العمل : منح إجازة اليومين لموظفي القطاع الخاص في شوال

مبروووووووووووك مقدما

مصدر مسئول خايف يقول اسمة !!!
عموما ما اعتقد يسير شي
وقرار الحد الادنى للرواتب 3000 ريال للاسف قرار سار ضد الشباب
الشركات سارة توظف بالحد الادنى 3000 ريال
يعني معاك شهادة ابتدائية تاخذ 3000 ريال
معاك شهادة متوسطة تاخذ 3000 ريال
معاك شهادة ثانوية تاخذ 3000 ريال
معاك شهادة جامعية تاخذ 3000 ريال وانا وحده من هذي الفئة
كانهم يقولون للشباب لا تدرسون ترا اخرتها 3000 ريال


المفروض القرار يكون تحديد الراتب حسب الشهادة للموظف
الشهادة الابتدئية 3000 ريال
الشهادة المتوسطة 3500 ريال
الشهادة الثانوية 4000 ريال
الشهادة الجامعية 5000 ريال
بكذا يكون في تشجيع للشباب للتعليم عشان يوصل للراتب الاعلى

وفي الاخير مااااااااااااااااااااااااااااااافي امل لا في اجازة يومين ولا في رواتب في القطاع الخاص

إن أمر تحديد تلك الإجازة متروك لصاحب العمل، فهو الأعلم باحتياجاته، وأن النظام لايجبره على أن تكون مثل إجازة القطاع الحكومي يومي الجمعة والسبت.!!!!!!!!

القطاع الخاص الا يشمل قطاع الخدمات العامه ؟
من معارض واسواق ومحطات بنزين وصيدليات ومطاعم ...الخ ؟
لا اعلم كيف ستكون الاسعار بعد هذه القرارات الجائرة التي لن يدفع ثمنها سوى المواطن البسيط !!
لا اقول انه ليس من حق العامل في القطاع الخاص يومين ولكن الانظمه المفروضه تجبر اصحاب الاعمال برفع الاسعار بهذه القرارات
ولنتفرض اني صاحب مطعم مثلا او سوبر ماركت
النظام يعطي الحق للعامل باجازه يومين في الاسبوع وفي المقابل وزارة العمل لا تمنح الفيز الكافيه لصاحب العمل لانه من المفترض ان النظام سيكون نظام شفتات ،، عامل في اجازه وعامل يعمل
والنتيجه نقص في العماله + نقص في ساعات العمل = انخفاض الدخل
وبالتالي فصحاب العمل ليس له خيار الا رفع الاسعار ليغطي بها النقص في الدخل او يقفل مشروعه كليا وهذا ما يريدة النظام ( سحق المشاريع الصغيرة والتضييق عليها )

على كل حال الايام القادمه وخاصة بعد عملية التصحيح للعماله سنشهد ارتفاع في الاسعار .

^^^^
يعني لو عندك 4 موظفين سعوديين 2 اجازتهم خميس وجمعة و 2 اجازتهم جمعة وسبت
هل هذا يقلل من دخل صاحب العمل !!!
انا ما اعتقد لانه في موظفين غير سعوديين والسعوديين نسبتهم الاقل في كل شركة
يعني 2 غايبين خميس و2 غايبين سبت والله ما اعتقد بتاثر على دخل اي شركة

ماراح يعرف قدر الاجازة يوم واحد الا الي يعاني منها
يوم واحد اجازه = يوم الجمعة
يعني الخميس دوام صاحي بدري وترجع تعبان وطبيعي بتنام بدري لانك صاحي بدري
الجمعة لازم تنام بدري السبت وراك دوام

القطاع الخاص = رواتب اقل و اجازة اسبوعية اقل
القطاع الحكومي = راتب اكبر و اجازة اسبوعية يومين

ونرجع نقول ليش الشباب ما يبي القطاع الخاص

5. بقلم: انوثةطاغية
يا ليت تبحثي لي عن موظف سعودي يعمل في تغليف الهدايا وتنسيق الورد وكوش الافراح :)
وبالمره سعودي مساعد للسعودي مغلف الهدايا
وسعودي بائع في محل هدايا

