| جميع الحقوق محفوظة © |

الرياض أصبحت مدينة لاتطـــــاق ؟؟؟

السلام عليكم

الرياض عاصمة المملكــــة العربية السعودية العزيزة والغالية على قلبي.،،،

لقد أصبحت الرياض لاتطـــاق ،،نعم لاتطــاق من الزحمة اللي فيها ،،،،

الواحد صار يطلع من شرق الرياض من حي الروضة يبغى وسط الرياض البطحاء ولا أم الحمام أو العليا ،،،معــاناة حتى يوصل للمكان اللي يبغــــاه ،،والله تكرة نفسك لانك فكرت تطلع من المنزل ؟؟ شي غير طبيعي زحمـــة الرياض ..،،!!

ماأدري كيف تنحل مشكلة هالزحمة ؟؟ هل يسوون مترو أنفاق في الرياض زي مصر ،،عشان تنحل مشكلة الزحمة التي لاتطاق ؟؟

ولاأنتم وش رايكـــم ؟؟؟ هل عندكم حلول لزحمـــة الرياض ؟؟؟

حزين الرياض

الردود
نقاشات مشابهة
الكل: 155
141 155
141.
عضو قديم رقم 196888
08:56:53 2012.02.29 [مكة]
بالعكس مافي زحمه بس الحفريات تسبب التزاحم
142.
09:50:44 2012.11.18 [مكة]
141. بقلم: العنابي0 والحفريات بعد جزء من الزحمة وتزاحم السيارات. شاكر مرورك الكريم
143.
22:46:20 2013.06.07 [مكة]
لاحول ولا قوة الا بالله . الرياض مدينه جميله عيبها زحمتها
144.
22:58:20 2013.06.07 [مكة]
انت ماجربت غير الرياض لو تجرب غيرها بتعرف انها حلوة بالرياض حدايق وتمشيات وكل شئ متوفر بس المشكلة الوحيدة زحمة لكن هي احسن من غيرها بكثير
145.
23:34:57 2013.06.07 [مكة]
الحمد لله اني من جده ... عندنا شوارع فسيحه ولا فيه زحمه ولا شئ وعندنا حدائق متنفس للعوائل وعندنا اشارات مرور مبرمجه على اعلى مستوى وعندنا كباري مافيها مطبات وانفاق مافيها حفر وحواجزصبات وعندنا المشوار سهل جدا من شرق جده لغربها ومن شمالها لجنوبها والوصول الى الكورنيش ما يحتاج توقف كثير على طول من الانفاق والكباري دقايق وانت عند منتزه النخيل , ولا ننسى المرور كل تقاطع تلاقي دوريه وشاحنات ما تمشي في الخط السريع وقت الذروه وما فيه مطبات في شوارعنا والقطار الحمدلله قريبا جدا يعمل(( في المشمش)) ومشكلة الصرف الصحي انتهت ولا تشوف اي وايت اصفر والشوارع الرئيسيه اصبحت شارع باتجاه واحد طبعا لفك الإختناق (مو علشان عمليات الحفر والترقيع). والمراجعات في الإدارات الحكوميه الخدميه اصبحت بكل يسر وسهوله خصوصا مكتب العمل والجوازات وادارة الوافدين والزكاه وغيرها من الإدارات التي تقدم كل التسهيلات للمواطنين المراجعين وبكل ابتسامه آآآآآآآآه يــــا جـــــده
146.
عضو قديم رقم 325559
00:15:11 2013.06.08 [مكة]
سبب الزحمة المقرفة اتوقع وفي رأيي كثره الأجانب من بنقالي لفلسطيني لسوري لهندي لسوداني لمصري لباكستاني وماهنا اكثر منهم مثل الرز عددهم وماتبون يصير زحمه ؟؟؟؟؟؟؟ بالذات أكثرية الهنود وانتم بالكرامة ماهنا اطقع من سواقتهم ثواره لابعد الحدود يزيدون الطين بله ينطبق عليهم المثل الي يقول زود على برد الليالي زغاغيل
147.
18:21:13 2013.12.19 [مكة]
42. بقلم: ADSL3G "مافيه الا حل واحد وهو يسوووون خريص دورين وان شاء الله تنحل المشكلة .,,," تكفى يا وزير النقل!! أو وزير المالية يالي ماسك الفائض ما تدري وين تروح فيه. ما تفتق مخك إلا يكون الشارع دورين!! وين النقل العام؟ وين نقل المدارس للطلاب والطالبات؟ ليه ما يمنع أي أب مدلع عيالة ومتقاعد من الفضاوه إلا يوصل عياله بسيارته. كثير من الأدارات تعاني من تسرب الموظفين قبل نهاية الدوام بحجة احضار الاولاد من المدرسة. وإذا رفضت طلبة اضطر يحط سواق يزاحم الناس بس على شان ما يتأخرون عيالة نصف ساعة اضافية. لاحظوا أن الزحمة تخف في إجازات المدارس وهذا دليل ان أحد أهم اسباب الزحمة بالرياض هم الطلبة الذين لم توفر لهم الدولة نقل. وأعرف كثير من زملائي اشقاء في بيت واحد وكل واحد يجي بسيارة! ما يبي ينتظر شقيقة نصف ساعة او ساعة يتأخر في عملة. الاسباب كثيرة جدا لكن غير ضرورية بل زيادة ترف. لا. مابي بنتي او ولدي يجي مع الباص! الباص يأخرهم!! يعتقد انه هو الوحيد الي يبي بينقل عيالة بنفسه وبالاخير الآف الاسر بتنقل عيالها بسيارتهم الخاصة ويزيد الزحام ويوصل للبيت بنفس الوقت الي يعتقد أن الباص يجي متأخر فيه وباخر الشارع يشوف الباص جاي معه بنفس الوقت. وكأنك يابو زيد ما غزيت. صدقوني راح يفشل النقل العام إذا ما فيه تحفيز لاستخدامه. اولها الحرص على نظافة وسائل النقل ثانيا الألتزام بالوقت بالثانية في دول زرتها إذا تأخر عليك الباص او القطار (10) دقائق تركب مجانا. ثالثا سهولة الدفع بالبطاقة الممغنة للدخول للباص أو القطار والخروج منهما. رابعا كثرة محطات الوقوف حتى لا يضطر الراكب المشي كثيرا على قدميه للوصول لجهته. بالذات الجهات الحكومية التي يرتادها كثير من المواطنين لابد من وجود محطة قطار او موقف باص. وعلى فكرة احد اسباب حب الاجانب للمشي او ركوب الدراجه لانهم تعودوا ينتقلون بوسائل النقل العام ويضطر يمشي من بيته إلى محطة وقوف الباص ومن محطة وقوف الباص الاخرى إلى عملة وهكذا نهاية الدوام. خامسا وضع رسوم رمزية لاستخدام وسائ النقل وعدم السعي إلى الربح السريع واسترداد رأس المال وتقسيم المدينة على شكل دوائر صغيرة ثم اكبر ثم اكبر مثلا سعر تذكرة اطراف الرياض أغلى من الدوائر القريبة للمنطة المركزية. وزيادة سعر المحروقات على السيارات الخاصة. وإستبعاد أصحاب النفوذ والأمراء من الاستثمار في هذا المجال. توفير مواقف ضخمة لسيارات المواطنين الذين ينتقلون من منازلهم إلى محطة الباص إذا كانت بعيده عنهم. مو مثل قرار إلزام اصحاب العماير والشقق والاسواق بتوفير قبو لمواقف المرتادين وأخرتها لم يطبق هذا القرار من ثلاث سنوات. وتشوف الشارع مزدجم ومسكر مسارين بسبب الوقوف المزدوجه عند مطاعم كبيرة او الاسواق بسبب عدم وجود مواقف. القضاء على التسيب والتهرب من العمل بحجة المواعيد ويجي الموظف بسيارته الخاصة بحكم ان بيطلع بنص الدوام. سادسا من المعروف ان كل شركة نقل لديها موقع إلكتروني مربوط بنقاط الدخول للباصات والقطارات والخروج منها ويسجل فيه سجل استخدام بطاقة دخول الباص الممغنطة وأيضا يتم شحن رصي البطاقة بواسطة الموقع. يستغل مثل هذا السجل من قبل الحكومة بصرف بدل نقل لمن يستخدم وسائل النقل ويقطع عن من يستخدم سيارته الخاصه. بالرجوع إلى سجل استخدام بطاقة وسائل النقل. سابعا توفير نقاط شحن بطاقة صعود القطار او الباص بكل مكان كما هو الحال الآن مع شحن بطاقات الجوال مسبقة الشحن. وأهم شئ الوقت والقضا على الواسطة فهي اساس خراب كل شي.
148.
18:41:29 2013.12.19 [مكة]
من حلول الزحمة تسهيل من يريد نقل عملة خارج الرياض. الملك عبد العزيز طيب الله ثراه وطن الناس في قراهم وهجرهم ومدنهم حتى لا يزدحموا بالمدن. والله في اماكن فيها غرفة واحدة فقط واصلها الكهرباء في وسط النفود. وهذه سياسة حكيمة ان تخدم أبناء شعبك في اماكنهم ولا يتكبدون عناء السفر للمدن لقضاء حوائجهم ومواعيدهم في الجهات الحكومية والمستشفيات. أعرف الكثير من موظفين الرياض يدفع عشرات الآلاف من شان ينقل عند أهلة ولا يجاب طلبة!! خلوه ينقل وين المشكلة على قولتهم ما طاح من النجوم أخف للسماء ههههه انا شخصيا لا افضل النقل من الرياض لان جميع المصالح في الرياض! انقل لمدينة صغيرة