العمالة وإستغلالهم لنا ... إلى متى .. ؟؟

يا رجال اتقي ربك في ما تقول ،، وكلامك وما خطت يداك سيكون حسرة عليك يوم لا ينفع مال ولا بنون ...

دع الخلق للخالق ، فالرزق رزقه والأرض ارضه ، وكل شيء مسير بأمره ..

لهذه الدرجة وصل عندك الحقد والغل على مسلمين مثلك ،،، لدرجة ان تجيز قتلهم

لا تعتقد انه ما دمنا نحن سعوديين فقد ملكنا الوافدين ،،،

فهم ايضاً لديهم مبرراتهم في رفع السعر ، فكل شيء مرتفع ، والزمن تغير

ان احببت استعن بهم في عملك ،،، وان لم ترغب فاتركهم واعمله بنفسك ،، والا مثلاً تبيهم يرضخون لمزاجك كونك سعودي

انا عندي اثنين عمال ،، والله لم يمر علي وقت احسست بأن هناك فرق بيني وبينهم .

ففي النهاية كلنا مسلمين ، وربما احدهم اكرم عند الله مني ومنك .

فدع حقدك وغلك ،، وتقبل الحياه ،، واعفو ، وسامح ،،، لأنك ستضر نفسك بغيضك وما ضرهم منك شئ .

لايوجد حقد بالموضوع أبداً ولم يكتب إلا عن الواقع المر الذي وصلت إليه الأمور ويعاني منه الكثير بسبب العمالة.

اخوي الوسيط بارك الله فيك : ما توقعت يصدر منك مثل هذا الكلام !!
وما كان هذا اسلوبك ولا طرحك ،، وان كانت العمالة ما كانت بس ما تنوصف ((بالشرذمة)) !!
ومثل ما انت عندك وقت ملتزم فيه هم بعد لهم التزاماتهم واوقاتهم كل بحسبه !!
وبدل ما تقول الله لا يبارك فيهم >> ياريت بارك الله فيك لو تقول الله يهديهم عشان خيرهم يوصلك !!

العفو ياخوي ،، بس حز بنفسي ما قرأته منك

والسموحة

تكلفة العامل قبل فترة بسيطة كانت في السنة لا تتعدى 800 ريال اما الان مع القوانين الجديدة صارت 6000 الاف واكثر

كيف تباه يصلح لك بنفس السعر الاول

انا جبت عامل ينقل سلك من طبلون الى طلبون اخر ( شغل عشر دقائق يعني فك وركب ) تعرف كم طلب

80 ريال . قلت ليش ؟

قال : اقامة غالي - مكتب عمل غالي - كفيل شيل فلوس كتير - ايجار بيت زيادة .. ايش انا

سوي وكان فعلا عليه الحزن والقهر

1. بقلم: البسيط

العذر منك شكلك عندك عمال ومشغلهم ومستفيد منهم عشان كذا ماودك الواحد يطلع اللي في قلبه شوي منهم .. ولو انك شفت نص اللي شفته من العمال كان مالمتني
على العموم الله يصلحنا واياهم

2. بقلم: أبوندى
شكراُ لك يابو ندى .. والله هذا فيض من غيض ..
وصدقني مايمدح السوق الا الربحان ... ولا الخسرانين امثالنا .. ؟؟

3. بقلم: القوافل
حياك الله اخوي .. ماشفت البهذله اللي بهذلوني اياها في مواعيدهم وعلى كيفه يجي يبدأ الشغل ويروح يقول بجيب شغله ويغيب له ساعه مقضيها عند زبون ثاني ..
وهكذا والله ... بهذله لا نوم زي العالم والناس .. يصحوني من 8 الصبح وانا ماطلع من دوامي الا 4 الفجر واجلس انتظرهم وفي النهاية بكل بساطة يقولك بجي بعد العصر ماقدر اجي الان .. واشياء خليها على ربك بس ... بالرغم يشهد الله ادفع وما اجادل كثير وبقدر المستطاع اكون معاهم على افضل شي ولكن ما ينفع معاهم والله ..
لوني من اللي يمسح فيهم البلاط .. كان لقيتهم شغالين ولا يطلعوا الا لما يخلصوا خخخخ

