| جميع الحقوق محفوظة © |

اللي يصير معه موقف احتكاك بالسيارات ويزعل

السلام عليكم ورحمة الله وبركاته
ياأخوان كان دايم يصير معي مواقف بالسيارة واحتك مع الناس وينزلون ونتهاوش ولساني متبري مني بشكل ماتتصورون
اللي شايب واللي صغير مايفرقون معي انزل ومعي جهاز الصاعق الكهربائي تحسبّاً لاي خطوة كني العب شطرنج

الزبدة اني لي كم شهر صرت اذا احتكيت مع احد اوقف واخليه يلحقني ويجي جمبي واقول له
حصل خير يالغالي وترا المواقف اللي زي كذا دايم تصير ومالها داعي نصغر عقولنا لدرجة اننا نتضارب او نتهاوش
انت بتقدر تضربني وانا بقدر اضربك وماندري من بيطلع حي من المكان ذا
ان كان اخطيت عليك فأنا اسف وحقك علي وطالعه مني بدون قصد
والله ياخوان ان كلامي طلع له اثر كبير على المتلقي انه ينحرج ويبدأ يتكلم معي باحترام كبير جدا واحس انه منحرج مني بقوة

والله ياأخوان ان كلامي هذا نصيحه لكم كلكم وجربوه

انا اول مره قلته خفت اني اطلع بموقف الخواف والجبان ولكن ردة فعل الناس لي احس اني شي كبير

الردود (10)
الكل: 10
1.
22:16:25 2014.01.06 [مكة]
هههههههه معقوله في واحد غشيم لهذي الدرجه كل سواقته حوادث اسمح لي يااستاذ اقول انك لازم تعيد النظر في اختبار الرخصه
2.
عضو قديم رقم 349250
22:38:20 2014.01.06 [مكة]
اما ؟؟؟؟؟ تنزل ومعك صاعق يعني غلطان ولك وجه بعد والله شي انت يبيلك واحد ينزل عليك يمردغك الين تصير تعرف تسوق صح .. بالعربي يلقنك درس لعله يكون فاتحه خير لتظبط السواقه صح .. يزرع في داخلك خوف من ضلك هههههههههه أقول عساك ماتحك موتري
3.
22:59:53 2014.01.06 [مكة]
مو كل الناس تقدر تضربها
4.
12:39:33 2014.01.07 [مكة]
1. بقلم: massiri77 أسوق احسن منك 2. بقلم: M-n مالقيت اللي يمردغني لانهم كلهم مثلك رخوم 3. بقلم: Investt صدقني مالقيت أجبن من الشعب السعودي خوف متجذر للنخاع بغض النظر ان ابوي سعودي لكن الوالده الله يحفظها عشانها اجنبية الظاهر تغيرت فيني جينات وماصرت سعودي تقليدي
5.
13:27:21 2014.01.07 [مكة]
الي اسلوبه جيد بيكون في كل مكان أما الي اسلوبه سيء خلف الشاشة فهذا للأسف جبان شرواك
6.
عضو قديم رقم 335108
14:26:58 2014.01.07 [مكة]
بس هو يمكن يضربك و يمددك على الارض عاد بايخة تقوم وظهرك مليان تراب
7.
عضو قديم رقم 349250
14:31:22 2014.01.07 [مكة]
4x4 كفيت ووفيت أخترقت جبهته هههههههه لو فيك خير ياكاتب الموضوع ياشجاع كان تنزل على الي يأذيك باليدين اما تنزل ومعك صاعق ؟؟؟؟؟؟ جبان واضحه مثل الشمس
8.
14:34:00 2014.01.07 [مكة]
يارجال اللي هذا اسلوبك مستحيل يتغير بين ليله وضحاها دور شئ ماقلتة كذا من الباب لطاقة تغيرت وصرت محترم اما هذي كثر منها
9.
17:18:40 2014.01.07 [مكة]
ياصاحب الموضوع انت وصلت للحق بفضل الله لان الرسول عليه افضل الصلاة والسلام يقول : ليس الشديد بالصرعة انما الشديد من يملك نفسه عند الغضب الله يثبتنا واياك على الحق وحسن الخلق
10.
13:00:50 2014.01.08 [مكة]
انصحك تراجع اعرف من جماعه ودي تصدمه وتجي تضاربه قسم ليعلقك في عمود اناره وانا عن نفسي لو يجي واحد معه صاعق قسم اتوطاه
أضف رداً
نقاشات مشابهة