ولما احتاج مستشفى يبي لي ادور واسطة تنقل مريضي للرياض او اتعنى للرياض من شان معاملة لم تخدمني فيها الدولة في مدينتي الآخرى! رحت دول وزرت قرى فيها تجد نفس الخدمات في المدينة تجدها في القرية حتى اكبر وأرقى الأسواق تفتح في القرية. مثلها مثل المدينة لا فرق إلا في عدد السكان. وهذا من توطين الناس في اماكنهم.. يجب توفير نفس المصالح التي تقدم للمواطن بالمدن الكبرى ان توفر في المدن الصغرى والقرى حتى يبقون الناس في مدنهم وقراهم. أعرف احدى القرى جلس اهلها ينتظرون الماء العذب 20 سنة والاسفلت 14 سنه!! ويداومون الموظفين من أهل القرية 120 كيلومتر وبالاخير نقلوا عشرات العوائل لمكان عملهم في المدينة. تذكرون قبل سنوت وزارة التعليم وقعت المدرسات على تعهد أن اي خريجة لا تطالب بالتعيين إلا في المنطقة التي تخرجت منها او يقيم فيها اهلها. وهذا حد كثيرا من تنقل المعلمات من مكان إلى مكان واصبحت المعلمة تتعين في نفس المدينة. لماذا ينظر في ملايين الموظفين الراغبين في النقل على الاقل التبديل بين موظفين احدهم اهله من الرياض ويعمل في جده والآخر العكس تخف زحمة الطرق السريعة أعرف ناس الله يرفع عنهم ولا يبلانا والله اعلم بظروفهم يسافر كل ويكند!! ليه كل هالشقاء سيارات موديل سنتها 2013 تلقاها ماشية 100 ألف كيلومتر وأكثر!! بظرف سنة!! من تغرب الناس عن مدنهم.
149.
03:26:42 2014.04.08 [مكة]
ﺍﻟﺰﺣﻤﺔ ﻛﻞ ﻳﻮﻡ ﺗﺰﻳﺪ ﻭﺍﻟﺒﺸﺮ ﻛﻞ ﻣﺎﻟﻬﺎ ﺗﻜﺜﺮ ﻭﺍﻟﻌﻤﺎﻝ ﻛﺜﺮﻭ ﺑﻄﺮﻳﻘﺔ ﺗﺨﻮﻑ ﺭﺣﻤﺎﻙ ﻳﺎﻟﻠﻪ شاكر مروركم الكريم
150.
05:51:34 2015.02.04 [مكة]
أنا أعتبر نفسي من سكان الرياض القدماء تقريبا من أيام الملك خالد رحمه الله لم أفكر اني اسكن في مدينه غير الرياض ولم أكذب لو قلت كنت أعتبرها قطعه من قلبي ولكن مع السنين الرياض لم تعد الرياض تلك المدينه الجميله كثر التشبيك وكثرة شركات التي هدمت جباله وسرقة ترابه حتى أصبحت الرياض مخنوقه ومحاصره داخل عمران وطرق مزدحمه وسبب الزحام معروف مايبيلها تفكير ( سوء تخطيط ) هذا أولا وثانيا مدينه يوجد بها ملايين العمال وعشرات الالاف من الشركات والمؤسسات وكل شركه لديها أسطول من السيارات سواء كبيره أو الصغيره ,, أعتقادي هذا السبب الآكيد والله أعلم
151.
عضو قديم رقم 214261
06:37:19 2015.02.04 [مكة]
حتى تحل مشكلة الزحام لابد من وجود رياض ثانيه حول الرياض
152.
08:15:40 2015.02.04 [مكة]
بيجي وقت تمشي على رجليك توصل قبل السيارات لكن الله يعجل بالمترو بيخفف كثير بإذن الله ويجب بعدها تحديد مويل السيارات اللي تمشي بالشوارع مو يجيني احد الجنسيات ومعه سياره شاريها ب 1500 ومكسره وسواقه الله بالخير الان تعداد السكان 31 مليون الاجانب ثلث التعداد 😳 والشغله الثانيه انعدام الاخلاق لدى شريحة من السعوديين في القياده خصوصا صغار السن وتأثر عدد ماهو سهل من الاجانب بهذه الاخلاقيات المنعدمه في القياده بالاضافه الى قلة خبرتهم في القياده والسير في طرقات سريعه والله يزينها
153.
16:04:07 2015.02.05 [مكة]
والله ي اخوي في حلين اسويهم عادتا امسكها حواري و اوصل اسرع او اجيهم من خط سير ثاني و اشيك على خرائط جوجل و اعرف الاماكن الي فيها زحمه و اتفاداها مشكله الزحمه عند المخارج كلهم يبون يطلعون لذالك امسك المسار الايسر دأما بشرط واحد انك تسرع لا تمسك المسار الايسر و تمشي 100
154.
06:45:07 2015.02.09 [مكة]
الحل هو المترو ومحطات باصات من الحجم الكبير 42 راكب توزع على 8 جهات من مدينة الرياض
155.
04:49:26 2015.02.12 [مكة]
الحل تسكن في شقراء ولا ضرما وتجي اهلك كل 3 اسابيع مرة