جميع الحقوق محفوظة ©
السلام عليكم ورحمة الله وبركاته
انا قابلت أردني في سيتي سنتر بقطر ومسكني ودردش علي وقال مانت خسران شيء شرفنا في البناية حقتهم وان صلح لك العرض والا خذ الهديه واطلع ولا كن شيء صار
فذهبت لهم وانا متردد وعلى فكره سبق أن نصحت بعض الشباب من هذي الشركات ولا كن قلت فاضي اروح أخذ الهدايا وطقطق عليهم
هههه لكن الحاصل انهم طقطقوا علي وسو ولي غسيل مخ نفسي جلس ساعه ونصف لين صدقت ووقعت معهم عقد بمبلغ 44500 للسياحه لمدة أسبوع من كل سنه مجاناً لمدة خمسين سنة وثلاث ورقات فيها دفع باقي المقدم 12500 خلال ثلاثة اشهر دفعت 2500 ريال والباقي 3000 بعد شهر ز 30000م بعد شهرين و4000 بعد ثلاثة أشهر والباقي 650 ريال كل شهر عموماً مهوب هم 2500 ريال راحت والله يعوض لكن الباقي هل يقدرون يطالبوني فيه
هل فيه أحد جرب واذا كنسلتهم ونسيتهم يقدرون يطالبوني بالباقي 35% من قيمة العقد لا تقولون انت غلطان ووو..... الخ
انا عارف نفسي لكن والله والله مع اني حذر وسبق ومرت علي شركتين في السعوديه بطريقه مقاربة منهم إلا أن هأذهب الشركه غير يجون بطريقة ثقه ماتتصورها كأنهم يقمرقون عليك
وش الرأي اللي جرب معهم وسافر أو توهق وكنسلهم شاكرا ومقدرا وعذرا على الاطاله
ههههههه
صار لي نفس الموقف قبل فترة عند ايكيا , والله ياراسي انفقع ودبلت سبدي منهم كل مرة رايح واحد وجاي خوية صرقعت بوالديهم , فالاخير عطوني اسبوع مجاني في تركيا بدون نفس وانا قلت ياهو شكله مقلب ولا في امل اصدق مثل هذولي , عموما يمكن احد يفيدك كيف تفتك منهم او شف لك محامي يساعدك .