هذولا 3 سعوديين رواتبهم لا تقل عن 9000 ريال شهري يشتغلون 8 ساعات يوميا لمدة 5 ايام
وبما ان العمل في المحل 11 ساعه فترتين
فليزمني ايضا 2 موظف سعودي + الفلبيني ( الفيزة الوحيدة اللي حصلت عليها من مكتب العمل )
وبكذا صرت اسلم رواتب تتجاوز ال 18 الف + الايجار 5000 شهريا والمجموع 23 الف

ولا اقول لك
يا ليت تتكرمي وتعطيني حل لمشكلتنا الحاليه مع موظف فلبيني واحد فقط
كم سعودي يلزمنا توظيفه + توزيع جدول العمل حسب ساعات العمل المفروضه علينا وايام الاجازه
علما بان الوظائف المرغوبه ( منسق هدايا وكوش افراح وزهور )
مساعد منسق هدايا
عامل نظافه
بائع
وبعد ما تعطينا الدراسه زودينا بارقام الموظفين لنتواصل معهم
كما يوجد لدى الوالد محل ( فول + مخبز تميس )
والوظائف المطروحه للسعوديين
عدد 2 معلم فول وكبده وشكشوكه سعوديين
عدد 5 مباشرين فول سعوديين
عدد 2 عمال نظافه سعوديين
علما بان وزارة العمل تكرمت علينا بعدد 3 فيز للمطعم

كما يوجد لدى اخي في المدينه المنورة محل ادوات بناء
ويحتاج
عدد 2 سباك سعودي
عدد 2 كهربائي سعودي
عدد 2 بائع سعودي
ووزارة العمل ما قصرت اعطوه فيزا وحده لعامل

انتظر منك الدراسه وارقام معلمي الفول السعوديين والسباكين السعوديين
شكرا

لا دراسة ولا غيره
ولا تبني مكسبك المادي على حساب غيرك
وهذي شروط مكتب العمل الي مو عاجبة يقفل منت مجبور
واالموظوع اجازة دخلتني في فيز اجل الي شغالين عندك الان مخالفين ^_^
والقرار يقول تبيهم يداومون تعطيهم مقابل ذي ما انت تفكر في دخلك المادي هم يفكرون في دخلهم المادي

طيب لو قفل

بيمسك سراء يبحث عن وظيفة ثم تكثر البطاله والمسجلين لديهم انتظار للتعين وصلين لا ارقام فلكية.

كلنا مع السعوده الحقيقيه التي تخدم البلد وترفع من شئنه لاتزل الوظائف التي يستحقها السعودي محتكره للاجانب والشركات الكبرى اكبر دليل كل القيادات والوظائف الاداريه بيد الاجانب ، توظيف السعودي وهمي ولا عامل بكل الشركات الكبرى بالمملكه

يا شباب بالله هل الاجازه تشمل موظفين المعارض. ولماذا لا.. ارجو الرد. نحنا عمال ما عندنا غير يوم الجمعه صباح..

دام توظيف السعودي وهمي وانا معاكي في هذا الشي
اجل ما بتفرق اجازة يومين
وفي بعض الشركات بادرة باجازة اليومين ما شفناها قالت بنفلس لو عطيناهم اجازة يومين
الموظوع كل واحد يبحث عن مصالحة

حط نفسك في هذا الوظع وبراتب 3000
الخميس دوام صاحي بدري وترجع تعبان وطبيعي بتنام بدري لانك صاحي بدري
الجمعة لازم تنام بدري السبت وراك دوام

لو راتب يستاهل كان صدقني بنداوم 7 ايام مو 6

هل من المنطق ان تمنح ادارات القطاع الخاص اجازات.. والعمال في المعارض والمطاعم وغيرها لا؟ !

7. بقلم : انوثه طاغيه
تقول الاخت لا تبني مكسبك المادي على حساب غيرك !
يعني انا اقول لك ثور وانتي تقولي احلبه :)

وواحد من اثنين
اما اني حجرت لك وما عرفتي تردي
واما انك ما تدري وين سرحت ووين مرحت :)
انا اتكلم في وادي وانتي في وادي

وبالفعل هنيئا لحكومتنا بهذا الشعب :)

^^^
اعتذر عن الرد اسلوبك حق شوارع
بس لا يكون انت بنقالي مو من هذا الشعب