اهداء لكم اخواني جور السنين قصيدة جميلة جداً جداً جداً (منقول )

جور السنين للشاعر عبدالرحمن بن بديع


ياسعود يامشكاي ويش التدابيرلاتشتكي جور السنين وشطفها
جور السنين يحل ويمر ويصيرراجع زمانك واكثر الناس شفها
الناس لاحقها من الوقت تاثييروتصبر على باس السنين وصلفها
تميل ميلات المقادير وتغيروان وصفت بتعذب اللي وصفها
فحرص على قرب الرجال المناعيراللي دروب المرجله تحترفها
تلقى بخوتهم معزه وتقديرومجالسٍ مادنست من عرفها
تاقف معك لو همك اكبر من النيروبعزمها حتى الصعاب اتعسفها
ولا قدر الله ثم رمتك المقاديرالرجل منهم وقفته لا وقفها
تسوا لها فزعة صفوف وطوابيرماهوب لا شاف الصمايل حرفها
يقلط على الشده كما سالم الزيروتامن به الديره وهو في طرفها
لامازهمته قام يشتح كما الطيرلاضف جنحانه وكفه عكفها
واهل الردى مالك وراها مداويرجنب مجالسها وجنب ولفها
لو اضحكتلك في السنين المياسيرلابد في وقت القسا تكتشفها
تفِرح بك الشمات لو ذنبك اصغيروتحتار في اصغر غلطةٍ تقترفها
ويصير همك كبر هضبة شمنصيرلكن جنب معرفتها وعفها
لانذال رفقتها مهونه وتقصيروتِكثر عنا نفسك وتكِثر حسفها
فالرفقه اللي ماتدلك على خيرآللّّه يلعنها ويلعن جدفها
ولا ترادع جاهلين المحاضيرولو تعترض لك كلمة اللاش طفها
واحفظ السانك لو بلوك المعاثيرالكلمه اللي دون ميزان خفها
يجوز ترمي كلمة دون تفكيرواصبح سودان القلوب اتخطفها
واصدر لياما عفت صدارت ابعيرلاترتجيها 00 واطلب الله خلفها
وترا النصيب يصيب مافيه تغييرلو تجبد امواج البحر وتغرفها
وعذر الرجال الطيبه خله ايصيرابيك تعذرها وتقبل وسفها
العذر يقبل لاحصل فيه تبريرامن الرجال اللي صريحٍ هدفها
في كل شي قد تجوز المعاذيرالا على اعراض الرجال وشرفها
اقولها وانا الذي سلوتي غيرالبعد عن ضيق البيوت وكنفها
واسج في خبت كسته النواويرحيثه ظفر روحي وحيثه نصفها
واسواق الاسهم والذهب والدنانيرلو سلموها في يديّ اصطرفها
ينوبها ملحاٍ من ابل المناصيرارعابها زهر الفياض وقطفها





صح لسان قايلها ومعانيها جزلة واهديها لكم

اخوكم
ابو عبدالله