| جميع الحقوق محفوظة © |

المـواطـن السعـودي غيـر مـرغــوب فية ؟؟!!

السلام عليكم ورحمة الله وبركاتة :


أسمحولي أتكلم عن موضوع الوظايف لأنه والله موضوع أتعبني كثيرا


تعبت وأنا أدور وظيفة وكل ماأروح الشركات ياتلقى المسئول عن الوظايف سوري أو مصري أو لبناني


تخش علية بملفك لتقدم عليهم ،،يطالع فيك من فوق لتحت وبعدين يقول أسف مامعك جامعة وهو خراط في حقيقة نفسة أغلب الوظايف تريد خبرة وأغلب الأجانب المتوظفين بالشركات حاصلين على دبلوم سنتين سواء كان حاسب الي أو محاسبة او أي تخصص وياخذ راتب 4 موظفين سعوديين ، والله لوكان في بلده مايلقى زي راتبة ،بس الأجنبي محبوب يحبونه ربعنا .


يعني بالعربي الفصيح يبي يصرفك مسئول التوظيف الأجنبي ..يعني المواطن السعودي غير مرغوب فية بالعمل بالشركات


ماأدري هل الموظفين الأجانب متفقين على محاربة المواطن السعودي في أمر الوظيفة ولا كيف ..؟


والمصيبة أذا لقيت مسئول التوظيف سعودي وهذا نادرأ ماتلقاه ،،والله مايقدر يحط خيط بأبرة حتى يراجع الموظف الأجنبي ويشوره بتوظيف السعودي .


قليل جدأ أذا لقيت مواطن مسئول سعودي في شركة يساعد أخـوه المواطن في الحصول على وظيفة ،، يقفلها في وجهك يقول لازم بكالريوس وخبرة عشر سنين على باله الشعب كله جامعي ..


وأذا رحت لأي شركة تقدم عليهم يحسسونك ان ملك الموت داخل عليهم تشوف وجيهم تغيرت وصفرت وكشرت


وأذا بغوا يتجملوا معك أخذوا ملفك ويقولولك أنتظر أتصالنا ،، وهم يصرفونك أصلا ،،وقابلني أذا أتصلوووووووو .؟


أقسم بالله حاله يرثى لها .. الأجانب في بلدنــا عايشين أحسن عيشـة ،، وأبن البلد ماهو قادر يعيش في بلده


أنا خايف يجي يوم على السعوديين يشترون فيزا ويتغربون مثل أخوانا العرب لسعي وراء لقمـــة العيــش..!


مانقــول الا الله يعين المواطن السعودي في البحث عن وظيفــة ،،،،،،،!!!!!


لأنـه أصبح كابوس مرعب ومخيف يقلــق الشبـاب....!!



@ من خواطر حزين الرياض @

الردود
نقاشات مشابهة
الكل: 45
41 45
41.
عضو قديم رقم 223387
07:23:46 2011.10.31 [مكة]
الله يرزقك من واسع فضله ، ،
42.
عضو قديم رقم 265329
15:15:17 2012.03.04 [مكة]
ابحث عن السبب وراء عطالة الشباب تلقى القصمان وراها !!
43.
15:37:45 2012.03.04 [مكة]
الصدق وبدون مجامله لأحد لأن صاحب العمل يبي عمله مستقر ويتنفذ ويوم يعين السعودي شهر شهر ولقي له وظيفه براتب ازود 100 ترك العمل وراح للوظيفه الجديده عاد كيف لو جاه تعين بدائره حكوميه يعني بالعربي شغل القطاع الخاص بالنسبه للسعودي تمضية وقت لين يلقى الوظيفه وصاحب المال ما ينلام يبي استقرار لعمله تقبلوا مروري اخوكم ابوعبدالله
44.
15:40:57 2012.03.04 [مكة]
كلام ابو عبدالله 100% والله يكون بالعون
45.
08:48:15 2013.01.29 [مكة]
مانقول الا الله يعين المواطن السعودي شاكر مروركم الكريم