العداد المشترك

يفترض ان يكون موضح بالعقد ان العداد مشترك بين الشقه رقم . . والشقه رقم . . وكل المستأجرين يوقعون ان العداد مشترك والسداد على الطرفين
واذا زوجك ماوقع او غير موضح بالعقد هذا الشرط
يقدر يشتكي وياخذ حقه من صاحب المكتب او صاحب العقار اذا كنتم مستأجرين منه مباشرة . . ربنا معاك

لا مافي شي موضح في العقد واشكرك اخ ناصر عالرد

فيه عداد صغير تقدر تحطونه في الشقه يطلع لكم كم استهلكم بس قبل تركبونه خذو موفقه من صاحب البيت ومن جارك صاحب الشقه عشان مايرفض اذجاء دفع الفاتوره لان العداد بيطلع لكم تكلفة شقتكم انتم والباقي عليه

الله يعينكم
اذا اجار الشقه مناسب او الشقه ماتتفوت يعني صعب تلاقون زيها
فحلها بسيط ركبو عداد صغير داخل الشقه يوضح استهلاكم طبعا والفني الى بيركبه راح يشر لكم كف تحسبون الاستهلاك وبعدها تضيفون رسوم الخدمه نص عليكم ونص على الجار
مع العلم انا ضد اي شي مشترك

نفس المشكلة بس حنا ثلاث شقق الشهر الماضي كانت 950 ريال، ياخوان ما في طريقة لفصل العداد عن طريق شركة الكهرباء

تحياتي ...

مثل ماقال الاخ Zozo1400 يوضع عداد ليحسب الكميه المستهلكه من الكهرباء .... وهذه افضل طريقه ليعرف كل مستأجر إستهلاكه

شوفي اذا تبون عداد جديد بكرتونه لم يستخدم شاريه 150ريال بركبه ولكن ماحتاجه الحين

ممكن ترسلين لي رقم احد من الرجال واجيبه لكم الاربعاء الجاي لاني بكون بالرياض

ومايحتاج شرح لكن ممكن اشرح لكم واعطيكم موقع يفيدكم بالحسبه

طيب مافيه حل غير العداد الصغير اللي يركب داخل الشقه للقراءه لانه صعب متابعته قد ينسى الشخص وحتى قراءته تحتاج تدقيق .

اعتقد قبل فتره قرات اعلان عن قارئ عدادات او جهاز يقرا العداد او كمية الاستهلاك


طيب اذا كان في العماره اكثر من شقه 4 او 5 وعدادين مشتركه كيف يتم العدل بينهم


1
النظام هذا معروف لدى معظم من يأجر بيته ان العداد مشترك فيقبل المستأجر ما يبي يتوكل على الله لا تستطيع اجبار راعي العقار ان يفصل العداد او خلافه بل تستطيع اخلاء عقاره بكل سهوله .

بالنسبه لي عندي عداد مشترك

اخذ من كل مستاجر مبلغ مقطوع خدمات
وارتحت وريحت المستاجر

ولكن للاسف ادفع من جيبي مبلغ زياده لان بالعاده الاستهلاك يطلع عالي بحكم انه دفع مايهمه زاد ولا نقص استهلاكه فاتحملها انا

ولكن افضل لي وله

اهلا

معلومة ما تتعلق بالمشكلة

ان الكهرباء فئات على الاستخدام

اقل من 2000 كيلو واط بالساعة يضرب بـ 5 هللة
2000 - 4000 كيلو واط بالساعة يضرب بـ 10 هلله
4000 - 6000 كيلو واط بالساعة يضرب بـ 15 هللة

وكل ما زاد تضاعف المبلغ

يعني لو العمارة فيها 4 شقق

وكان تجي فاتورة وحده لجميع الشقق والاستهلاك 4000 تكون الفاتورة 600 ريال
يعني كل شقه = 150 ريال

اما لو كان كل شقة لها فاتورة والاستهلاك 1000 تكون الفاتورة 50 ريال
يعني مجموع الشقق = 200 ريال


ان شاء الله ما اخطأت في الحسابات
لأني من زمان موقف عقلي مع الاستقالة !