بالفيديو .. سيارة "الهيئة" تطارد شاباً أمام مدرسة بنات بـ "عرعر"

المفروض يكون هناك تعاون مع الدوريات الامنية مع الهيئة ..
خلاص خذ رقم اللوحة وبلغ الدوريات يوقفونه اذا شافوه مباشرة ..

لا تجلس تطارده ويقوم الخبل يصدم او الهيئة يصدمون وتصير مصيبة
ومن ثم نلاقي المنتفعين من غلطات الهيئة يضخموا القضية واعلام وحفلة ..
ونجلس نحلل يقصدون وما يقصدون ..

يا خي خذ رقم اللوحة وبحريقة ...
بلغ الدوريات بالجهاز يوقفونه ... ومن ثم نشوف اذا قضيته من اختصاص الهيئة يحول لها واذا من اختصاص الشرطة تروحوا تحطوا تقريركم وانتهينا ..

اللحين الشارع في بنات قاطعين وسيارات لو صدم ؟؟؟؟ ومات احد .. ؟؟؟؟

بنلاقي الحفلة المعروفة اللي من الوطن واشباهها .. وعاد خذلك انواع التحليلات ..
المفروض على رئيس هيئة الامر بالمعروف والنهي عن المنكر يفطن لهلامور
ويعمل لافراده دورات تدريبية .. ويأكد عليهم لا تطارد لا تطارد لا تطارد
خذ رقم اللوحة وبس ..
والمفروض انه يعمل اتفاقية مع وزير الداخلية ويعمموا على كل الدوريات بالتعاون مع الهيئة
وخلصنا .. خله يهرب الان .. ولكن تقدر تطلع معلوماته من الداخلية .. وتوصل لباب بيته وتقبض عليه ...

واذا الامر عمل لا اخلاقي او شي يكون في كاميرات على سيارات الهيئة .. ف يكون مثبت عليه .. وخلصنا ...


الله يصلح الحال

هلا ولله اخوي وسيط

كلامك صحيح ياخوي لكن مين يسمع؟ قرار عدم المطارة من زمان موجود لكن مين سمع ومين يفهم, بعض رجال الهيئة هداهم الله ياخد الموضوع شخصي اثناء المطاردة, يعني حاط في باله يبي يصيدة يعني يبي يصيدة ولا يبي يبلغ المرور. صارت قبل كثير ماتو اشخاص كثير بسبب حوادث المطاردات.

بالنسبة للكاميرات في سيارات الهيئة من جد فكرة ممتازة!

يعطيك العافية اخوي الغالي

حبايبي .. لأ أحد يعلم ماهو سبب المطارده لذلك المفروض مانتكلم بالموضوع وخاصه الاخوان اللي ياخذونه بجديه ..


اذا كان الموضوع يخص الهيئة يهجم اشخاص لهم نوايا خبيثه ويتبعهم بعض الاشخاص اللي نسميهم ( امعه ) ويردد الكلام وهو يعرف انه على غلط .

جهاز الهيئة بشكل عام هو اقل جهاز فيه اخطاء .

ياخوي محد نواياه خبيثة كل مافي الموضوع ان المطاردة ممنوعة قانونيا...

جتك سبق وشلة سبق ومن خلفهم الإمعات وأهل النوايا الخبيثة ...
طيب يمكن خاطف بنت !
أبلغ المرور ؟ وحتى لو مو خطف هل المرور والشرطة بتتحرك ؟
المفروض يكون مع الهيئة قناصين أطلقوا عليه الرصاص وبلاش مطاردة .

عاد الحوادث الكارثيه عند المرور

اللي يسمعك يقول طاره المرور

بعدين تبلغ المرور ويجونك بعد ساعه يمدي الرجال وصل لمدينه ثانيه خخخخخخخخ

زانت يابو سالم مسوي تعرف القصه وان نواياه ما هي خبيثه ومن هالكلام

اقول الله يسلم النسخ واللصق

يا عجلكم على الهيئه

ابوسالم دامك حريص وتعرف ان المطاردة ممنوعة قانونيا
رح ابحث وشف العلم الاكيد

انا اعطيك اياها من الاخر

المطاردة ليست ممنوعه واتحدى لو احد يثبت انها ممنوعه !!!

اللي ممنوع المطاردات اللي اسبابها بسيطه

لكن الهيئة جهاز كبير وله احقية بمداهمات ومطاردات

وانت وش دراك عن النوايا ؟؟



_______

انت اكيد شفت مقطع المطاردة اللي انتشر بجده
واكيد شفت كيف صدموه وكيف دعس عليه العسكري برجله !!

اشوفك مانزلت موضوع عن هالمقطع ..


:)

الهيئة ناويه علي قتل شباب كثر صارت الهيئة لا يشبعها سوي الدم

الهيئه نفت هذه المطارده رسميا اليوم وكفى هجوم على الهيئه امثال mohamman22

9. بقلم: mohammedn22

اجل الهيئة مايشبعها الا الدم ؟؟

سؤال لك وللي على شاكلتك

تخيل اختك اللي يعاكسها الشاب ايش نفسك تسوي بالشاب ؟؟؟

لا حول ولا قوة إلا بلله حسبي ونعم الوكيل

الكثير ماتوا بسبب الشرطة والهيئة

اللهم ردي كيدهم في نحورهم وارنا فيهم ما يسرنا وان يعلمو ان الهيئة حصن وياتيهم يوم تمنو ان الهيئة موجوده وحسبنا الله وكفى

لا حول ولا قوة الا بالله

اللحين وش لزمت الهجوم الغير مبرر .. والغلط علي .. وعلى الاخ ابو سالم ..

على العموم اجمل مافي الردود انكم فسرتوا رائينا على امزجتكم
ولا تنسوا انه
( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )

يوم القيامة نلتقي .. ف اللي دخل نيتي وفسر كلامي على كيفه .. وهواه ..
يوم القيامة نوقف امام الملك العادل الجبار ... ونشوف .. :)