو
انا ايست اني الاقي مطعم شغل اوكي فالسعوديه كلها...
بس اذكر رحت لمطعم نسيت وش اسمه بس اكلات مكسيكي في حي صلاح الدين في ذاك الشارع اللي ماله اسم اللي عليه اسواق التميمي وفال تصير قدامك عاليمين ،،،
المطعم قبلهم عالزاويه يصير خلفك الكليه التقنيه
المهم
واكل ، طلبت شوربه ... جاب لي كويكر ابد لا راحت ولا جت ... كويكر ...
قلنا ميخالف
طلبت سندويش مكسيكي نسيت وش اسمه ايه بريتو
واكل اكل ، ثالث لقمه الا و سيم حديد ...
مصدي بعد
داخل السندويش ...
عاد ذيك الايام ماكانت البلديه شاده اطلاقاً
المهم ، اناديه : وشو ذا يالحبيب ؟
اووه سوري وما سوري ، بنقالي ولكن محترم
قام وراح جاب لي سندويش ثاني
واكلته
وجاب لي حلا ببلاش
قلت ميخالف
وعليها...
ولا مطعم ثاني مدري هو صيني مدري ياباني على طريق الملك عبدالله مسيت شسمه ومدري فاتح للحين ولا لا
المهم جمب البنك الهولندي مع تقاطع طريق المطار القديم قدام صحاري مول
دخلت ...
الجرسون جا و وقف عندي ويوم ناظرته وقام ورجع ورا وصرت اكلمه كنه وراي !
انا استغربت ليش رجع؟ كلذا صار بشك غريب جداً
ولا وقفت قلت له تعال هنا وين رايح
كملت ، اذكر عورتني رقبتي والحق يقال ،،
المهم ماعلينا ، الاكل كأني في مطعم تايلندي يشيخ من ذوليك الاعشاب المقليه مدري مسلوقه
مجمعين لك عشب مدري قت ويقول لك والله طبق ياباني
بس باقي شاهي اخظر واكل بالعودان هذيك واسحب عيوني وادس خشمي و خلاص اصير بطوكيو
طلعت
ومن عقبهم وانا عالناضج فرع شارع الجامعه جمب مركز رعاية المعاقين سلم لي عليهم يشيخ
ولا نم جوعان ابو هالاهمال وهالتنظيم يشيخ كني في دوله مافيها دوائر مسئوله ولا تنظيم ولا يشيخ اسكت بس
تفتح مطعم كويس وشغل اوكي يجيك واحد ماله دخل فالسالفه ويقوم يشاركك ؟؟ خير

شرفني مرورك وسرد تجربتك

وعليك بالعافية

الشرف كله لي
والله يعافي قلبك وجعلك ما تشوف اللي شفته
بس ما فكرنا مره من المرات نتسائل عن لحم الوجبات السريعه؟
يعني بالتأكيد ما يذبحونها هنا
بغض النظر عن الطريقه اللي يقول يفرمون البقره كلها واللي يقول واللي يقول .... طبعاً اللحم بقر هذا موظوع قاظين منه
عندك مطعم البطريق هذا سلم عليه هو الوحيد اللي يجيب غنم ،،،
واقول لك:
صار لحم البقر ذا مهوب يفرمون البقره كلها
لا
صاروا ياخذون بقايا البقره اللي ما تنوكل
ويفرمونها
ويعطونها خلق الله
لدرجة ان نسبة اللحم فيها يمكن 20 في الميه

وجتني اخباريه من قريب لي يشتغل في المواصفات والمقاييس،،،
يقول مرة من المرارير طلع ميداني عشان يغطي مراقب فسح
طبعاً الشحنه معروفه ولكن برستيج عمل يعني
الشحنه كانت رولات ...
مهوب رولات كيابل ولا رولات بلاستك ولا ولا
لا
رولات لحم ،،،،،،
وهو يوصف لي شكل الروله
ما قدرت اخليه يكمل تصدق..،،،؟؟
ويقول ابد ... زي بعض... هذي رولة امريكانا بتروح هرفي وهذي رولة مدري من بتروح مكدنلدز وهذي رولة... وكلهم طبعاً جايات مسطورد يبيه <<مستورد يعني :)
بتقنعني ان عندهم امام مسجد برا في امريكا شغال ذبح بقر عالطريقه الاسلاميه مثلاً؟
ولا بيشغلون لك شخص مسمى وظيفته ( مسمي:يعني يقول بسم الله بسم الله بسم الله) على كل بقره...؟
طيب دام انهم يجيبون الاحشاء بس من وين له يسمي عليهم؟
قلنا مايخالف...