ياخي اقدم اعتذاري لك ولجميع الاخوة الاعضاء في الموقع .. والله كنت جداً جداً جداً متوتر واعصابي فالته .. وطول وقتي وانا اتعوذ من الشيطان عشان لا اسوي مشكلة مع احد .. ويوم دخلت الموقع نزلت الموضوع وانا مولع هههههه
ورديت على موضوع ثاني والمشكلة بنفس الطريقة لقيت ان وجودي في الموقع بيخليهم يحظرون عضويتي ههههه ف طلعت
ويشهد الله هذه جلستي من الصبح وما اكلت الا تو قبل شوي تخيل .. وكل هذا وماخلصوا اليوم كمان ...
الله يعين بس ويفكنا منهم على خير

4. بقلم: صخر78
ياخي مو مشكلتي اذا عندهم كفيل نصاب محتال ياكل مال حرام بالباطل ...
وين الحكومة عن هذه الاشكال ... تمغط فيهم عشان يعرفوا ان الله حق

الحل الامثل هو شركات كبيرة للصيانة .. هي تتكفل بكل الاجراءات الحكومية وتسلم الموظفين لديها رواتب وخلاص ... يريحونا ويريحوا بالهم

-
وسيط2007

أذا أصابك الحرقان فأبحث عن مسببات الحرقان وعالجها فهذا أفضل من محاولتك لمعالجة وتخفيف الحرقان بالحليب .

غلطان

هل تعتقد أنهم تركوا أوطانهم وأهلم من أجل السياحة في الصحراء مثلاً

بعد ارتفاع الإقامات أصبحت العمالة غالية وهذا شيء طبيعي لأن العامل إذا ما استفاد مادياً فسيرجع على أول طيارة

وأنت يا صاحب المعالي اعمل كل شيء بنفسك ولن تحتاج أحد

أما أن تقول " ولو كانت علي لأجزت ذبحهم :(" فهذا شرعاً وعرفاً لا يجوز والحمد لله أن جعلك نكرة لا قيمة لكلامك وليس في يدك سلطة

لا عليك أخي وسيط فوقت الغضب يصدر من أي شخص مثل ردة فعلك .

اعلم بأن العمالة تريد استخراج أكبر مبلغ بالعمل في أكثر من مكان لذا تجدهم أحياناً يتأخرون عليك أو يذهبون مبكراً لإنجاز أعمال أخرى في مكان آخر ، وهذا لمثل ما قالوه الإخوة قبلي لارتفاع الرسوم المقررة عليهم وخاصة العمالة السائبة والتي ليست على كفالة مؤسسة أو شركة معروفة مقرها ومكانها .

لذا احرص بأن تكون عمالتك من جهة معروفة حتى تستطيع ضبطهم ويكون لهم مرجع في حال حصول أي تأخير أو خطأ من قبلهم .

ولا تفكر نهائياً حتى وإن قل سعرهم بأخذ العمالة السائبة أو التي لا تعمل تحت مظلة معروفة ومرجع معروف أو محل معروف .

استشر غيرك في حال يكون لديك أعمال منزلية وخلافة ومن أين أتو بالعمالة التي قامت بهذا العمل فهذا يوفر عليك الجهد مع اليقين بإنجاز العمل على أكمل وجه .

وفقك الله

ما ألومك والله بكل كلمة قلتها
يرفعون الضغط والله ندفع لهم فوق حقهم وهم اتجر مني ومنك لكن نظرتهم للسعودي أسوي فيه كل شي حلال وهذي نظرة 90% منهم
والله لوتشتغل عندهم كان طلعو عيونك وطلعت خسران

اهلا




العمال يتعاملوا مع الناس حسب اطباعهم

مثلا عندنا ما نهتم بالعامل و لا احد يعطيه فلوس الا نادر

ولكن بنفس الوقت نحترمه و ما لنا به



شوف كيف بالمناطق الثانية اللي يصايح تبرع لهم و اكلهم واللي مصور انه يقبل راسه

القهر حتى العنصر النسائي سوتها !!! ( صايره موضه على غفلة )


بدكر قصه طويلة حصلت لي :

مره كنت رايح من مطار الرياض و بروح لجامعه في المجمعه

وقف تاكسي قلت اليه بروح الجامعه بكم و اتفقنا على السعر

وسئلته اكثر من مره تدلها قال ايه

ركبنا الشنط و اول ما مشى يقول لي وين تكون الجامعه !!!!

