الراي ياخوان والمشورة هام جدا ( عن اقساط )

الراي ياخوان والمشورة هام جدا

الراي ياخوان والمشورة هام جدا
احد الزملاء كلمني يستشيرني قبل يومين واحلت الموضوع لاعظاء مستعمل لاستنير باراكم الجميله لا حرمنا الله منها
هو عليه التزامات كالتالي قسط بنك3200 المتبقي حسب كلامه 150000 من هذا القرض
قسط سيارة 2700 المتبقي تقريبا قبل الخصم 115000 الخصم ممكن 9000
قسط سياره ثانية 1000 المتبقي 51000 قبل الخصم وسدد 9000 ماخذين عليه ربح اعتقد 15000 على 5سنوات يعني ممكن يخصمون له 12000تقريبا
المهم رزقه الله 200000الف ريال

وش الحل عشان يصفى راتبه هو يقول ان راتبه 11000الف شهريا
نبي ارائكم لااحد يبخل بالراي الله يوفقكم

يضغط على نفسه ويتحمل الاقساط
ويشتري بالمبلغ الي عنده الحين ارض

اخي الكريم لو سدد اللي عليه وارتاح افضل واذا كان غير ذلك يسدد القرض ابوقسط 2700 ريال ويرتاح من بعض الحمل .والله يقضي دينه ودين كل مدين

اشاطر اخي تارك

يسثمر المبلغ الي معاه بارض او غيرها
ويستمر على ماهو عليه من قبل

مجرد رأي :
يسدد القرض و السيارة الي قسطها 1000 ريال

يتبقى له الراتب - قسط 2700 ريال = 8300 ريال

دبل الي يصفى له شهريا

الله يوفقكم بعرض عليه بس هو يبي شويه سيوله لو خمسين عشان للطوارئ ننتظركم

السلام عليكم
خله يسدد السيارتين وبتطيح منه فوائدها على كلامك 21000 ألف
بيسدد السيارة الأولى = 106 الاف
السيارة الثانية = 39 الف
سداد السيارتين = 106 + 39 = 145 ألف - 200000 = 55 ألف
يعني يسدد السيارتين ويرتاح من قسطين 3700 ويبقى معه من المبلغ = 55000 ألف
اذا سدد السيارتين وأصبحت باسمه يبيع واحدة من السيارات التي مبلغ بيعها ممكن يوصل ل 100 ألأف ويزود عليها 50 ألف ويصبح السيولة المالية عنده 150 ألف تقريبا
يروح للبنك ويسدد ال 150 ألف ويصبح ماعليه دين ولا أقساط ولا ريال
وبتبقى معه السيارة الصغيرة
هذا اقتراح

وفيه اقتراح آخر
أنه يسدد السيارتين ويرتاح من أقساطها التي هي 3700 وتصبح حرة باسمه وبيبقى معه حوالي 55000 ألأف ريال يتصرف بها كيف يشاء ويبقى عليه قسط واحد وهو البنك اللي يعينه

طيب ماندله ع مشروع يكسب منه ويسدد الاقساط من الارباح حتى لو نصفها وراس المال ثابت

انا مع اقتراح الرزين

الاولوية لتسديد السيارات لان نسبة فوائدها هي الاعلى وليس اسوأ منها سوي مديونية البطاقات الائتمانية

ايضا تسديد المديونيات اهم من مشروع جديد خاصة ان مايبقى من راتبه لا يكفي (ماادري كيف عايش على اللي يبقى من الراتب)

انا عندي فكرة ثانية وهي ان يقوم بتسديد قرض البنك اولا و اخذ قرض جديد بنفس القسط الشهري او اقل و في هذه الحالة ممكن يحصل على قرض بنسبة فائدة اقل لان البنوك بينها منافسة شديدة في نسبة القروض و ممكن يحصل على 20 الى 30 الف اضافي من العملية هذي اذا يبغى

بعدين يسدد مديونية السيارتين و يضل عنده قسط واحد حق البنك مع مبلغ كاش من 55 الى 80 الف.

بس اهم شي يسدد مديونية السيارات حتى لو مايبي يسوي عملية قرض بنك جديد

طيب البنك مايعطيه لان عنده سيارتين حسب علمي