قصة انهم يتأقلمون مع الهند والجاليه السيخيه عبدة الكفوهم ذا مدري شسمه ولا ياكلون لحم بقر
وبذلك اظطر مكدنلدز يتأقلم ويوفر همبرقر نباتي
وتأقلم مع ايران عشان كفشوا دهن الخنزير اللي في بطاطسهم...
حنا قاعدين نتفرج ليه؟
مالنا كلمه مثلاً،،،؟
ولا اللي ماسك المطاعم عندنا هو اللي كاتم بلف السالفه؟
لا وجوك مكدنلدز مسوين سياسيين عبالهم اننا مغفلين (وبعضنا كذلك ولو ان كلمة بعض تغير مدلولها هاليومين)
وش سووا مكدنلدز:
راحوا من تحت الطاوله وهدوا الوظع في ايران و وعدوهم يظبطون بطاطسهم والشكوى لله
وجو علناً قدام الناس وقالو وبكل وجه قوي: بطاطسنا مافيه دهن خنزير...

الزبده انه مافيه احد فكر يفتح له ملحمه زي البطريق ويفرم له خلطه سريه لحم غنم ويسوي له بطاطس وببسي يشتري وهذا مطعم سعودي 100% وميزته التنافسيه انه يوفر لحم غنم

طبعاً لابد من الشريك ابو جواز كحلي اخوي رخيصو ههه
ياحسره بس

البطريق فعلا لحمه طازج وواجباته شهية

واللي اعرفه ان مورد اللحوم اللي عنده فرسان تبع اللحوم المشهور

وبالهناء والعافية

اكلت في مطعم بالواجهه البحرية بالجبيل الصناعية

شهادة لله المشاوي عندهم أقل من المتوسط والتقديم في المطعم لا يرقى حتى إلى 30% من سعر الوجبة (البردوني) والسعر عندهم مقارنة بمطعم قريلو مرتفع جداً والجودة والطعم عند قريلو ممتازة جداً

من واقع تجربة شخصية لي ولكثير من زملائي

شرفني مرورك العطر وبالعافية

اجل على قريلو توكلنا على الله

السلام عليكم

ايام شهر العسل رحنا انا والمدام لمطعم راقي جدا اسمه روبي تيوزداي
ruby tuesday
الاكل كان قمة في الطعم
المكان والترتيب خيالي
الاسعار غالية نوعا ما!! دفعنا حول 180 للشخصين
لكن تحس ان الاكل مطبوخ باحتراف

على فكرة رحت للمطعم عدة مرات وكل مرة يزيد اعجابي فيه
فيه عدة فروع بجدة
بالرياض ماحصلت له فرع وماادري اذا فتح فرع

الف هنا وشفا والله يجمع بينكم بخير

المطعم ماعتقد انه فاتح عندنا بالرياض

لكن وين موقعه بجده ؟

(تم الحذف بواسطة الإدارة)

^
ههههه
شكل المطعم مره خايس :)

رد 35 ممكن موقع المطعم الي بجده
وفين موقع مطعم البطريق بجده

واسواء مطعم هارفي العيش لسع عجينه والاكل جدااااا سيئا

ومطعم ثاني اسمه مطعم اشواق حق مشويات جدااااا سيئا تنتظر ثلاث ساعات وبالاخير الاكل قليل والطعم الله يديم النعمه

وكمان كهف البحر ذقة اكله مافيه ملح وجدا سيئا اكله
وكمان مطعم جده جده سيئا اكله بارد مطلعينه من الثلاجه وع طول للزبون

افضل مطعم نكهة زمان

حتى شامي صار خايس اكله ماصار له طعم بس منظر


مافيه زي اكل البيت

واحلى مطعم القلزم للاسماك رهيب

مرة اخذت من مطعم ماما نورة بروستد بعد ساعة من اكلي له تقول في بطني بلكة وصار ضغط بطني 60 شكل الدجاج مخيس او الزيت خربان وبعدها ماطبيته لو بلاش