وهو يمشي فتحت الباب و قلت له نزلني ما تدل وتبهدلني معاك

قال لا كنت اريد افتح معاك موضوع بس !


المهم انعمى على قلبي و رحت معاه

وصار يداور فيني وكل شوي انزل اسأل عنها

و الطيف يريد يقلبها علي , يقول كيف ما تدلها ههههههههه


المهم وصلنا وادا يطلب 50 ريال زياده

قلت اليه يفترض اخصم منك لانك ما تدل و تقول تدلها و تعبتني معاك

صاير يهدر و يقول بشكيك الى الله و من هالكلام

والجمهور الغفير بكلمة وحده اعطيه صدقه , ابراء الذمة , ...

قلت اليه بتشتكي اشتكي على راحتك

انا اتفقت معاك بمبلغ و ما ازيدك ريال

يقول لو سعودي ما سويت اليه كدا

قلت اليه ان السعودي ما يسوي زيك ( مثلك )

وحتى لو سوى مثلك ما بعطيه ريال زياده فوق الاتفاق

وادا بتشتكي للشرطة دانا في الفندق

بعد نصف ساعه هدره مشى و هو ماشي ارمي 5 ريال من دريشة الراكب

وقف و رجع لي الفلوس و يقول ما اريد منك ريال انا شكيتك الى الله


انا ضحكت على الموقف و مشيت

أخى وسيط 2007 مثل ما قالوا الإخوان الأفضل إنك تدعى لهم بالهدايه وفى نفس الوقت بتكون صارم فى تعاملاتك شوف يا أخى ما أحد إنضحك عليه فى العالم مثلى أنا مصرى وبأعمل محاسب منذ قدومى إلى الرياض مافيه أحد إلا ونصب على بدايه من السياره إشتريتها من سعودى كل يوم فى ورشه وإتكلفت تصليح فقط ما يزيد عن 7000 ريال وفى النهايه جابت ماكينه وكان الرجال يقول والله السياره ما فيها غير العافيه الله يسامحه ويهديه وكانت أول الكوارث شريت على الكلمه وكان فيها كوارث والرجال فص ملح وداب وياويلك لو إشتريت سياره من سورى أو يمنى أو روحت تشترى سياره من معرض صاحبه سعودى والواقف فى المعرض مصرى بيعملوا عليك نصبه إلا من رحم ربى والله بينصبوا عليك وما تاخد معاهم حق ولا باطل وإتعملت ما آخد سياره إلا من زميل أو شخص أعرفه وأفحصها الأول ثانى شئ جبت هندى مدرى أو باكستانى يصلح تكييفات المنزل التكييفات كانت محتاجه نظافه وشحن والله إنه أخدهم الورشه وقص الكمبروسر وما دريت إلا وأنا بركب تكيفات جديده ده غير نصب البنجاله فى الصناعيه وغيره وغيره بس والله الواحد إتعلم ما أركب تاكسى إلا لما أتفق على الأجره وما أجيب صنيعى إلا لما أسأل على أجرة يده ومتى أستلم وما يصلح شئ إلا وأنا موجود حتى السباك ما أعطيه ريال غير ما أتأكد الشغل سليم وممتاز

موضوع جميل في نقاط معينة بعيدا عن التعصب والعصبية
وكلام جميل من اخ ناير

انا عملت بهذا المبدأ العمال صارو مستهترين ممكن من التضييق اللي صاير

لكن الاتفاق الاولي مع عرض كل التفاصيل يضمن حقي وحق العامل

بمعنى ما احاسبك الا لما تخلص النقاط اللي ذكرتها لك

ولا تنسى انك صاحب المادة

لك الحق في اخذ وقتك بكل شي

الاستعمار الانقليزي للعالم في القرون الماضيه
الاستعمار الاجنبي للاقتصاد الخليجي حاليا
سيم سيم مافيه فرق

6. بقلم: aldabuq

للاسف اصبح مرض عضال ... لا يفيد معه حليب ولا علاج .. :(
اذا عندك وصفة الحقنا بها ..

