انتبهوا قصه واقعيه

السلام عليكم ورحمة الله وبركاته

الى كل ام واب انتبهوا لبناتكم من الحفلات الي قاعدين يسوونها ناس ماتدري ايش نواياهم خاصةً لماتكون في شاليه او استراحة وصاروا ينشرون الحفلات هذي عن طريق الاسنابات والبنات ينبهروا لما يسمعوا قهوة جديدة وشاليه والدخول بمبلغ رمزي مايتجاوز 50 ريال ولما رحت انا وبنتي اخذت صديقاتها معانا لقينا المكان غير الي في الاسناب ؛؛ تخيلوامعايا صالة رقص واضاءة ديجيه واغاني ومعسل ومشروبات طاقة وسجاير والبنات شبه دايخات والله جاني خوف من المنظر الي شفته بويات ورقص مخل ووحده من البنات اغمى عليها غير السكرتيه الي جالسين برا حوالي خمس حراس من الجنسيه المصريه ومكان منقطع ياناس لو راعية القهوة تعطي للبنات حشيش ماحد درا عنها وعادي وهم شبه مغيبين يدخلون رجال وهذيك الساعه ماعد ينفع الصياح والبكاء ؛؛ انا رحت مع بنتي طيب والي تروح من غير امها مين بينتبهلها ؛؛ الموضوع زاد عن حده وماعادوا الاهل يسألوا عن بناتهم او يبغوا يفتكوا من المشاكل فقدام دموع البنت تبدأ التنازلات اليوم تنزل دموعها بكره تنزل دموعنا ودموعها لما تخرب حياتها مع عيال الحرام وماينفع بعدها الندم ؛؛؛ الموضوع خطير جدااااااااااً وبناتنا امانه وكلكم راع وكلكم مسؤول عن رعيته ( وقفوهم انهم مسؤولون ) لما تبكي بنتك قدامك قلها اذا وقفت بين يد الله يوم الحساب بتنفعيني انت اول وحده حتشتكيني وماراح توقفي معايا؛؛ ياناس لو اتفقنا كلنا يد بيد ومنعنا بناتنا من تجمعات الاستراحات والشاليهات وحاولنا توعيتهم بحب ماراح يقدروا الناس المريضة من استغلال بناتنا ابداً ؛؛؛؛ ولاتنسوا الشراب والمخدرات منتشر بين البنات صار اكثر من الاولاد ولاترموا بناتكم بعدين تقولوا واثقين ونستودعهم الله ونعم بالله بس اعقلها وتوكل مو تحط البنزين جنب النار وتقول ماراح يصير شي ؛؛؛ اللهم اهدينا واهدي بناتنا وبنات المسلمين واولادنا واولاد المسلمين لما تحب وترضى اللهم ارهم الحق حقا وارزقهم اتباعه وارهم الباطل باطلا وارزقهم اجتنابه . (اللهم اني بلغت اللهم فاشهد )
والله العظيم ثم والله العظيم ثم والله العظيم إني أعرف الام الي راحت مع بناتها يعني الخبر صحيح
وع حسب رغبتها ماراح اذكر الاسم بس القصة حقيقية يا اخواتي انتبهو
وانشروها
اختكم اعتدال الجميل