جميع الحقوق محفوظة ©
السلام عليكم ورحمة الله
- تخرجت من الجامعة وجتني وظيفة مدرِّس بمدرسة أهلية بالرياض، لكن متردّد بصراحة.
مالي تجربة أني اجلس لحالي بغرفة، لأن خوفي من المصاريف الشهرية تكون كثيرة.
يعني ممكن تعطوني كم يكلفني شهريا من أكل وشرب وكهرباء وماء.
وأثاث الغرفة وش يكون؟ وتنصحوني لحالي أسكن أو مع شباب؟
وجزاكم الله خير
وعليكم السلام ورحمة الله وبركاته
الله ييسر امرك ويوفقك ..
في البداية تكون صعبة عليك .. ولكن مع الزمن يتحسن الوضع
مايعيب العزوبية في الرياض بالذات صعوبة انك تجد سكن عزاب قريب من عملك .. او على مزاجك يعني لازم ترضى بالامر الواقع .. في اماكن تجمع العزاب ..
في البداية انصحك انزل في شقق فندقية بالشهر خذلك غرفة بحمام تكلفك حول 2000 - 1500 ريال ..
وبعد كذا تقدر تدور على مهلك شي يناسبك ..
انا افضل انك تسكن لوحدك او معاك واحد فقط ...
تاخذوا غرفة وحمام ومطبخ .. تكلفك بالسنة حول 15 الف
تحطوا فرش يناسبكم الاثنين .. وخلاص ..
لا يابن الحلال
جرب وعيش وشوف ....وهالاشياء تعلمك وش الصديق ومن الناس اللي حقين المصلحه
جرب كل شي عيش حياتك...تتلعم منها ,,ووبكره تعلم غيرك او عيالك من تجاربك انت.
العالم راح تعطيك تجاربها الشخصيه وكل واحد له وجهة نظر...بس ماأنصحك تسمع لهم
جرب كل شي..عيش مع نفسك عيش مع شباب وعاشر وتعرف وروح وتعال انت لو ماأنبسطت تعلمت وهذا الهدف الاسمى