7. بقلم: 4X4
والحمدلله الذي منحك عقل محدود التفكير لا يخرج عن الحروف والسطور .. ف تقرأ دون ان تعي
والجزاء من جنس العمل ..
من قدم إلى بلادنا ليس للسياحة وكذلك ليس للاستعمار في البلد
ف العينة التي سمحوا لهم بأن يفعلوا مايشاوؤا مقابل دريهمات قليلة شهرياً
وهو يتبطح في الاستراحات .. وياخذ المعلوم من ( الصديق ) كل شهر ... هم السبب وهم الافة التي قصمت ظهر البلد ...

8. بقلم: yasser1979
شكراً لك على مشاركتك الفعالة ..
هنا مربط الفرس .. العمالة السائبة وللأسف بعضهم في المحلات .. لديهم مرجع ولكن راعي الحلال متبطح مع المتبطحين .. وتاركهم على هواهم ..
وماذكرته عن ردة فعلي .. صدقت .. كانت لحظة غضب .. وقهر وقرف .. ولكن الحمدلله الذي عداها على افضل حال ...

9. بقلم: shmg7
شكراً لك على مشاركتك الجميلة ..
فعلاً .. هُم لهم حسابات اخرى .. ولك قصة احد زملائي في العمل .. سعودي من اصل باكستاني .. يقول احضرت عمال جبس للسقف .. باكستانيين ..
قلت لهم بالعربي ( عندي كذا وكذا وكذا ) .. المهم هو ينقل لنا الحديث بينهم ..
امممم هذه الغرف بتوقف علينا ب 4 الالف والثانية ب الفين .. خلنا نقوله 14 الف ..
الثاني يرد عليه لا كثير مرة 14 الف .. الاول .. لا شوف سيارته حديثة وساكن في فيلا .. الثاني لا خلنا نقوله 12 لا تشطح مرة ... الاول طيب خلاص بنقوله 12 واذا فاصلنا يصير نجيب بضاعة السيئة هذيك ونكون وفرنا .. خلاص اخر سعر تنزل معاه لحد 10 الالف ماتنزل تحتها ريال ..

المهم قالوا له السعر خخخخ
ف كان رده عليهم بالباكستاني .... سوي الشغل النظيف والبضاعه راح اعاينها اذا جبتوها قبل لا تشتغلوا والتكلفة عليكم 6 الالف ريال بعطيكم فوقها الفين فايدة لكم واشتغلوا ..
ههههه طبعاً قمة الاحراج طاحوا فيها الاثنين وبعدين بدأ المناحل بينهم وانهاها معاهم على 9 الالف بالبضاعه الجيدة ماهو السيئة اللي تكلموا عليها ...

شفت كيف يستغلونا ..

الله يعيننا واياكم يارب

10. بقلم: عمرالزمان
للاسف .. هذا حالهم ولا يخش في عينك ويعرف اننا ناس نخاف دعوة ونخاف نكون ظالمينه لذلك نقوله الله لا يعقب بشر ياخذ الفلوس ونفتك ... ولكن الحقيقة مرة .. استغلال صريح

11. بقلم: نايرالالفى
جزاك الله خير
انا ما اقول الا الله يهدينا واياهم يارب ...

بالفعل التعامل صار صعب جداً في كل مكان ولازم الواحد يكون مفتري وصارم عشان يقدر يعيش .. ويتعامل مع الناس :(

12. بقلم: الشماخ
الله يسعدك وربي كتبت الموضوع وانا مولع شرار خخخخخ
ولكن الحمدلله الله سلم ...
هذه طريقتي معاهم ولكن للاسف برضوا في تلاعب وانسى انهم يتمموا لك شي كامل .. الا بعد مايروحوا تكتشف انهم مخربين شي ثاني .. وادفع ياعم صابر خخخخخ


13. بقلم: سيناتور
والله انك جبتها ...
بس لابد انه في حل .....